JAW JAU 26:34 - Jinghpaw Common Language Bible 2009

^34-35 Dai hpang nanhte hpe bansa lam n jaw ya nga ai dai mung ga gaw tsep kawp bansa ai shaning ni hta kabu gara wa na ra ai; nanhte gaw nanhte a gumlau hpyen ni a mung ga hta nga nga myit dai shaloi dai mung gaw katsi katsang tai mat nna ban sa nga na ra ai.

Jinghpaw Hanson Version Bible

³⁴ Shing rai nanhte hpe hpyen ai ni a ga e nanhte nga nga ai laman e, nanhte a dai daw ga gaw a katsi katsang rai mat ai nhtoi hte ting simsa nga nna tinang a laban nhtoi hta pyaw nga lu na ra ai.

JAW JAU 26:34 ပူးပေါင်းရင်းမြစ်များ

1 HKAWHKAM 8:46

“Na a amyu masha ni hta yubak n galaw ai kadai mung n nga nga ai majaw na a pawt sindawng ai hta shanhte hpe shanhte a gumlau hpyen ni hpe dang kau shangun nna kaga mungdan nkau mi de bawng masha hku woi mat wa ai majaw mungdan hte tsan mat wa tim,

2 HKAWHKAM LABAU 36:21

“Lamu ga hpe bansa jaw ai htung tara n hkan shatup ai majaw dai hpe bai shatup na matu lamu ga gaw sanit shi ning tup katsi katsang shara tai mat na ra ai,” ngu nna myihtoi Yeremia a ga hku dai Madu tau tsun da ai ga gaw dik wa nga sai.

YEREMIA 34:17

Dai majaw, nang gaw ngai shaga ai ga hpe n madat mara ndai; na a hpu nau Israela ni a shanglawt ahkaw ahkang hpe nang n jaw ndai nga nna dai Madu ngai nan tsun ni ai. Grai kaja sai, dai majaw, hpyen majan hte mung, ana zinli hte mung, kawsi hpang gara ai hte mung si htum mat wa chye ai shanglawt ahkaw ahkang, ngai nang hpe jaw ya na de ai. Nang hpe ngai shapraw dan na tsin-yam tsindam hta mungkan mungdan amyu baw shagu hte hpe ngai jahkrit shama shangun na nngai.

JAW JAU 25:10

Ndai hku nna, shaning manga shi ning du ra ai hpe tsun ndau nhtawm mungdan ting hta shanu nga ai mung masha nlang a matu shalawt dat lu na ahkang re ai hpe tsun shana na rai myit dai. Shing rai dai shaning laman hta dut kau dat sai sut gan yawng mayawng mi na madu shing n rai amyu baw ni hpang de mung, mayam zawn dut kau hkrum sai ni kadai mung shi a dum nta de bai wa lu na rai ma ai.

JAW JAU 26:43

Shawng nnan e, dai mung na amyu masha ni hpe yeng seng kau ai hpang sha, tsep kawp bansa lu ai hte kabu gara lu na ra ai, shanhte gaw nye a tara hte hkang da ai ga ni hpe ningdang kau nga masai majaw ari hpring hkra hkrum sha ai lam hpe yin la lu na rai ma ai.