JAW JAU 26:5 - Jinghpaw Common Language Bible 2009

⁵ Nanhte a nsi naisi ni grai ja kat na rai nna, sabyi si di ai aten hta nsi naisi ni hpe nanhte naw dan nhtawm nsi naisi ni hpe gat hkai ai aten hta mung sabyi si ni naw di la ra na rai myit dai. Nanhte sha mayu ai lusha yawng hkam la lu ai hte nanhte a mungdan hta shim lum ai hku nga lu na rai myit dai.

Jinghpaw Hanson Version Bible

⁵ Mam kabye ai ten gaw tsabyi si shup ai ten du hkra, tsabyi si shup ai ten gaw mam dan ai ten du hkra hkap na ra ai: shing rai nanhte hkru hkru kat kat sha lu ai hte, tinang a mungdan hta ngwipyaw let nga lu na marin dai.

JAW JAU 26:5 ပူးပေါင်းရင်းမြစ်များ

SHAKAWN KUNGDAWN 144:13

Anhte a mam dum ni hta nsi naisi hkum dingnum hte hpring nga u ga; udat pa layang hkan e nga ai sagu ni hta mung, kasha hkying hkying mun mun law htam wa mu ga.

SHAKAWN KUNGDAWN 90:1

Madu e, nang gaw anhte a tut nawng na shingbyi shara dum nta rai nga ndai;

PRU MAT 16:8

Dai hpang Mawshe gaw, “Nanhte gaw dai Madu hpe kade lang aput manit dai hpe shi na ya nu ai majaw shana de nanhte sha na matu shan hpe mung, jahpawt e sha mayu ai made sha na muk hpe mung, shi jaw na ra ai. Nanhte an hpe aput mi ai gaw dai Madu hpe teng teng aput ai sha rai nga myit dai,” ngu nna tsun wu ai.

GA SHAGAWP 1:33

Rai ti mung, nye a ga hpe madat mara ai ni chyawm gaw shim lum ai lam lu la na ma ai. Shi gaw ngwi pyaw sim sa nna, hkrit tsang lam hpa mung hkrum hkra na wu ai n rai.”

GA SHAGAWP 18:10

Dai Madu gaw ngang ai langchyi zawn rai nga ai; ding hpring ai wa gaw dai shara de sa lu nna, shim nga lu ai.

ESAIA 1:19

Nanhte gaw nye a ga hpe sha madat mara nga myit dai rai yang, dai lamu ga na pru ai nsi naisi kaja ni hpe nanhte sha lu na marin dai.

ESAIA 30:23

Nanhte gaw nanhte a nsi naisi ni hpe hkai ai aten shagu, Madu gaw dai ni hpe tu shangun na matu marang jahtu ya nna nanhte hpe ja kat ai mangai jaw ya na ra ai, nanhte a yam nga hpung gaw udat shara law law madu lu na mara ai.

YEREMIA 23:6

Shi hkawhkam tai nga ai shaloi, Yuda amyu masha ni shim lum nga na mara ai, Israela amyu masha ni ngwi pyaw sim sa ai hte nga lu na mara ai. Shi gaw ‘Anhte A Hkye Hkrang La Madu,’ ngu nna shamying hkrum na ra ai.

HOSEA 2:18

Dai aten hta, ngai gaw nam na matse labye dusat ni, ntsa malen u ni hte ga shaka tawn da na nngai; dai ni gaw nye a amyu masha ni hpe zingri na mara ai n rai. Dai mungdan na majan laknak yawng hpe mung, nhtu, ndan yawng hpe mung yeng seng kau na nngai; nye a amyu masha ni hpe ngwi pyaw sim sa ai hte shim lum ai hku nga shangun na nngai.

HOSEA 2:20

Ngai gaw nye a ga sadi hpe shatup na nngai, nang hpe nye a matu shatai da na nngai, nang gaw ngai hpe dai Madu hku yin la na rai ndai.

YOELA 2:19

Shi gaw shanhte hpe ning ngu htan wu ai: “Ya chyawm gaw, ngai nanhte hpe nsi naisi, sabyi ntsin, hte tsanlun sau jaw na made ai, nanhte myit dik hkra hkru kat na madai. Kaga masha amyu baw ni nanhte hpe galoi mung asawng asang di na mara ai n rai.

YOELA 2:22

Dusat yam nga ni e, hkum hkrit nga myit; udat shara ni tsit lali nga sai; namsi hpun ni si si nga sai, lagum si ni hte sabyi si ni n taw n tsang ja kat nga ma ai.

YOELA 2:26

Ya chyawm gaw, nanhte sha na lusha law law lu nna, hkru hkru kat kat sha lu na rai manit dai. Nanhte a matu mauhpa amu galaw ya sai dai Madu nanhte a Karai Kasang hpe shakawn kungdawn mu. Nye a amyu masha ni gaw galoi mung n kaw n law bai di hkrum na masai n rai.

AMO LAIKA (AMOS) 9:13

Dai Madu gaw, “Nhtoi ni du wa mara ai: “Nli tum tu ai gaw dai hpe dan la lu ai hta grau lawan tu na ra ai, sabyi si ni gaw sabyi ntsin galaw shapraw lu ai hta grau lawan tu na mara ai. Bum ni hta dwi ai sabyi ntsin kahte hkrat na ra ai, kawng ni hta sabyi ntsin ni lwi na ra ai.

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! U kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu ti mung, nang n hkraw nga ndai.

KASA 14:17

Rai ti mung, shi gaw shi nga nga ai lam sakse hte hkrak galoi mung a madun nga ai, Dai sakse ni gaw mai kaja ai amu ngu ai, Sumsing lamu na marang jahtu ya nna du hkra ladaw du ai shaloi nsi naisi ngai shangun ai hte nanhte hpe lusha hte jahkru shakat nna nanhte a myit masin hpe kabu gara ai hte jahpring ya nga ai,” ngu nna jahtau tsun mu ai.

TARA JAHPRANG 11:15

Nanhte gaw nanhte sha mayu ai lusha hkum sumhpa yawng hpe lu la na marin dai.

1 TIMOHTI 6:17

Ndai dinghta asak hkrung nga ai prat a sut gan ngamu ngamai ai lam ni hta gumrawng gumtawng n rai mu ga hte n grin ai ngamu ngamai ai lam ni hta shanhte a myit mada kam hpa shara n shatai ai sha anhte kabu gara hkam la na matu arai yawng mayawng hpe n daw n hta jaw ya ai Karai Kasang hta myit mada ala nga na matu hkang da u.

1 PETRU 1:5

Dai gaw kam sham ai marang e hpang jahtum ai aten hta dan pru u ga nga nna lajang shajin da sai hkye hkrang la ai chyeju hpe hkam la lu mu ga; Karai Kasang a n-gun atsam hte makawp maga da hkrum nga ai nanhte a matu rai nga ai.