JAW JAU 22:11 - Jinghpaw Common Language Bible 2009

¹¹ Rai ti mung hkinjawng wa a mayam ni ngu na shi a gumhpraw hte mari da sai ni, shi a nta hta shangai ai ni chyawm gaw hkinjawng wa lu tawn ai lusha sha mai nga ai.

Jinghpaw Hanson Version Bible

¹¹ Rai timung, hkinjawng wa shi a gumhpraw hte mari la ai wa mai sha na rai nga ai: shi a nta hta shangai ai ni gaw mai sha na rai ma ai.

JAW JAU 22:11 ပူးပေါင်းရင်းမြစ်များ

NINGPAWT NINGHPANG 12:5

Abram gaw shi a madu jang Sarai hte shi a kanau a kasha Lawt hpe mung, shi a sut gan yawng mayawng hte Haran mare e shanhte lu la ai mayam ni yawng hte hpawn Hkanan mung de shanhte pru sa wa ma ai.

NINGPAWT NINGHPANG 17:13

Lasha hkum shagu matu gadoi hkam la na rai myit dai, dai gaw nanhte hte tawn da ai htani htana agrin nga ai nye a ga shaka hpe shadan dan ai hkum shan hte seng ai kumla tai na ra ai.

PRU MAT 12:44

rai ti mung nanhte mari la sai mayam ni kadai mung shawng nnan matu gadoi hkam sai rai yang, dai hpe sha mai nga ai.

JAW JAU 21:22

Dai zawn re ai wa gaw ngai hpe nawng ya ai dai chyoi pra ai hkungga hte chyoi pra htum ai lusha hkungga yan hpe sha mai nga ai.

JAW JAU 22:12

Hkinjawng wa a shayi sha mahtang hkinjawng n re ai wa hte la hkat ai rai yang, chyoi pra ai hkungga hpa hpe mung sha lu na wu ai n rai.

BU HKAWM 18:9

Tawn hkungri ntsa e n hkru ai chyoi pra htum ai hkungga ni ngu na shadung hkungga, htingrai hkungga hte htang jaw hkungga ni hpe nang madu la lu na rai ndai. Nye a matu ngu nna sak jaw ai dai chyoi pra ai hkungga nlang hte gaw nang hte na a shadang sha ni a matu rai nga ai.