JAW JAU 24:5 - Jinghpaw Common Language Bible 2009

⁵ Mani ai shadung pawng hkun mali la nna muk tawng shi lahkawng kabaw na rai nga ai.

Jinghpaw Hanson Version Bible

⁵ Bai nang gaw mani ai shadung la nna muk tawng shi lahkawng kabaw na rai ndai: muk tawng langai mi gaw shadung uma lahkawng hkawng shang ai rai na rai nga ai.

JAW JAU 24:5 ပူးပေါင်းရင်းမြစ်များ

1 HKAWHKAM 18:31

Dai Madu e Israela ngu nna shamying da hkrum sai Yaku a shadang sha ni a mying hku hkan nna amyu bawsang shi lahkawng a matu nlung langai hpra hpra di nna nlung shi lahkawng la wu ai.

1 HKAWHKAM LABAU 23:29

Karai Kasang hpe nawng ya ai muk, hkungga nawng ya ai shaloi lang ai mani ai shadung, matsi n rawng ai muk pa, kabaw ai muk hkungga ni, tsanlun sau hte gumchya ai mani ai shadung, shen nna Nawku Htingnu e nawng jau ai hkungga ni hpe shadawn sharam na matu mung,

1 HKAWHKAM LABAU 9:32

Kohat amyu lakung ni gaw Nawku Htingnu kata tawn da ai dai chyoi pra ai muk ni hpe Bansa Nhtoi shagu hta hkyen lajang tawn na lit lu ma ai.

2 HKAWHKAM LABAU 13:11

Shanhte gaw jahpawt shagu, shana de shagu shi hpe manam pyaw ai baw hte yam nga hkungga ni hpe hkum ting nat nawng ma ai. Shanhte gaw htung hte maren san seng ai ku ntsa e muk hkungga ni hpe nawng ya nhtawm, shana de shagu ja pyengdin shadun ntsa e pyengdin ni hpe shatu da nga ma ai. Dai Madu hkang da sai hte maren anhte galaw ga ti mung nanhte mahtang shi hpe kau da nga myit dai.

NEHEMIA 10:33

Anhte gaw Nawku Htingnu kata nawku daw jau ai amu hta ndai hku shang lawm na ga ai: dai ni gaw, chyoi pra ai muk, shani shagu na shadung hkungga, shani shagu nat nawng na shagu hkungga ni a matu yam nga ni, Bansa Nhtoi ni a matu chyoi pra ai hkungga ni, Shata Praw hta galaw ai Poi ni hte kaga lusha poi ni, kaga chyoi pra ai hkungga ni, Israela amyu a matu yubak mara la kau ya na hkungga ni hte Nawku Htingnu a matu ra mara arung arai hpa mung jaw ya na ga ai.

NEHEMIA 10:34

Anhte mung, amyu masha ni mung, hkinjawng ni hte Lewi masha ni mung, madat da ai Tara hte maren, dai Madu anhte a Karai Kasang hpe shagu hkungga nat nawng na matu gara amyu lakung ni mahtang ju hpun shaw ang ai hpe daw dan ya na matu shaning shagu hpaida hte lata na ga ai.

PRU MAT 25:30

Dai ku hpe Ga Shaka Sumpu a man e tawn da na rai nga ai; dai ku a ntsa e mung, nye a matu nawng jau ai chyoi pra ai muk hpe tut nawng bang tawn da na rai nga ai.

PRU MAT 39:36

Karai Kasang a matu nawng jau ai muk, muk ku hte dai hte seng ai arung arai ni yawng;

PRU MAT 40:23

dai shara hta dai Madu a matu nawng jau ai muk hpe mara da nga ai; dai mung dai Madu Mawshe hpe hkang da sai hte maren rai nga ai.

PRU MAT 40:4

Nang gaw ku hpe la jashawn da nhtawm, de a ntsa e arung arai ni hpe mara da na rai ndai. Pyengdin shadun hpe mung la shang wa nna de a ntsa e pyengdin ni hpe tawn da na rai ndai.

BU HKAWM 4:7

Dai Madu hpe nawng jau ai muk ku ntsa hta sawm tsit ai sumpan hpe kahpyan da nhtawm de a ntsa e hka wan ni, manam pyaw ai baw bang ai ban ni, hkungga nawng ya ai gawm ni hte sabyi nawng yang lang ai ngoi ni mara da na rai ma ai. Muk ku ntsa hta muk hpe tut nawng mara da na rai ma ai.

MAHTE 12:4

Shi gaw Karai Kasang a nta de shang nna hkinjawng ni hta lai nna kadai mung n mai sha ai madun da ai muk ni hpe, tara hte n htan shai rai tim shi hte shi a masha ni la sha manu ai.

KASA 26:7

Dai ga sadi gaw anhte a amyu dap shi lahkawng ting shani shana Karai Kasang hpe nawku daw jau let myit mada ala nga ai ga sadi rai nga ai. Hkawhkam wa e, ngai hpe Yuda amyu masha ni mara shagun ai lam gaw ndai zawn myit mada ai a majaw rai nga ai.

HEBRE 9:2

Hpa majaw nga yang, sum langai mi gap da nga ai. De a shawng na gawk hta pyengdin shadun hte Karai Kasang kaw nawng ya ai hkungga, muk mara da ai ku nga nga ai. Dai hpe Chyoi Pra ai shara ngu mu ai.

YAKU 1:1

Karai Kasang hte Madu Yesu Hkristu a shangun ma rai nga ai Yaku kaw nna mungkan ting de chyam bra nga ai Karai Kasang a masha ni hpang de shakram dat ai.

1 SAMUELA 21:6

Dai rai nna hkinjawng wa gaw Karai Kasang hpe nawng jau ya ai muk ngu na dai chyoi pra ai muk ku hta madun da ai muk hpe chyu sha shi lu ai majaw dai chyoi pra ai muk Dawi hpe jaw wu ai; chyoi pra ai muk ku hta chyawm gaw a kahtet sha re ai muk bai mara tawn da nga ai.

1 SAMUELA 21:7

(Dai shani e Shawlu a yam nga rem agyi, Edom masha Doeg mung dai yang e nga nga ai, hpa majaw nga yang, nawku htung hte seng ai lit hpe shi sa shatup mayu nga ai.)