JAW JAU 26:9 - Jinghpaw Common Language Bible 2009

⁹ Ngai gaw nanhte hpe shaman ya nna kashu kasha law law mayat maya shangun na made ai. Nanhte hte ngai tawn da se ai nye a maga de na ga shaka hpe ngai shagrin da na we ai.

Jinghpaw Hanson Version Bible

⁹ Ngai nanhte hpe sha-awng nna mayat maya shangun na hte shalaw jahtam na made ai; nanhte hte na ga shaka hpe mung ngai shagrin na we ai.

JAW JAU 26:9 ပူးပေါင်းရင်းမြစ်များ

NINGPAWT NINGHPANG 1:28

shan hpe shaman ya nna, “Kashu kasha law law shaprat mu, shaloi nan a matu mara ni aga ting hta shanu nga lu nna, dai hpe up hkang lu na mara ai. Ngai gaw nan hpe nga ni hpe mung, ntsa malen u ni hpe mung, dusat nhprang ni hpe mung up hkang na ahkang jaw da nga nngai.

NINGPAWT NINGHPANG 17:20

Ishmaela a lam hte seng nna nang hpyi lajin ai ga hpe ngai na ni ai, dai rai nna ngai shi hpe shaman ya nhtawm kashu kasha hte amyu matu law law shi hpe ngai jaw na nngai. Shi gaw hkawhkam kasha shi lahkawng a kawa tai wa na ra ai. Shi a amyu matu ni hpe mung amyu kaba ngai shatai na we ai.

NINGPAWT NINGHPANG 22:17

Na a amyu matu ni hpe mung lamu na shagan ni shing n rai panglai zaibru ni zawn ngai nang hpe jaw na nngai. Na amyu matu ni mung shanhte a gumlau hpyen ni hpe dang kau lu na mara ai.

NINGPAWT NINGHPANG 26:4

Na a mayu matu ni hpe lamu na shagan ni zawn ngai shalaw na mawe ai rai nna, dai ni yawng hpe ndai mung ting ngai jaw na mawe ai. Amyu baw ni yawng mung na a amyu matu ni hpe ngai shaman ya ni ai hte maren shanhte hpe shaman ya na matu hpyi lajin wa na mara ai.

NINGPAWT NINGHPANG 28:14

Shanhte gaw ga na nhpu ni zawn law htam wa na mara ai. Shanhte gaw lamu ga man yawng de shanhte a lamu ga maden kung dam wa na mara ai. Nang hte na a amyu matu ni a jaw e, amyu baw ni yawng hpe ngai shaman ya na we ai.

NINGPAWT NINGHPANG 28:3

Chyahtum Chyalai N-gun Rawng Ai Karai Kasang gaw na a dinghku de sa wa ai lam hpe shaman ya nhtawm, kashu kasha law law nang hpe jaw ya u ga; shaloi nang gaw amyu baw law law ni a kawa tai wa na rin dai!

NINGPAWT NINGHPANG 48:4

Shi gaw ngai hpe, “Kashu kasha law law jaw na we ai; shing rai na a amyu matu ni amyu baw law law tai wa na mara ai; na a amyu matu ni htani htana madu nga lu na matu ndai mungdan hpe ngai jaw na de ai,’” ngu nna tsun wu ai.

NINGPAWT NINGHPANG 6:18

rai ti mung, nang hte chyawm gaw ga shaka ngai tawn da na nngai. Nang hte na a madu jan mung, na a shadang sha ni hte shanhte a madu jan ni mung sanghpaw li kata de shang wa mu.

1 HKAWHKAM 3:8

Na a amyu masha majing tai na matu nang lata la nna n dang hti hkra grai law htam ai amyu masha hta ngai lawm nga nngai.

2 HKAWHKAM 13:23

Rai ti mung Abraham, Isak, Yaku ni hte tawn da ai ga shaka a majaw dai Madu gaw shanhte hpe matsan yu dum nga wu ai. Shi gaw shanhte hpe n jahten shamyit hkrum shangun mayu nga ai rai nna shanhte hpe karum la mu ai. Shi a amyu masha ni hpe shi galoi mung malap kau nga ai n rai.

NEHEMIA 2:20

Ngai gaw, “Sumsing lamu a Karai Kasang gaw anhte hpe awng dang ai lam jaw ya na ra ai. Anhte gaw shi a shangun ma ni rai nga ga ai. Ndai gaw gap ai amu hpe anhte galaw hpang wa na saga ai. Rai ti mung nanhte mahtang Yerusalem hta sut gan madu la na ahkaw ahkang n lu myit dai. De a sali wunli kumhtaw hpa mung nanhte lu ai n rai,” ngu nna htan we ai.

NEHEMIA 9:23

Nang gaw shanhte a kashu kasha ni hpe lamu na shagan ni zawn law law jaw nna, shanhte hpe jaw na ngu nna shanhte a kaji kawa ni hpe nang ga sadi jaw da sai mung hpe madu la shangun ai hte nga nga shangun u.

SHAKAWN KUNGDAWN 107:38

Shi a amyu masha ni hpe shi shaman ya nna, shanhte hta kashu kasha law law mayat maya nga ma ai; shanhte a yam nga ni n yawm mat u ga, shi bau sin ya nga ai.

SHAKAWN KUNGDAWN 89:3

Nang gaw, “Ngai lata da ai masha wa hte ga shaka tawn da ni ai, nye a shangun ma kaja Dawi hpe ga sadi jaw da ni ai hte maren,

PRU MAT 1:7

rai ti mung Israela amyu matu ni yawng hta kashu kasha law law mayat maya wa nna law htam wa ai hte n-gun ja wa nhtawm Egutu mung e hpring wa nga masai.

PRU MAT 2:25

Shi gaw Israela amyu masha ni a mayam lit hpe mu ya nna, shi shanhte hpe yu matsan dum wu ai.

PRU MAT 6:4

Maigan masha ni zawn shanhte shanu lai wa yu sai Hkanan mung hpe jaw na ngu nna tawn da ai ga sadi, ngai shanhte hte mung ga shaka tawn da se ai.

ESAIA 55:3

Nye a amyu masha ni e, ya madat mu, ngai hpang de sa wa mi; ngai hpang de sa wa mi, nanhte asak hkrung nga lu na rai myit dai! Ngai gaw nang hte htani htana ga shaka tawn da na nngai. Ngai Dawi hpe jaw sai ga sadi hte maren, nang hpe shaman chyeju ni jaw na nngai.

YEREMIA 23:3

Ngai shanhte hpe shabra kau dat ai mungdan ni kaw nna naw ngam nga ai nye a amyu masha ni hpe ngai shinggyin la na nngai, shing rai ngai gaw shanhte hpe shanhte a daidaw buga de bai woi wa na nngai. Shanhte gaw kashu kasha law law mayat maya wa nna law htam wa na mara ai.

YEREMIA 23:4

Shanhte hpe yu gawn na matu up hkang du ni hpe ngai lit shatsam da nngai. Nye a amyu masha ni gaw galoi mung hkrit tsang ai hte hkrit kajawng ra sana ma ai n rai. Ngai mung shanhte hpe ari bai jaw na we ai n rai. Dai Madu ngai nan tsun ni ai.”

YEREMIA 33:3

“Ngai hpe shaga e, ngai nang hpe htan ya na nngai; nang hpa mung n chye lu ai mauhpa amu ni hte mau kajawng na zawn re ai amu ni ngai nang hpe tsun dan na de ai.

EZEKELA 16:62

Ngai gaw nang hte tawn da ai ga shaka hpe ningnan bai galaw da na nngai. Ngai gaw dai Madu rai nga nngai hpe nang chye wa lu na rai ndai.

EZEKELA 36:9

Ngai gaw nanhte hpang maga de rai nga nngai, nanhte a lamu ga hta yi hkauna ni hpe ngai teng teng galaw shangun nna, dai hta nli gat lu na rai myit dai.

JAW JAU 26:15

Nye a tara ni hte hkang da ai ga matsun ni hta hkan sa na matu nanhte lale kau nna nanhte hte ngai shagrin da sai ga shaka hpe jahten kau myit dai rai yang, nanhte hpe ari jaw na made ai.

LUKA 1:72

Shi gaw anhte a ji wa ni hpe shi a matsan dum lama ai lam madun dan nna, shi a chyoi pra ai ga shaka hpe dum nga na ra ai.

TARA JAHPRANG 28:11

Nanhte hpe jaw na ngu nna nanhte a nji nwa ni hpe ga sadi tawn da ai mungdan hta, kashu kasha law law, dumsu law law hte nai mam nsi naisi hkum sumhpa, dai Madu nanhte hpe n taw n tsang shakat ya na marin dai.

TARA JAHPRANG 28:4

“Kashu kasha matu mara law law hta mung, lamu ga na pru ai nsi naisi law law hta mung, sagu dumsu law law hkai ai hta mung, dai Madu gaw nanhte hpe shaman chyeju jaw ya na ra ai.

TARA JAHPRANG 7:13

Shi nanhte hpe tsaw ra nna shaman ya ai majaw nanhte hta law htam wa nna kashu kasha law law mayat maya wa na marin dai; nanhte hta nai mam nsi naisi, sabyi ntsin hte tsanlun sau ni lu la myit ga, nanhte a yi sun hkauna ni hpe shi shaman ya na ra ai; nanhte a sagu, dumsu yam nga hpung ni law htam wa lu mu ga, nanhte hpe shi shaman ya nna jaw ya na ra ai. Shi nanhte hpe jaw na ngu nna nanhte a kaji kawa ni hpe ga sadi tawn da sai mungdan hta ndai shaman chyeju ni yawng nanhte hpe jaw ya na marin dai.

HEBRE 8:9

Dai ga shaka gaw, shanhte hpe ngai lata hte dun la nna, Egutu mung na woi wa ai shaloi, shanhte a kaji kawa ni hte ngai tawn da ai ga shaka hte bung na ra ai n rai. Shanhte gaw ngai hte tawn da ai ga shaka hta sadi n dung ma ai majaw, ngai shanhte hpe n yu n gawn na nngai, nga nna dai Madu tsun ai.