JAW JAU 23:4 - Jinghpaw Common Language Bible 2009

⁴ Ladaw da ai aten ni hta hkan galaw na poi ni a lam ndau shabra mu.

Jinghpaw Hanson Version Bible

⁴ Da ndai gaw, aten ladaw du jang, nanhte shaga da na chyoi pra ai zuphpawng ngu ai, Yehowa a poi ni rai nga ai.

JAW JAU 23:4 ပူးပေါင်းရင်းမြစ်များ

NEHEMIA 8:15

Dai rai nna shanhte gaw ndai sharin shaga lam ni jaw ya let Yerusalem mare hte kaga mare kahtawng ni yawng de shanhte hpe shangun dat ma ai: “Tara laika hta ka da sai sharin achyin ga matsun ni hte maren, sum ni galaw na matu kawng ni de pru sa nhtawm marau, tsanlun, maihting, namhtan hte kaga hpun ni hta na lakung lakying ni hpe la wa mi.”

PRU MAT 12:14

Nanhte gaw Ngai Madu hpa galaw kau ni ai lam hpe adum nga na matu nawku htung hte seng ai poi langai zawn dai shani e nanhte galaw lu na rai myit dai. Dai poi hpe mung prat mi hte prat mi galaw lu na rai myit dai.”

PRU MAT 23:14

“Ngai hpe shagrau sha-a na matu laning mi hta poi kaba masum galaw na rai myit dai.

ESAIA 29:1

Karai Kasang a tawn hkungri ngu ai Yerusalem nan dingnye hkrum nga sai! Dawi dabang but ai mare gaw dingnye hkrum nga sai! Lusha poi hte poi shingra ladaw ni hpe laning mi hta laning mi kahtap nna galaw nga mu.

EZEKELA 44:24

Ndang kalang re ai amu pru wa ai shaloi, dai amu ni hpe nye a tara ni hte maren, hkinjawng ni jeyang daw dan na ma ai. Nawku htung hte seng ai poi ni hpe mung, nye a tara masa hte maren, shanhte shatup nna Bansa Nhtoi ni hpe shanhte shachyoi shapra na ma ai.

JAW JAU 23:2

Israela amyu masha ni nawku hpawng galaw ma ai shaloi, nawku htung hte seng ai poi ni hta hkan sa na tara ni jaw ya wu ai.

JAW JAU 23:21

Dai shani hta nanhte kadai mung shani shagu na amu bungli hpe n galaw ai sha, nawku hpawng galaw na rai myit dai. Dai gaw nanhte shanu nga ai shara shagu hta nanhte a amyu matu mara ni prat mi hte prat mi hkan sa na tara rai nga ai.

JAW JAU 23:37

(Ndai ni gaw nanhte nawku hpawng jawm hpawng nna dai Madu hpe shagrau sha-a ai hte shani shagu ladaw da ai aten ni hta hkan nna nawng jau ya ai lusha hkungga, wan nat hkungga, shadung hkungga, shagu hkungga hte sabyi hkungga re ai ni hpe galaw ai nawku htung hte seng ai poi ni rai nga ai.

NAHUM 1:15

Yu mu, shiga gun ai wa langai mi gaw kabu gara shiga hte bum lang ntsa hku nna du sa wa ra ai! Shi gaw awng padang ninglaw ndau shabra na matu du sa wa nga ai. Yuda amyu masha ni e, nanhte a masat dingsat poi galaw mu; Karai Kasang hpe dagam ga shaka rap raw mu. Tara n lang ai ni gaw nanhte a mungdan hpe galoi mung shang gasat lu na mara ai n rai. Shanhte gaw tsep kawp jahten shaza kau hkrum nga masai!