JAW JAU 3:16 - Jinghpaw Common Language Bible 2009

¹⁶ Dai Madu gaw lusha hkungga hpe awng sharawng nga ai rai nna hkinjawng wa gaw dai yawng hpe tawn hkungri ntsa e nat nawng na rai wu ai. Sau yawng mung dai Madu a matu rai nga ai.

Jinghpaw Hanson Version Bible

¹⁶ hkinjawng wa gaw dai hpe tawn hkungri hta nat na rai wu ai: dai gaw manam pyaw sangau hku wan hte nawng ai shahpa kumhpa rai nga ai: sau yawng gaw Yehowa a matu hkrai rai nga ai.

JAW JAU 3:16 ပူးပေါင်းရင်းမြစ်များ

NINGPAWT NINGHPANG 4:4

Dai hpang Abela mung shi a sagu hpung hta na shawng hkrat ai sagu kasha hpe la sa nhtawm dai hpe sat nna, dai ni hta na grau tsawm ai daw hpe hkungga nawng jau ya na hkungga a matu jaw ya wu ai. Dai Madu gaw Abela hte shi a hkungga hpe awng sharawng ya wu ai;

2 HKAWHKAM LABAU 29:35

Hkinjawng ni gaw hkum ting nat ai shagu hkungga nawng ya ai amu hta sha n-ga, amyu masha ni sha ai shagu hkungga kaw na sau man nat ai amu hta mung, wan nat hkungga ni hte hpawn nawng ya ai sabyi ntsin ru hkaw ai amu ni hpe galaw na lit nga nga ma ai. Shing rai Nawku Htingnu kata e nawku daw jau ai amu bai galaw hpang wa nga masai.

2 HKAWHKAM LABAU 7:7

Shawlumon gaw Nawku Htingnu man na wang a ka-ang shara hpe ap nawng wu ai; dai yang e hkum ting nat ai shagu hkungga ni, shadung hkungga ni, mahku hkungga ni a sau man ni hpe nawng ya wu ai. Shi galaw ai ndai amu a majaw ndai hkungga ni yawng hpe nawng jau na matu shi galaw tawn da nu ai magri mang tawn hkungri gaw nau wa kaji mat nga ai.

PRU MAT 29:13

Dai hpang, pu kan magap ai sau mahkra hte sin hta na kaja htum ai hpe mung, sade lahkawng hte dai hta kap ai sau la nna nye a matu ngu nna nawng jau ai shaloi dai ni hpe tawn hkungri hta nat na rai ndai.

PRU MAT 29:22

“Sagu la a sau tawng hte sau kap ai nmai, pu kan magap ai sau rap, sin hta na kaja htum ai, sade lahkawng hte dai yan hta kap ai sau, hkra magyi re ai hpe gadoi di nna,

ESAIA 53:10

Dai Madu gaw, “Shi hkrum sha ang ai nni nkri gaw nye a myit ra lam rai nga ai; shi a si hkam ai amu gaw mara raw dat ya na shagu hkungga rai nga ai. Dai rai nna, shi gaw shi a aru arat ni hpe mu na ra ai; shi gaw asak galu ai hte hkrung nga na ra ai, shi hku nna sha, nye a yaw shada ai lam awng dang wa na ra ai.

EZEKELA 44:15

Tsaw Htum ai dai Madu gaw, “Kaga Israela amyu masha ni ngai kaw nna kayin mat wa tim, dai hkinjawng amu galaw na matu san da ai Lewi amyu na Zadok a matu mara ni chyawm gaw gara hku mi rai tim, Nawku Htingnu kata e ngai hpe kangka ai hte matut nna daw jau na ma ai. Shanhte gaw ngai hpe daw jau lu nna nye a man e du sa nhtawm, sau man hte shagu hkungga asai ni hte ngai hpe nawng jau na mara ai.

JAW JAU 17:6

Hkinjawng wa mung dai hkungga asai hpe Sum a shang wa chyinghka lam makau na tawn hkungri hta lapri nhtawm dai Madu awng sharawng nga ai manam pyaw ai sangau a matu sau man nat na rai wu ai.

JAW JAU 4:26

Dai hpang tawn hkungri ntsa hta de a asau ni yawng mara nhtawm mahku hkungga a matu sat nawng ai yam nga sau nat nawng ai zawn nat na rai wu ai. Ndai hku nna hkinjawng wa gaw up hkang du wa a shut hpyit yubak mara a matu shagu hkungga nawng ya ai hte shi a yubak mara mung raw dat ai hkrum na rai wu ai.

JAW JAU 4:31

Dai hpang mahku hkungga a matu sat ai yam nga a sau la ai zawn de a sau yawng la nna tawn hkungri ntsa e nat na rai wu ai. Dai Madu gaw de a manam pyaw ai sangau hta awng sharawng nga na wu ai. Dai re ai majaw hkinjawng wa gaw ndai hku nna dai masha wa a matu shagu hkungga nawng ya ai hte shi mung yubak mara raw dat kau ya ai hkrum na rai wu ai.

JAW JAU 8:25

Shi gaw sau man hpe mung, nmai sau mung, pu kan magap ai sau hpe mung, sin hta na kaja htum ai hte sade tawng lahkawng hte dai hta kap ai sau, hkra magyi re ai ni hpe la sa wu ai.

JAW JAU 9:24

Dai Madu gaw wan hpe akajawng sha dat dat nna tawn hkungri na wan nat hkungga hte sau man ni hpe hkru kau nga ai. Dai lam hpe amyu masha ni mu ma yang, shanhte yawng marawn jahtau ai hte ga de myi man gum dagup let dingnyawm nga ma ai.

MAHTE 22:37

Yesu gaw, “ ‘Dai Madu na a Karai Kasang hpe na a myit kraw lawang mahkra hte, na a myit masin mahkra hte, na a myit mang mahkra hte nang tsaw ra lu na rai ndai.”