JAW JAU 2:4 - Jinghpaw Common Language Bible 2009

⁴ Wan htung hta kabaw ngut sai muk hkungga rai yang dai hta matsi n bang ai sha galaw lu na rai nga ai. Dai gaw tsanlun sau hte kayau nna shadung hte galaw ai htat ai muk pa shing n rai tsanlun sau hte arut chya da ai muk hkrawp rai na rai nga ai.

Jinghpaw Hanson Version Bible

⁴ Bai, na a shadung kumhpa dai, wan htung hta kabaw hkut sai rai yang gaw, namman hte kayau ai matsi n rawng ai muk pa, shing n rai namman hte galu ai matsi n rawng ai muk hkrawp rai na rai nga ai.

JAW JAU 2:4 ပူးပေါင်းရင်းမြစ်များ

SHAKAWN KUNGDAWN 22:14

Ga ntsa e, hka hpe ru kau ai zawn, nye a n-gun hkoi mat sali ai. Nye a nra hkrihkraw ni mahkra kashai mat sai, nye a myit masin mung shabyawng da ai gitbaw zawn rai nga li ai.

PRU MAT 12:8

Dai shana e, shan hpe wan hta kakang nhtawm, matsi n rawng ai muk hte hka ai tsi ru ni hte hpawn sha lu na myit dai.

PRU MAT 16:31

Israela amyu masha ni gaw dai lusha hpe Manna ngu nna shamying ma ai; dai gaw kaji nna hpraw ai nli tum hte bung nna lagat ntsin hte kayau tawn ai muk zawn namchyim pru nga ai.

PRU MAT 29:2

Kaja htum ai hkaulan mam shadung lang nna matsi n bang ai hte tsanlun sau hte kayau ai muk nkau mi, sau hte n kayau ai nkau mi, sau hte kayau gumchya nna galaw ai muk pa nkau mi rai na rai nga ai.

ESAIA 42:1

Dai Madu gaw, “Ndai gaw ngai n-gun shaja ya ai nye a shangun ma- ngai lata la ai wa, ngai sharawng awng ai wa rai nga ai. Ngai gaw shi hpe nye a Wenyi hte jahpring ya ni ai, shi gaw masha amyu baw shagu hpang de teng man rap ra ai tara la sa ya na ra ai.

ESAIA 61:1

Tsaw Htum ai dai Madu gaw ngai hpe shi a Wenyi hte jahpring ya ni ai. Matsan mayan ni hpang de kabu gara shiga gun sa na matu mung, Myit daw mat sai ni hpe shamai shatsai ya na matu mung, Bawng dung ai ni hpe raw dat na matu mung, Htawng hta shareng da hkrum ai ni hpe shalawt dat na matu mung, Shi ngai hpe lata la nna shangun dat nu ai.

EZEKELA 46:20

“Ndai shara gaw hkinjawng ni htingrai htingrat hkungga hte mara raw hkungga shan ni hpe shadu nna, shadung hkungga ni hpe kabaw ai shara rai nga ai; chyoi pra ai arai hpa hpe mung shinggan wang de shapraw lu na n rai, shing n rai yang dai gaw amyu masha ni hpe nni nkri jahkrum mai nga ai,” ngu nna tsun ai.

JAW JAU 1:11

Dai wa gaw dai hpe tawn hkungri a dingdung maga e sat na rai wu ai. Hkinjawng ni gaw de a asai hpe tawn hkungri ntsa man mali shagu de lapri na rai ma ai.

JAW JAU 10:12

Mawshe gaw Arun hte naw ngam nga ai Arun a shadang sha Eleaza yan Ihtama hpe, “Dai Madu hpe nawng ya ai lusha hta na naw ngam ai shadung hkungga hpe la nhtawm matsi n rawng ai muk hte tawn hkungri a makau e sha lu na rai myit dai; hpa majaw nga yang dai hkungga gaw grai chyoi pra nga ai.

JAW JAU 7:12

Ndai hkungga gaw masha langai ngai Karai Kasang hpe chyeju dum hkungga jaw ai shaloi, shagu hkungga nawng ya ai yam nga hte hpawn matsi n bang ai sha galaw ai muk, tsanlun sau hte kayau nna galaw ai htat ai muk pa ni, shing n rai tsanlun sau arut chya da ai muk hkrawp, shing n rai tsanlun sau hte kayau ai shadung hte galaw ai muk ni nawng ya na rai wu ai.

BU HKAWM 6:15

Shi gaw matsi n rawng ai muk ka mi, tsanlun sau hte shadung hpe kayau gumrin nna galaw ai muk pa ni hte tsanlun sau hte chya ai muk hkrawp hta kaga ra ai nsi naisi hte sabyi ntsin hkungga ni hpe mung nawng ya na rai wu ai.

MAHTE 26:38

Dai rai nna, shi shanhte hpe, nye a myit masin si hkra yawn kaba hkrum nga li ai; ngai hte rau amaja nga na nang e naw nga nga mu, ngu mu ai.

YAWHAN 12:27

“Ya ngai myit ru nga nngai-ngai kaning ngu tsun na rai ta? Wa e, ndai nni nkri hkrum na ahkying kaw na hkye hkrang la rit ngu nna tsun na rai ni?

YAWHAN 3:34

Karai Kasang e shangun dat ai wa gaw Karai Kasang a mungga ni hpe tsun nga ai, hpa majaw nga yang, Karai Kasang gaw shi shangun dat ai wa hpe hkum tsup re ai Wenyi jaw wu ai.

HEBRE 7:26

Dai rai nna Yesu gaw anhte hta byin nga ai ra kadawn ai lam ni hpe karum kapa ya ai, anhte a matu hkrak ai Hkinjawng Agyi Kaba wa rai nga ai. Shi gaw chyoi pra san seng nna shi hta shut ai lam shing n rai yubak mara hpa mung n rawng nga ai; shi gaw yubak lu ai ni hta n lawm ai sha ginhka la nna sumsing lamu du hkra shagrau shatsaw da hkrum ai wa rai nga ai.

1 PETRU 2:1

Dai re ai majaw nanhte gaw n hkru n kaja ai lam amyu myu hte masu hkalem ai lam sawt ai lam, manawn masham ai lam hte roi asawng ai ga ni hpe yeng seng kabai kau mu.

1 PETRU 2:22

Shi gaw yubak mara galaw yu ai n rai, shi a nten kaw na hkalem ai ga hkaw mi kadai na yu ai n rai.