JAW JAU 20:5 - Jinghpaw Common Language Bible 2009

⁵ dai wa hte shi a dinghku masha ni hpe mung, ngai hta sadi n dung ai sha shi hte matut mahkai nna Molek hpara hpe nawku ai ni yawng hpe mung ngai hpyen tai nna shi hpe nye a amyu masha ni hta na sumri dan kau na we ai.

Jinghpaw Hanson Version Bible

⁵ Shing rai nga nga ai wa hte shi a nta masha ni hpe ngai matsing nna, shi hpe mung, shi hte rau Molok hpara hta shut hpyit ai ni yawng hpe mung, tinang a amyu hta na sumri dan kau ya na mawe ai.

JAW JAU 20:5 ပူးပေါင်းရင်းမြစ်များ

2 HKAWHKAM LABAU 21:11

Shi gaw Yuda mung na kawng ni hta pyi tara maigan masha ni a matu nawku shara ni galaw ya nhtawm Yuda mung hte Yerusalem mare na amyu masha ni hpe lam woi shadam nna dai Madu a man e shut hpyit shangun nga ai.

SHAKAWN KUNGDAWN 106:39

Shanhte galaw ai amu ni hte shanhte hkum hpe awu asin di kau nna; Karai Kasang hta sadi sahka myit n dung mat nga masai.

PRU MAT 20:5

Kaning re ai hpara sumla hpe mung hkum kadawng, hkum nawku et. Ngai gaw dai Madu na a Karai Kasang rai nga nngai majaw shingjawng kashun ai hpe ngai hkam sharang nngai n rai; ngai hpe n dawng n yawt ai amyu matu ni hpe ban masum mali du hkra ngai ari jaw nngai.

YEREMIA 3:2

Kawng pungding ni hpe sharawt mada yu u. Shawa num zawn nang n galaw yu ai shara mi nga nga a ni? Arab masha gaw zaibru jang e lagyim ala nga ai zawn, nang gaw nmaw lam makau dingyang hkan sumtsaw ni hpe ala nga ndai. Nang gaw lamu ga hpe shawa num amu hte awu asin di kau nga nit dai.

YEREMIA 32:39

Ngai gaw shanhte hte shanhte a aru arat ni a mai kaja lam a matu asak hkrun lam tup hta ngai hpe aten shagu shagrau sha-a na ngu ai yaw shada lam langai sha shanhte hpe jaw na nngai.

YEREMIA 44:11

Dai rai nna, Chyahtum Chyalai N-gun Rawng ai dai Madu Israela a Karai Kasang ngai gaw nanhte hpe kayin ninghkap nna Yuda amyu ting hpe jahten kau na nngai.

HOSEA 2:13

Ngai gaw shi ngai hpe malap kau nna Bala hpara hpe manam pyaw ai baw nat nawng nna shi hkum hpe ja lung seng ni hte mawn sumli nna shi a sumtsaw ni hpang hkan mat wa ai aten ni a matu ari jaw na nngai.

JAW JAU 17:10

Israela masha kadai rai ti mung, shanhte kaw nga nang ai masha ni kadai rai ti mung, asai hte ashan hpe kayau sha ai rai yang dai Madu gaw shi hpe ate nna shi a amyu masha ni hta na sumri dan kau na rai wu ai.

JAW JAU 17:7

Israela amyu masha ni gaw prang yang hkan e shanhte a yam nga ni sat let bainam nat matse ni hpe nawng jau ai hku dai Madu hta sadi sahka loi mi pyi n nga lu na myit dai n rai. Israela amyu masha ni gaw ndai hkang da ai matsun maroi ga hpe prat mi hte prat mi madat mara shadik shatup lu na rai ma ai.

JAW JAU 20:4

Rai ti mung shi galaw ai amu hte maren dai wa hpe shawa hpung ni hpa n nawn ai sha, si ari n jaw ai rai yang,

JAW JAU 20:6

“Si mat sai ni a wenyi ni hte ga shaga hkrum ai masha ni hpang de hpaji sa hpyi na matu marai langai ngai sa ai rai yang, ngai shi hpe hpyen tai nna shi hpe nye a amyu masha ni hta na sumri dan kau na we ai.