JAW JAU 2:10 - Jinghpaw Common Language Bible 2009

¹⁰ Ngam ai gaw hkinjawng ni a matu rai nna, dai gaw dai Madu hpe lusha nawng ya ai hta na shaw la nga ai majaw grai chyoi pra nga ai.

Jinghpaw Hanson Version Bible

¹⁰ Ngam nga ai shadung kumhpa gaw Arun hte shi a shadang sha ni a matu tai na rai nga ai: dai gaw Yehowa hpe wan hte nawng ai kumhpa ni hta na chyoi pra reng ai kumhpa rai nga ai.

JAW JAU 2:10 ပူးပေါင်းရင်းမြစ်များ

2 HKAWHKAM LABAU 31:14

Nawku Htingnu a Sinpraw Chyinghka sin ai du Lewi masha Imna a kasha Kore gaw dai Madu a matu sak jaw ai kumhpa ni hkap la nna bai garan jaw ya ai hpareng wa rai nga ai.

EZRA 2:63

Urim hte Htumim chye lang ai hkinjawng langai garai n pru dingsa, Karai Kasang hpe nawng jau ya ai lusha hpe shanhte n sha lu na lam, Yuda munggyi shanhte hpe hkang da wu ai.

EZEKELA 44:29

Shadung hkungga, mara raw hkungga hte hka bai wa ai hkungga ashan ni mung hkinjawng ni a lusha rai nna, nye a matu ngu nna san da ai yawng mayawng mung shanhte lu la na mara ai.

EZEKELA 46:20

“Ndai shara gaw hkinjawng ni htingrai htingrat hkungga hte mara raw hkungga shan ni hpe shadu nna, shadung hkungga ni hpe kabaw ai shara rai nga ai; chyoi pra ai arai hpa hpe mung shinggan wang de shapraw lu na n rai, shing n rai yang dai gaw amyu masha ni hpe nni nkri jahkrum mai nga ai,” ngu nna tsun ai.

JAW JAU 10:12

Mawshe gaw Arun hte naw ngam nga ai Arun a shadang sha Eleaza yan Ihtama hpe, “Dai Madu hpe nawng ya ai lusha hta na naw ngam ai shadung hkungga hpe la nhtawm matsi n rawng ai muk hte tawn hkungri a makau e sha lu na rai myit dai; hpa majaw nga yang dai hkungga gaw grai chyoi pra nga ai.

JAW JAU 14:13

Shi gaw htingrai hkungga hte wan nat hkungga nawng ya na matu yam nga sat ai dai chyoi pra ai shara hta sagu la sat na rai wu ai. Hkinjawng wa gaw htingrai hkungga la lu ai zawn mara raw hkungga a majaw ndai amu hpe shi galaw lu na rai wu ai, dai gaw grai chyoi pra nga ai.

JAW JAU 2:3

Ngam ai shadung hkungga gaw hkinjawng ni a matu rai nna dai Madu hpe lusha hkungga nawng ya ai hta na shaw la ai majaw dai gaw grai chyoi pra nga ai.

JAW JAU 21:22

Dai zawn re ai wa gaw ngai hpe nawng ya ai dai chyoi pra ai hkungga hte chyoi pra htum ai lusha hkungga yan hpe sha mai nga ai.

JAW JAU 5:13

Ndai hku nna hkinjawng wa gaw dai masha wa a yubak mara a matu shagu hkungga nawng jau na rai wu ai. Dai wa gaw yubak mara raw dat kau ya ai hkrum na ra ai. Ngam ai shadung mani gaw shadung hkungga zawn hkinjawng wa a matu rai nga ai.

JAW JAU 6:16

Ngam ai hpe chyawm gaw hkinjawng ni sha na rai ma ai. Dai hpe matsi n bang ai sha muk kabaw nna dai Madu a hpung shingkang shanu nga ai Sum wang kata na Chyoi Pra ai Shara hta sha na rai ma ai. Dai Madu gaw hkinjawng ni hpe shanhte a lusha tai nga na matu dai hpe jaw da nu ai. Dai gaw htingrai hkungga hte mara raw hkungga ni zawn grai chyoi pra nga ai.

JAW JAU 6:23

Dai shadung hkungga hpe hkinjawng wa mung sha lu na n rai; dai yawng nat nawng kau lu na rai nga ai.

JAW JAU 6:9

Arun hte shi a shadang sha ni hpe matsun madun na matu Mawshe hpe hkang da wu ai. Wan nat hkungga hpe tawn hkungri ntsa e shana tup nat nna wan mung shagrung da na rai nga ai.

JAW JAU 7:7

Htingrai hkungga hte mara raw hkungga gaw tara langai sha rai nga ai majaw shagu hkungga nawng ya ai dai hkungga shan gaw hkinjawng wa a matu rai nga ai.

BU HKAWM 18:9

Tawn hkungri ntsa e n hkru ai chyoi pra htum ai hkungga ni ngu na shadung hkungga, htingrai hkungga hte htang jaw hkungga ni hpe nang madu la lu na rai ndai. Nye a matu ngu nna sak jaw ai dai chyoi pra ai hkungga nlang hte gaw nang hte na a shadang sha ni a matu rai nga ai.

1 SAMUELA 2:28

Tawn hkungri hta daw jau amu galaw na matu mung, manam pyaw ai bat nat nawng na matu mung, hpa hkai lawng hpun nna ngai hte bawng ban jahkrup na matu mung, Israela amyu bawsang ni yawng hta na nye a hkinjawng ni tai nga na matu, shi a dinghku hpe ngai lata la ni ai. Shing rai tawn hkungri ntsa nat ai shagu hkungga kumhtaw hkam la na ahkang ngai shanhte hpe jaw da ni ai.