JAW JAU 21:9 - Jinghpaw Common Language Bible 2009

⁹ Hkinjawng wa a shayi sha shawa num tai mat ai rai yang, shi kawa a sari jahpoi ya nu ai majaw wan nat kau ai hkrum na rai wu ai.

Jinghpaw Hanson Version Bible

⁹ Hkinjawng a shayi sha gaw shawa num tai nna tinang hkum dai shayuk ai rai yang, dai gaw kawa hpe shayuk ai hku shang nga ai rai nna, shi hpe wan hte nat kau na rai mu ai.

JAW JAU 21:9 ပူးပေါင်းရင်းမြစ်များ

NINGPAWT NINGHPANG 38:24

Shata masum daram na ai hpang, marai langai mi gaw Yuda hpe, “Na a kanam Htama gaw shawa num zawn hpye hkawm nna, ya na-um nasin rai nga wu ai,” ngu nna tsun dan wu ai. Yuda gaw, “Shi hpe woi shapraw la nhtawm wan nat sat kau mu,” ngu nna hkang dat wu ai.

PRU MAT 31:14

Dai nhtoi gaw chyoi pra nga ai majaw dai ban sa ai nhtoi hpe nanhte hkan shatup lu na rai myit dai. Dai shani hpe n hkan shatup ai sha, dai shani e magam amu galaw ai wa kadai mung si ari hkrum na rai wu ai.

ESAIA 33:14

Yubak kap ai Ziun a amyu masha ni gaw hkrit gari nga ma ai. Shanhte gaw, “Karai Kasang a tara jeyang ai gaw htani htana agrung nga ai wan zawn rai nga ai. Anhte hta na kadai wa dai zawn re ai wan hta asak hkrung lu nga a ta?,” ngu nna tsun ma ai.

EZEKELA 9:6

Dingla ni hte shabrang ni hpe mung, mahkawn ni hte kanu ni, ma kaji ni hpe htau sat kau mu. Rai ti mung, kahtan ntsa e masat shakap da hkrum ai ni kadai hpe mung hkum hkra myit. Dai amu hpe nye Nawku Htingnu shara hta galaw hpang mu,” ngu nna tsun ai ga hpe ngai na nngai. Shanhte gaw dai Nawku Htingnu ndaw e tsap nga ai ningbaw ni hpe shawng sat hpang ma ai.

JAW JAU 19:29

“Nanhte a shayi sha ni hpe htingnu shawa num shatai nna sari jahpoi ya lu na myit dai n rai; shing re ai amu nanhte galaw myit dai rai yang, kaga hpara ni hpang de kayin mat wa nhtawm mung ting hta hpye ai amu hte n hkru n shawp ai hkrai pri rai mat na ra ai.

JAW JAU 20:14

Masha langai ngai gaw shi a shayi sha hte shi a kanu hpe la ai rai yang, dai gaw ladu lai nna n shawp ai lam rai nga ai majaw nanhte hta dai zawn re ai n nga lu myit ga, shanhte masum hpe wan nat kau na rai nga ai.

MALAHKI 2:3

Ngai gaw nanhte a kashu kasha ni hpe ari jaw na we ai, nanhte nawng ya ai dusat ni a ahkyi hte nanhte a myi man hta chya ya na nngai; nanhte gaw hkyi bum de shapraw kau dat hkrum na myit dai.

TARA JAHPRANG 22:21

numsha dai hpe kawa a nta chyinghka de woi wa nna dai mare na lasha nlang shi hpe nlung hte kabai sat kau na rai ma ai. Shi gaw num garai n wa ai sha, kawa a nta e naw nga ai aten kaw nna anhte a amyu masha ni hte kanawn let, kaya kahpa amu galaw shapraw nu ai. Ndai hku nna dai n shawp n kap ai amu hpe nanhte yeng seng kau lu na rai myit dai.

TITU 1:6

Dai hpung salang wa gaw mara n rawng ai wa, num langai sha lu ai wa, rai ra ai. Shi a kasha ni gaw Madu Yesu hpe kam sham ai ni rai ra ai. Zai ai arawn alai hte ga n madat ai lam hta mying pru ai kashu kasha lu ai wa n rai na.

YAWSHU 7:15

Dai hpang lata shaw la hkrum ai wa hpe majai kau sai arai hte hpawn mu hkrup ai wa gaw nye a ga shaka hpe run kau nhtawm Israela hpe hkrit kaya ai baw amu woi jahkrum nu ai majaw shi mung, shi a dinghku mung, shi madu da ai arai shagu hte hpe mung nat kau na rai myit dai,” ngu nna tsun wu ai.

YAWSHU 7:25

Yawshu gaw, “Nang anhte hpe hpa majaw sharu shatsang kau nu ni? Dai Madu gaw ya jang na a ntsa e tsin-yam tsindam shadu dat na ru ai!,” ngu nna tsun wu ai. Dai hpang amyu masha ni yawng mung Ahkan hpe nlung hte kabai sat kau ma ai. Shi a dinghku masha ni hte shi a sut gan ni hpe mung nlung hte kabai nna wan nat kau ma ai.

1 SAMUELA 2:17

Eli a kasha yan mahtang dai Madu hpe nawng jau ai hkungga ni hpe dai zawn n shagrau hkungga ma ai majaw, shan a yubak gaw dai Madu a man e grai kaba nga malu ai.

1 SAMUELA 2:34

Na a kasha Hopni yan Hpineha shan lahkawng lani jan e sha si mat ai shaloi, dai gaw ngai tsun matsun hte maren teng teng byin wa na ra ai lam nang hpe madun dan na ra ai.