JAW JAU 2:12 - Jinghpaw Common Language Bible 2009

¹² Nanhte gaw shaning shagu shawng shu la lu ai nsi naisi sak jaw lu na matu dai Madu hpang de la sa na rai myit dai; rai ti mung dai ni hpe tawn hkungri ntsa nat lu na myit dai n rai.

Jinghpaw Hanson Version Bible

¹² Shawng ngai ai nsi naisi sak jaw ai lam hta Yehowa hpe matsi hte lagat jahku sak jaw lu ai rai timung, manam pyaw hkra nga tawn hkungri hta nat mai na n rai.

JAW JAU 2:12 ပူးပေါင်းရင်းမြစ်များ

NINGPAWT NINGHPANG 23:17

Ehpron madu da ai dai Mamre a sinpraw maga na Makhpela e nga ai lamu ga gaw Abraham a sut gan tai wa sai. Dai lamu ga hta sun mung, dai ginlawng hku mung, bai sun a jahtum shingnawm du hkra tu ai hpun ni yawng mung lawm nga ai.

2 HKAWHKAM LABAU 31:5

Shing ngu hkang dat ai ga pru jang, Israela amyu masha ni gaw kaja htum ai nsi naisi, sabyi ntsin, tsanlun sau, lagat ntsin hte kaga yi sun hkauna na pru ai hkai nmai kumhpa ni la sa ya ma ai; shanhte lu ai arai yawng mayawng kaw na htam shi hta na htam mi hpe mung la sa shajang nga ma ai.

PRU MAT 22:29

“Shawng myin ai na a nsi naisi, sabyi jahku hte tsanlun sau ni ngai hpe jaw jau lu na rai ndai. Shawng shaprat ai na a shadang sha alat ni ngai hpe jaw na rai ndai.

PRU MAT 23:19

“Nang shu la lu ai shawng ngai ai nsi naisi hpe dai Madu na a Karai Kasang a nta de shaning shagu nang la sa na rai ndai. “Sagu, bainam kasha ni hpe kanu a chyu hte hkum shadu et.

PRU MAT 34:22

“Shawng ngai ai nanhte a hkaulan mam hpe dan hpang ai shaloi, nmut shinggyin poi galaw na rai myit dai. Dai sha n-ga, namsi namsaw ni hpe shinggyin la ai shaloi Sum Poi galaw lu na rai myit dai.

JAW JAU 23:17

Dinghku shagu gaw muk tawng lahkawng hkawng shapraw nhtawm laksan kumhpa shatai nna dai Madu hpe sak jaw na rai myit dai. Muk tawng shagu hpe mani ai shadung pawng mali hpe matsi hte shawawm nhtawm shawng ngai ai nsi naisi hkungga shatai nna dai Madu hpe nawng jau na rai myit dai.

JAW JAU 7:13

Dai hta kaga, matsi bang nna kabaw da ai muk pa ni hpe shi kahtap nna nawng jau na rai wu ai.

BU HKAWM 15:20

Nanhte muk kabaw myit dai shaloi nsi naisi nnan kaw na shadung katsing hte galaw ai muk pa hpe dai Madu a matu laksan nawng jau ya na rai myit dai. Dai gaw nanhte chyarang na kabye la ai nsi naisi kaw na galaw la lu ai laksan kumhpa hpe jaw jau ai hte maren nawng jau na lam rai nga ai.

BU HKAWM 18:12

“Israela amyu masha ni ngai hpe shaning shagu jaw jau ai shawng ngai ai nsi naisi a kaja htum ai tsanlun sau, sabyi ntsin hte nai mam ngai nang hpe jaw nga nngai.

1 KORINHTU 15:20

Rai ti mung, teng teng byin ai lam gaw, Hkristu gaw si mat ai ni kaw na bai hkrung rawt wa sai rai nna, yup pyaw mat wa sai ni bai hkrung rawt wa na mara ai lam pahkam hkam ai lam lu la saga ai.

TARA JAHPRANG 26:10

Dai rai nna shi ngai hpe jaw ai shawng shu la lu ai nsi naisi dai Madu hpang de ya ngai la sa ring ngai law.’ “Dai hpang dai Madu a man e ka dai nawng let dai yang e nawku na rai wu ai.

SHINGRAN 14:4

Dai ni gaw numsha ni hte awu asin n rai yu ai lasha ni rai nga ma ai; shanhte gaw brang jet ni rai nga ma ai. Shanhte gaw Sagu Kasha sa ai shara shagu hkan hkan nang ma ai. Shanhte gaw shinggyim masha ni hta na hkye hkrang la hkrum sai ni rai nna Karai Kasang hte Sagu Kasha kaw shawng sak nawng da sai ni rai nga ma ai.