JAW JAU 24:9 - Jinghpaw Common Language Bible 2009

⁹ Dai gaw hkinjawng ni a matu dai Madu hpe nawng ya ai chyoi pra htum ai lusha rai nga ai majaw Arun hte shi a lakung lama ni la lu nna chyoi pra ai shara hta sha lu na rai ma ai.

Jinghpaw Hanson Version Bible

⁹ Shing rai dai muk gaw Arun hte shi a shadang sha ni la lu na rai nna, chyoi pra ai shara e sha na rai mu ai: kaning rai nme law, Yehowa hpe wan hte nawng ai kumhpa amyu ni hta na, dai gaw htani htana matsun maroi hte maren Arun a matu chyoi pra htum ai rai nga ai, ngu wu ai.

JAW JAU 24:9 ပူးပေါင်းရင်းမြစ်များ

PRU MAT 27:21

Nye a hpung shingkang shanu nga ai Sum kata, Ga Shaka Sumpu a man e grang ai nba grang a shinggan maga e, Arun hte shi a shadang sha ni, dai pyengdin amu hpajang lu na rai ma ai. Dai hpe nye a hpung shingkang shanu nga ai shara hta shana de nna jahpawt du hkra shatu na rai nga ai. Ndai gaw Israela masha ni hte shanhte a matu mara ni htani htana hkan sa na hkang da lam rai nga ai.

JAW JAU 10:12

Mawshe gaw Arun hte naw ngam nga ai Arun a shadang sha Eleaza yan Ihtama hpe, “Dai Madu hpe nawng ya ai lusha hta na naw ngam ai shadung hkungga hpe la nhtawm matsi n rawng ai muk hte tawn hkungri a makau e sha lu na rai myit dai; hpa majaw nga yang dai hkungga gaw grai chyoi pra nga ai.

JAW JAU 10:17

shi gaw, “Hpa majaw chyoi pra ai shara hta htingrai hkungga hpe nan sha myit ni? Dai gaw grai chyoi pra ai rai nna shawa hpung ting a yubak mara la kau ya na matu nanhte hpe dai Madu jaw da manit dai.

JAW JAU 21:22

Dai zawn re ai wa gaw ngai hpe nawng ya ai dai chyoi pra ai hkungga hte chyoi pra htum ai lusha hkungga yan hpe sha mai nga ai.

JAW JAU 24:10

Egutu la hte Dan amyu bawsang hta na Dibri a shayi sha ngu ai Israela amyu mying ai Shelomit yan hta shadang sha langai nga nga ai. Dai wa gaw dap kata hta nga ai Israela masha langai mi hte ga law wu ai. Shing rai ga law rawng nga ma yang, shi gaw Karai Kasang hpe matsa wu ai.

JAW JAU 3:17

Israela amyu masha ni kadai mung sau man hte asai sha lu na n rai; dai gaw Israela amyu masha ni yawng shanu nga ai shara shagu hta prat tup hkan galaw shadik shatup na hkang da ai ga matsun rai nga ai.

JAW JAU 6:11

Shi gaw hpun palawng ni galai kau nhtawm dap a shinggan na san da ai shara de dai wan wu sa sa kau na rai wu ai.

JAW JAU 6:16

Ngam ai hpe chyawm gaw hkinjawng ni sha na rai ma ai. Dai hpe matsi n bang ai sha muk kabaw nna dai Madu a hpung shingkang shanu nga ai Sum wang kata na Chyoi Pra ai Shara hta sha na rai ma ai. Dai Madu gaw hkinjawng ni hpe shanhte a lusha tai nga na matu dai hpe jaw da nu ai. Dai gaw htingrai hkungga hte mara raw hkungga ni zawn grai chyoi pra nga ai.

JAW JAU 6:9

Arun hte shi a shadang sha ni hpe matsun madun na matu Mawshe hpe hkang da wu ai. Wan nat hkungga hpe tawn hkungri ntsa e shana tup nat nna wan mung shagrung da na rai nga ai.

JAW JAU 8:3

Dai yang e shawa masha ni hpe shaga jahpawng da na rai ndai,” ngu nna tsun wu ai.

JAW JAU 8:31

Mawshe gaw Arun hte shi a shadang sha ni hpe, “Dai Madu a hpung shingkang shanu nga ai Sum a shang wa chyinghka lam de hkungga shan la sa nhtawm dai hpe shadu nna dai Madu hkang da sai hte maren, aya dang ai hkungga ka hta na muk hte rau sha lu na myit dai.

MALAHKI 1:12

Rai ti mung, nanhte mahtang nye a tawn hkungri gaw hpa manu n dan ai nga nna nanhte tsun ai hte nanhte n sawn n sang di ai lusha hpe de a ntsa e nawng ya let ngai hpe kaya jahkrum myit dai.

MAHTE 12:4

Shi gaw Karai Kasang a nta de shang nna hkinjawng ni hta lai nna kadai mung n mai sha ai madun da ai muk ni hpe, tara hte n htan shai rai tim shi hte shi a masha ni la sha manu ai.

MARKU 2:26

Hkinjawng agyi Abiahta a lakhtak e, Dawi gaw Karai Kasang a nta de shang nna anhte a tara hte maren hkinjawng ni sha n rai yang gaw, kadai mung n mai sha ai madun da ai muk hpe sha nna shi a manang ni hpe mung dai muk jaw sha yu sai n rai ni?,” ngu nna tsun mu ai.

LUKA 6:4

Shi gaw Karai Kasang a nta de shang nna, hkinjawng ni hta lai nna, kaga kadai n mai sha ai madun da ai muk ni hpe la sha nna, shi kaw hkan nang ai ni hpe mung jaw sha wu ai.

1 SAMUELA 21:6

Dai rai nna hkinjawng wa gaw Karai Kasang hpe nawng jau ya ai muk ngu na dai chyoi pra ai muk ku hta madun da ai muk hpe chyu sha shi lu ai majaw dai chyoi pra ai muk Dawi hpe jaw wu ai; chyoi pra ai muk ku hta chyawm gaw a kahtet sha re ai muk bai mara tawn da nga ai.