JAW JAU 20:2 - Jinghpaw Common Language Bible 2009

² Israela amyu masha ni hpe ning ngu tsun na matu hkang da wu ai: “Nanhte hta na kadai rai ti mung, nanhte hta hkan nang nga ai maigan masha kadai rai ti mung Molek hpara hpe nawng jau ai hta tinang a kashu kasha ni hpe jaw ya ai wa kadai hpe mung shawa masha ni a man e nlung hte kabai sat kau ai hkrum na ra ai.

Jinghpaw Hanson Version Bible

² Israela kashu kasha ni hpe ning ngu naw tsun mu: Israela amyu hta na rai timung, Israela masha ni kaw shingbyi nga ai amyu kaga wa rai timung, tinang a kasha Molok hpara hta nawng jau ai wa gaw teng teng si lu na rai wu ai: mung masha ni dai wa hpe nlung hte kabai sat na rai mu ai.

JAW JAU 20:2 ပူးပေါင်းရင်းမြစ်များ

1 HKAWHKAM 11:7

Yerusalem mare a sinpraw maga na bum ntsa e, matsat shabat re ai Moba karai Hkemosha hte matsat shabat re ai Amon a Molek hpe nawku na shara ni gaw da nga wu ai.

2 HKAWHKAM 17:17

Shanhte gaw tara maigan karai ni a matu shanhte a shayi shadang sha ni hpe wan nat hkungga shatai nna nawng ya ma ai; shanhte gaw nat num ni hte gumhpan hpan ai ni hpe san yu nhtawm dai Madu hpe pawt sindawng shangun na nga, shi a man e shut hpyit ai amu htum hkra galaw shapraw na matu shanhte hkum nan myit jung nga ma ai.

2 HKAWHKAM 23:10

Hkawhkam Yoshia gaw kadai mung Molek karai a matu tinang a shayi shadang sha ni hpe wan nat hkungga n shatai ya lu hkra nga, Hinom Kadit na Tohpet ngu ai tara maigan masha ni a nawku shara hpe mung awu asin di kau ya wu ai.

2 HKAWHKAM LABAU 28:3

Israela masha ni rawt lung wa yang, mungdan kata kaw nna dai Madu gawt shapraw kau ai masha ni a matsat shabat re ai arawn alai hta hkan dagraw nang nna Hinom Kadit e manam pyaw ai baw nat nawng nhtawm shi a shadang sha ni hpe pyi hpara sumla ni a matu wan nat hkungga shatai wu ai.

2 HKAWHKAM LABAU 33:6

Shi gaw shi a shadang sha ni hpe Hinom Kadit e wan nat hkungga shatai let nawng ya wu ai. Shi gaw shaba wawt ai, mandan lakle amu galaw nna gumhpan hpan ai ni hte san jahkrup ai amu, nat shung ai ni hte kanawn ai amu galaw nga ai. Shi gaw dai Madu hpe yubak kaba galaw shut ai hte pawt sindawng shangun wu ai.

SHAKAWN KUNGDAWN 106:38

Shanhte gaw mara n kap ai kashu kasha ni hpe sat nawng ma ai; mungdan gaw masha sat amu galaw ai ni a majaw awu asin rai mat sai.

YEREMIA 32:35

Shanhte gaw shanhte a shayi shadang sha ni hpe Molek hpara a matu shagu hkungga nawng jau na nga, Hinom Kadit hta Bala hpara tawn hkungri ni hpe gap da nga ma ai. Dai amu galaw na matu, ngai shanhte hpe hkang da ni ai n rai; shanhte gaw dai zawn re ai amu galaw na hte Yuda amyu masha ni yubak hkrum na matu ngai n myit nngai,” ngu nna tsun nngai.

YEREMIA 7:31

Shanhte gaw Hinom Kadit e Tohpet ngu shamying ai tawn hkungri langai mi hpe gaw ma ai, shanhte gaw shanhte a shadang sha ni hte shayi sha ni hpe wan hta nat nawng lu ma ai. Dai amu galaw na matu, shanhte hpe ngai hkang da ni ai n rai; Dai amu gaw nye a myit masin hta pyi myit ai n rai.

EZEKELA 20:26

Shanhte a hkungga nawng jau ai hta mung, shanhte a kasha alat ni hpe wan nat hkungga nawng jau ai hta mung ngai shanhte hpe awu asin di kau nngai. Ngai nan dai Madu rai nga ai lam shanhte hpe madun dan lu na matu, shanhte hpe ndai zawn ari jaw ai lam rai nga ai.

EZEKELA 20:31

Nanhte gaw dai ni du hkra pyi, dai zawn re ai kumhpa ni hte nawng jau nhtawm, dai zawn re ai hpara sumla ni a man e nanhte a kashu kasha ni hpe wan nat hkungga nawng jau ai hte nanhte hkum nanhte awu asin di myit dai. Israela amyu masha nanhte gaw ya du hkra nye a myit ra sharawng ai lam hpa rai nga a ni?, nga nna sa san nga myit dai! Ngai gaw Tsaw Htum ai dai Madu, ahkrung nga ai Karai Kasang rai nga nngai, dai majaw hpa lam hte seng nna mung, nanhte ngai hpe san yu lu na myit dai n rai.

EZEKELA 23:37

Shan gaw numshaw lashaw ai amu, masha sat ai amu, hpara sumla ni a majaw numshaw lashaw ai amu hte nye a matu shaprat ya ai shadang sha ni hpe sat ai amu ni hpe shut hpyit tawt lai masai. Nye a shadang sha ni hpe mung shanhte a hpara sumla ni hpe wan nat hkungga nawng ya nga masai.

EZEKELA 23:39

Shan gaw hpara sumla ni hpe nawng jau na shagu hkungga ni hpe zawn, nye a kasha ni hpe sat ma ai; shan gaw dai shani jang, nye a Nawku Htingnu de sa nna dai hpe awu asin di kau ma ai!

JAW JAU 17:13

Israela amyu masha hta na kadai rai ti mung, shanhte kaw nga nang ai maigan masha wa rai ti mung, san seng ai ashu ashan langai ngai shing n rai u langai ngai gyam la lu ai rai yang, de a asai hpe ga de ru hkaw kau nna dai hpe aga hte kaput kau na rai wu ai.

JAW JAU 17:15

Israela rai ti mung, maigan masha rai ti mung shi hkrai si ai shing n rai matse labye e kawa sat ai si mang hpya sha ai wa kadai mung shi a hpun palawng hkrut kau nna hka shin na rai wu ai. Shi gaw san seng na matu shana de du hkra la ra nga ai.

JAW JAU 17:8

Israela masha kadai rai ti mung, shanhte kaw nga nang ai maigan masha kadai rai ti mung, Sum a shang wa chyinghka lam hta jan nna kaga shara hkan dai Madu hpe wan nat hkungga hte kaga shagu hkungga nawng ya ai wa kadai mung,

JAW JAU 18:21

Molek karai nawku ai hta na a kashu kasha ni kadai hpe mung ap ya lu na n rai; hpa majaw nga yang, dai gaw Madu Karai Kasang a mying ningsang hpe sari jahpoi ya na rai wu ai.

JAW JAU 20:1

Dai Madu gaw Mawshe hku nna

JAW JAU 20:27

“Si mat sai masha ni a wenyi hte ga shaga ai numsha lasha kadai mung nlung hte kabai sat kau ai hkrum na rai wu ai; dai zawn re ai amu galaw ai wa gaw shi a si hkrung si htan lam a matu lit lu nga wu ai.

JAW JAU 24:16

Israela masha ni hpe tsun u. Israela amyu masha mi rai ti mung, Israela mung hta nga ai maigan masha rai ti mung dai Madu hpe matsa ai wa kadai mung shawa hpung ting e nlung hte kabai sat kau ai hkrum na rai wu ai.

JAW JAU 24:23

Mawshe gaw Israela amyu masha ni hpe dai lam tsun ngut jang shanhte gaw dai masha wa hpe dap shinggan de dun shapraw sa wa nhtawm nlung hte kabai sat kau ma ai. Ndai hku nna Israela amyu masha ni dai Madu Mawshe hpe hkang da ai hte maren hkan galaw nga ma ai.

KASA 7:43

Nanhte hpai hkawm ai gaw Molek hpara a sum hte nanhte a shagan hpara Rehpan a sumla rai malit dai. Dai ni gaw nanhte nawku na matu galaw la ai sumla ni rai malit dai. Dai majaw Babelon mung a shinggan de lai hkra ngai nanhte hpe gau kau na made ai,” nga nna ka da nga ai hte maren Karai Kasang gaw shanhte kaw na myi man kayin kau nna shanhte hpe sumsing lamu na gintawng shagan ni hpe nawku na matu ap kau mu ai.

TARA JAHPRANG 12:31

Shanhte a karai ni hpe nawku ai hta dai Madu n dawng n yawt ai matsat shabat amu yawng hpe galaw mu ai majaw shanhte a karai ni hpe nawku ai zawn dai Madu nanhte a Karai Kasang hpe hkum nawku myit. Shanhte gaw shanhte a kashu kasha ni hpe pyi tawn hkungri ni hta wan hte sak nawng nga ma ai.

TARA JAHPRANG 17:2

“Nanhte nga ai mare langai ngai hta lasha nkau mi shing n rai numsha nkau mi gaw dai Madu hpe yubak galaw shut nna shi a ga shaka hpe jahten sharun kau na nga,

TARA JAHPRANG 18:10

Nanhte a tawn hkungri ntsa na wan hta nanhte a shayi shadang sha ni hpe shagu hkungga nat nawng lu na n rai; nanhte a amyu masha ni hpe shaba wawt ai, lamik kumla myit mada ai, ahkyu hkyu ai amu ni hpe hkum galaw shangun myit;

TARA JAHPRANG 21:21

Shaloi mare na lasha nlang shi hpe nlung hte kabai sat kau na rai ma ai. Shing rai dai zawn n hkru n shawp ai amu hpe yeng seng kau na rai myit dai. Shing re ai lam a majaw dai shiga na ai Israela amyu masha shagu hkrit gari nga na mara ai.

TARA JAHPRANG 22:21

numsha dai hpe kawa a nta chyinghka de woi wa nna dai mare na lasha nlang shi hpe nlung hte kabai sat kau na rai ma ai. Shi gaw num garai n wa ai sha, kawa a nta e naw nga ai aten kaw nna anhte a amyu masha ni hte kanawn let, kaya kahpa amu galaw shapraw nu ai. Ndai hku nna dai n shawp n kap ai amu hpe nanhte yeng seng kau lu na rai myit dai.