JAW JAU 24:7 - Jinghpaw Common Language Bible 2009

⁷ Dai Madu a matu hkungga kumla shatai ai dai muk kawng lahkawng a ntsa e jet ai lawban mara tawn da na rai wu ai.

Jinghpaw Hanson Version Bible

⁷ Yehowa hpe wan hte nawng ai kumhpa ngu ai, dum ya nga na matu shatai na, dai muk kawng lahkawng a ntsa e jet ai lawban mung mara da na rai mu ai.

JAW JAU 24:7 ပူးပေါင်းရင်းမြစ်များ

NINGPAWT NINGHPANG 9:16

Sumwi ni hta dai n-goila tum dan pru wa ai shaloi, dai hpe ngai yu nna, ngai hte ginding aga ntsa e shanu nga ai hkrung mahkrung ni yawng a lapran e tawn da ai dai htani htana hte seng ai ga shaka hpe dum nga na nngai.

PRU MAT 12:14

Nanhte gaw Ngai Madu hpa galaw kau ni ai lam hpe adum nga na matu nawku htung hte seng ai poi langai zawn dai shani e nanhte galaw lu na rai myit dai. Dai poi hpe mung prat mi hte prat mi galaw lu na rai myit dai.”

PRU MAT 13:9

Na a lata hta shing n rai na a kahtan hta masat arai lama mi shakap da ai zawn dai htung masa hpe adum nga na rai myit dai. Dai Madu gaw shi a daru magam n-gun kaba hte nanhte hpe Egutu mung kaw na woi shapraw wa manit dai majaw dai Madu a Tara hpe matut manoi hti shakrai na matu shadum jahprang ya na rai myit dai.

PRU MAT 17:14

Shaloi dai Madu gaw Mawshe hpe, “Ndai awng padang lam hpe ka da u; shaloi dai hpe adum nga na mara ai. Amalek masha ni hpe ngai tsep kawp shamyit kau na lam, Yawshu hpe tsun dan u,” ngu nna tsun wu ai.

PRU MAT 28:12

Dai nlung lahkawng hpe hpa hkai lawng a hpa hkai yan hta shakap da na rai nga ai; dai gaw Israela amyu bawsang shi lahkawng ni a masat dingsat nlung rai nga ai. Ndai hku nna Arun mung shi a lahpa ntsa e shanhte a mying ni hpe hpai da ya na ra ai; shaloi Ngai Madu nan nye a amyu masha ni hpe tut nawng adum nga na nngai.

ESAIA 43:23

Nang gaw na a sagu wan nat hkungga ni hpe ngai kaw n la sa nga ndai; nang gaw shagu hkungga ni hte ngai hpe n shagrau sha-a nga ndai. Ngai gaw nang hpe shagu hkungga hpyi ai hku nna lit shali ai n rai; manam pyaw ai baw hpyi ai hku nna nang hpe hki ba shangun ai n rai.

JAW JAU 2:1

Kadai rai ti mung dai Madu hpe shadung hkungga nawng ya ai shaloi, shawng nnan dai hpe mani hkra rin nhtawm dai hta tsanlun sau ru jaw nna, lawban bang ai hte,

JAW JAU 2:2

Arun a shadang sha hkinjawng ni hpang de la sa na rai wu ai. San da hkrum ai hkinjawng wa gaw mani ai shadung, namman hte lawban hta na latup mi magra la nhtawm dai Madu hpe dai ni yawng nawng jau sai masat kumla langai zawn tawn hkungri ntsa e nat nawng na rai wu ai. Dai lusha a manam pyaw ai sangau hpe dai Madu awng sharawng nga ai.

JAW JAU 2:9

Hkinjawng wa gaw dai hta na daw chyen mi magra la nhtawm dai Madu hpe dai ni yawng nawng jau sai masat kumla zawn tawn hkungri ntsa e shi nat na rai wu ai. Dai lusha a manam pyaw ai sangau hpe dai Madu awng sharawng nga ai.

YAWHAN 6:35

Yesu gaw, “Asak muk gaw ngai rai nga nngai, ngai hpang de sa ai wa gaw kawsi hkrum na n rai, ngai hpe kam sham ai wa mung, galoi mung hpang gara hkrum na n rai.

YAWHAN 6:51

Ngai gaw sumsing lamu de nna yu wa ai, hkrung ai muk rai nga nngai, muk ndai hpe sha ai wa kadai mung, htani htana ahkrung nga na ra ai. Ngai jaw na muk gaw mungkan ga na masha ni asak hkrung nga lu na matu ngai jaw ai nye a ashan rai nga li ai,” ngu nna shanhte hpe htan mu ai.

KASA 10:31

‘Korneli e, na a akyu hpyi ai ga Karai Kasang na ya sai, na a alu jaw ai lam hpe mung Karai Kasang matsing da nu ai.

KASA 10:4

Shi gaw hkrit let dai lamu kasa hpe azi yu nna, “Madu e hpa lam rai ta?,” ngu nna san wu ai. Shaloi lamu kasa gaw, “Na a akyu hpyi ai hte alu jaw ai lam hpe Karai Kasang sharawng awng ya nga ai rai nna nang hpe htan ya na jin nga chyalu rai nga ai.

EHPESU 1:6

Shi a tsaw ra ai kasha a marang e manu jahpu n hpyi ai sha anhte hpe jaw ai hpung shingkang rawng ai shi a chyeju a majaw Karai Kasang hpe shakawn kungdawn ga law!

HEBRE 7:25

Dai rai nna shi gaw shi hpe manoi kam hpa let Karai Kasang kaw sit shang wa ai ni hpe galoi mung hkye mawai la na atsam rawng nga ai; hpa majaw nga yang, shi gaw shanhte a matu Karai Kasang kaw hpyi nem ya na, tut nawng e ahkrung nga ai.