JAW JAU 2:13 - Jinghpaw Common Language Bible 2009

¹³ Nang hte Karai Kasang a lapran e ga shaka jum tawn da nga ai majaw shadung hkungga shagu hta jum bang lu na rai ndai. (Na a hkungga yawng hta jum bang lu na rai ndai.)

Jinghpaw Hanson Version Bible

¹³ Shadung kumhpa nawng shagu jum bang lu na rai ndai: na a shadung kumhpa nawng ai hta, na a Karai Kasang a ga shaka jum n bang ai nawng jau lu na ndai n rai: nang nawng jau ai kumhpa shagu hta, jum bang lu na rai ndai.

JAW JAU 2:13 ပူးပေါင်းရင်းမြစ်များ

2 HKAWHKAM LABAU 13:5

“Dai Madu Israela a Karai Kasang gaw Dawi hte agrin nga ai ga shaka tawn da nhtawm Israela hpe htani htana up hkang na hkawhkam ahkang aya shi hpe mung, shi a amyu matu ni hpe mung jaw da nu ai hpe nanhte n chye nga myit ni?

EZRA 7:22

law htum gumhpraw pawng 7,500, hkaulan mam dang 750, sabyi ntsin galan 550, tsanlun sau galan 550 hte jum ra ai made lang lata htuk ya na matu ngai hkang da nngai.

PRU MAT 30:35

Manam pyaw ai baw galaw na matu dai ni hpe lang nna manam pyaw hkra kayau na rai nga ai. Dai ni hpe mung jet ai hte chyoi pra ai manam pyaw ai baw tai nga na matu jum jat bang na rai nga ai.

EZEKELA 43:24

dai ni hpe nye a man de la sa wa mi. Hkinjawng ni mung dai ni hpe jum mun bun nna nye a matu hkungga nat nawng na mu ai.

BU HKAWM 18:19

“Israela amyu masha ni ngai hpe sak jaw ai laksan kumhpa ni yawng gaw nang hte na a shayi shadang sha ni hpe prat dingsa ngai jaw ya nga nngai. Dai gaw nanhte mung, na a amyu matu ni hte mung ngai tawn da ai n hten n run mat ai ga shaka rai nga ai,” ngu nna tsun wu ai.

MAHTE 5:13

Nanhte gaw dinghta shinggyim masha yawng a matu jum hte bung nga myit dai. Dai jum mahtang hkawng mat yang gaw dai hpe bai jashum la lu na lam n nga ai. Shinggan de kabai kau nna masha ni e kabye kau na hta kaga, hpa asung mi n shang lu ai.

KOLOSE 4:6

Nanhte tsun ai ga gaw galoi mung jum shum ai zawn na ra shing-nyi rawng nna chyeju masa hku myit lawm shangun ai ga rai nna san ai masha shagu hpe jaw ai mahtai jaw lu na matu shajin da nga mu.