JAW JAU 2:16 - Jinghpaw Common Language Bible 2009

¹⁶ Hkinjawng wa gaw dai lusha hte sau nkau mi, lawban mahkra hte hpe daw jau na matu masat dingsat langai zawn dai Madu hpe lusha hkungga nawng ya na rai wu ai.

Jinghpaw Hanson Version Bible

¹⁶ Shing rai hkinjawng wa gaw dai rip la ai n-gu nkau mi, namman nkau mi hte lawban mahkra hpe dum ya na kumhtaw di nna nat nawng na rai wu ai: dai gaw Yehowa hpe wan hte nat nawng ai kumhpa rai nga ai.

JAW JAU 2:16 ပူးပေါင်းရင်းမြစ်များ

SHAKAWN KUNGDAWN 141:2

Nye a akyu hpyi ai ga hpe manam pyaw ai baw lawban zawn; nye a lata sharawt ai gaw shana de na hkungga hpe zawn, hkap la ya e.

ESAIA 61:1

Tsaw Htum ai dai Madu gaw ngai hpe shi a Wenyi hte jahpring ya ni ai. Matsan mayan ni hpang de kabu gara shiga gun sa na matu mung, Myit daw mat sai ni hpe shamai shatsai ya na matu mung, Bawng dung ai ni hpe raw dat na matu mung, Htawng hta shareng da hkrum ai ni hpe shalawt dat na matu mung, Shi ngai hpe lata la nna shangun dat nu ai.

JAW JAU 1:9

Dai wa gaw pu sin hte hpang lagaw ni hpe kashin nhtawm san da hkrum ai hkinjawng ni mahtang tawn hkungri ntsa e hkum ting nat nawng na rai ma ai. Dai lusha a manam pyaw ai shangau hpe dai Madu awng sharawng nga ai.

JAW JAU 2:12

Nanhte gaw shaning shagu shawng shu la lu ai nsi naisi sak jaw lu na matu dai Madu hpang de la sa na rai myit dai; rai ti mung dai ni hpe tawn hkungri ntsa nat lu na myit dai n rai.

JAW JAU 2:14

Nang shu la lu ai nsi naisi hkungga hte dai Madu hpang de la sa ai shaloi kakang da sai nsi naisi shing n rai rin da sai lusha nawng jau na rai ndai.

JAW JAU 2:15

Dai hta tsanlun sau hte manam pyaw ai lawban ru bang na rai ndai.

JAW JAU 2:9

Hkinjawng wa gaw dai hta na daw chyen mi magra la nhtawm dai Madu hpe dai ni yawng nawng jau sai masat kumla zawn tawn hkungri ntsa e shi nat na rai wu ai. Dai lusha a manam pyaw ai sangau hpe dai Madu awng sharawng nga ai.

HEBRE 5:7

Yesu gaw dinghta hkum shan hta asak naw hkrung nga ai ten hte hta, shi hpe si ai kaw na hkye mawai la lu ai Karai Kasang kaw nsen kaba hte hkrap myiprwi ni hkrat let akyu hpyi tawng ban ai lam galaw nu ai, Yesu gaw myit grit myit nem ai hte ap nawng ai wa re ai majaw, Karai Kasang mung shi a hpyi nem tawng ban ai hpe madat ya wu ai.