JAW JAU 3:1 - Jinghpaw Common Language Bible 2009

¹ Nanhte hta na kadai rai ti mung, na a dumsu langai ngai hte mahku hkungga nawng ya ai shaloi dai gaw ra n rawng ai usu shing n rai uyi rai na rai nga ai.

Jinghpaw Hanson Version Bible

¹ Bai shi a kumhpa dai, dumsu hte mahku hkungga di na rai yang gaw, ra n rawng ai ala shing n rai ayi. Yehowa a man e sa jaw na rai wu ai.

JAW JAU 3:1 ပူးပေါင်းရင်းမြစ်များ

1 HKAWHKAM LABAU 21:26

Dai yang e, dai Madu a matu tawn hkungri langai galaw nna wan nat hkungga hte mahku hkungga ni hpe nawng jau ya wu ai. Dai Madu mung sumsing lamu kaw nna wan jahkrat dat nhtawm hkungri ntsa na shagu hkungga ni hpe hkru kau ya let, shi a akyu hpyi ga hpe htan ya wu ai.

PRU MAT 20:24

Nye a matu chyawm gaw hkungri langai galaw nhtawm, de a ntsa e na a sagu dumsu ni hpe mahku hkungga ngu nna hkum dingnawng nat nawng ai shagu hkungga hpe nawng ya e. Ngai hpe nawku lu na matu mung, shara shagu hkan na a matu shara ni hpe ngai san da ya na de ai. Ngai nang kaw sa nna shaman ya na de ai.

PRU MAT 24:5

Dai hpang shabrang ni hpe shi shangun dat nna, shanhte gaw dai Madu hpe shagu hkungga ni nat nawng nhtawm mahku hkungga a matu dumsu nkau mi hpe mung nawng jau ma ai.

PRU MAT 29:28

Nye a amyu masha ni mahku hkungga jaw ai shaloi dai hkungga shan a sinda hte magyi ni hpe hkinjawng ni madu la na rai nga ai; dai gaw nye a galai shai n lu ai daw dan lam rai nga li ai. Dai gaw Ngai Madu a matu nawng jau ai amyu masha ni a kumhpa rai nga ai.

GA SHAGAWP 7:14

“Dai ni nye a shagu hkungga ni hpe ngai lajang da ni ai, shagu hkungga kaw na shan hpe mung lu da nga nngai.

EZEKELA 43:27

Laban bat mi lai ai hpang, tawn hkungri ntsa e, amyu masha ni a wan nat hkungga hte mahku hkungga ni hpe hkinjawng ni nawng jau hpang wa ra nga ma ai. Dai shaloi, ngai nanhte yawng hpe awng sharawng wa na nngai. Tsaw Htum ai dai Madu ngai nan tsun ni ai.”

JAW JAU 1:10

Sagu hte bainam langai ngai nawng jau ai rai yang, dai hta lang ai hkungga gaw ra n rawng ai ala rai lu na rai nga ai.

JAW JAU 1:3

Dai wa gaw shi a dumsu hpe wan nat hkungga nawng jau ai rai yang, ra n rawng ai usu langai la sa na rai wu ai. Dai hpe dai Madu a hpung shingkang shanu nga ai Sum a shang wa chyinghka lam hta tawn da lu na rai nga ai. Dai Madu gaw dai wa hpe hkap la na ra ai.

JAW JAU 17:5

Ndai hkang da ai a ga lachyum gaw Israela amyu masha ni nam ga e sat lang ai yam nga ni hpe dai Madu hpang de la sa na matu rai nga ai. Shanhte gaw dai ni hpe mahku hkungga shatai na matu sat nhtawm Sum a shang wa chyinghka lam e hkinjawng wa kaw la sa na rai ma ai.

JAW JAU 3:6

Sagu bainam hte mahku hkungga galaw ai rai yang, dai gaw ala shing n rai ayi rai na rai nga ai; rai ti mung ra n rawng ai rai lu na rai nga ai.

JAW JAU 9:18

Shi gaw amyu masha ni a matu mahku hkungga usu hte sagu la sat wu ai. Shi a shadang sha ni mung de a asai shi hpang de la wa ya nhtawm shi gaw dai hpe tawn hkungri a man mali grup grup de lapri wu ai.

JAW JAU 9:4

mahku hkungga a matu dumsu usu hte sagu la, la sa na tsun su. Dai ni hpe namman sau hte kayau ai shadung hkungga hte hpawn dai Madu hpe nawng jau na rai myit dai. Dai Madu gaw shanhte kaw dai ni dan pru na ra ai majaw shanhte dai hpe dai ni jang galaw ra na rai ma ai,” ngu nna tsun wu ai.

AMO LAIKA (AMOS) 5:22

Nanhte nye a matu wan nat hkungga hte shadung hkungga ni nawng jau ai shaloi, dai ni hpe ngai hkap la na n rai; nanhte kaw tawn da ai yam nga ni hte hkungga nawng jau ti mung ngai hkap la na n rai.

MALAHKI 1:14

Ngai hpe jaw ya na nga, ga sadi tawn da sai dai kaja ai dusat langai shi a yam nga hpung hta rawng nga ninglen, ngai hpe dai ra rawng ai dusat hpe masu hkalem nawng jau ya ai wa gaw dagam dala hkrum nga ai. Ngai gaw galu kaba ai hkawhkam rai nga nngai, masha amyu baw ni yawng a masha ni ngai hpe hkrit kamyin nga ma ai.”

MALAHKI 1:8

Ngai hpe shagu hkungga nawng ya na nga, myi kyaw ai, shing n rai machyi ai shing n rai lagaw hten ai dusat langai nanhte la sa myit dai shaloi, dai gaw ra rawng ai lam hpa mung n nga ai ngu nanhte myit nawn da myit ni? Dai zawn re ai dusat, mungdu wa hpe jaw chyam yu mu! Shi nanhte hpe ra sharawng ai hte myi man tau ya na rai wu ni?

BU HKAWM 15:8

Wan nat hkungga shing n rai ga shaka tawn ai hkungga shing n rai mahku hkungga a matu dai Madu hpe usu nawng ya ai rai yang,

BU HKAWM 6:14

ra n rawng ai yam nga masum rai nga ai wan nat hkungga a matu laning mi ladu hkrum sai sagu la kasha langai, htingrai hkungga a matu laning mi ladu hkrum sai sagu yi kasha langai, mahku hkungga a matu sagu la langai mi di nna, dai Madu a matu sak jaw na rai wu ai.

TARA JAHPRANG 12:27

Dai Madu a tawn hkungri ntsa e tsep kawp nat kau na shagu hkungga ni hpe nawng jau na rai myit dai. Bai nawng jau ya ai shagu hkungga ni hta na ashan hpe nanhte sha nhtawm, dai asai hpe chyawm gaw tawn hkungri ntsa e ru hkaw kau na rai myit dai.

KOLOSE 1:20

Dai rai nna, Karai Kasang gaw ninggawn tawa nga yawng nga pra ting shi hte mahku mara bai rai wa u ga, myit daw dan da nu ai. Karai Kasang gaw wudang ntsa e ap nawng si hkam ai Kasha a asai hte mahku mara simsa lam galaw nhtawm, sumsing lamu hte ginding aga e nga ai yawng mayawng hte hpe shi hpang de woi la wu ai.

HEBRE 10:22

Dai re ai majaw anhte gaw mara lu dum ai kraw lawang ni hpe shachyoi shapra kau nna, anhte a hkum hkrang hpe mung san seng ai ntsin hte kashin kamun kau ngut jang, n shut n shai hkrak re ai makam masham hte Karai Kasang hpang de sit shani shang wa ga.

1 YAWHAN 1:3

Anhte gaw Kawa Karai Kasang hte mung, Kasha Yesu Hkristu hte mung, kanawn mazum nga ga ai rai nna nanhte mung anhte hte rau kanawn mazum lu myit ga, anhte mu yu na yu sai lam nanhte hpe anhte tsun ndau dan ga ai.

TARA AGYI 20:26

Dai hpang amyu masha ni yawng Behtela mare de lung wa nhtawm sharung shayawt nga ma ai. Shanhte gaw dai yang na dai Madu a man e dung nga let shana de du hkra n lu n sha rai ma ai. Shanhte gaw dai Madu a man e mahku hkungga ni hte hkum ting nat nawng ai shagu hkungga nkau mi nawng jau ma ai.

TARA AGYI 21:4

Hpang jahpawt jau jau aten hta, dai yang e tawn hkungri gaw nhtawm mahku hkungga ni hte hkum ting nat nawng ai shagu hkungga nkau mi hpe nawng jau ma ai.