JAW JAU 2:1 - Jinghpaw Common Language Bible 2009

¹ Kadai rai ti mung dai Madu hpe shadung hkungga nawng ya ai shaloi, shawng nnan dai hpe mani hkra rin nhtawm dai hta tsanlun sau ru jaw nna, lawban bang ai hte,

Jinghpaw Hanson Version Bible

¹ Masha langai ngai Yehowa hpe shadung hte kumhpa nawng ai rai yang gaw, shi a kumhpa mani ai shadung rai na rai nna, dai hta namman ru jaw nhtawm lawban bang na rai wu ai.

JAW JAU 2:1 ပူးပေါင်းရင်းမြစ်များ

PRU MAT 29:2

Kaja htum ai hkaulan mam shadung lang nna matsi n bang ai hte tsanlun sau hte kayau ai muk nkau mi, sau hte n kayau ai nkau mi, sau hte kayau gumchya nna galaw ai muk pa nkau mi rai na rai nga ai.

ESAIA 43:23

Nang gaw na a sagu wan nat hkungga ni hpe ngai kaw n la sa nga ndai; nang gaw shagu hkungga ni hte ngai hpe n shagrau sha-a nga ndai. Ngai gaw nang hpe shagu hkungga hpyi ai hku nna lit shali ai n rai; manam pyaw ai baw hpyi ai hku nna nang hpe hki ba shangun ai n rai.

ESAIA 66:20

Shanhte gaw na a amyu masha ni yawng hpe ngai hpang de la sa ai kumhpa hku masha amyu baw ni a lata kaw na woi wa na mara ai. Israela masha ni gaw htung hte maren san seng ai hkungga ban ni hta lusha hkungga ni bang nna Nawku Htingnu de la sa ma ai zawn shanhte gaw dai ni hpe gumra ni, lawze ni, gawla-uk ni, hpyen leng ni hte daw htaw ai leng ni hta htaw nna nye a chyoi pra ai kawng nga ai Yerusalem de la sa na mara ai.

EZEKELA 46:20

“Ndai shara gaw hkinjawng ni htingrai htingrat hkungga hte mara raw hkungga shan ni hpe shadu nna, shadung hkungga ni hpe kabaw ai shara rai nga ai; chyoi pra ai arai hpa hpe mung shinggan wang de shapraw lu na n rai, shing n rai yang dai gaw amyu masha ni hpe nni nkri jahkrum mai nga ai,” ngu nna tsun ai.

YOELA 1:9

Nawku Htingnu kata nawng ya na nsi naisi hte sabyi ntsin n nga sai; dai Madu a matu hkungga n lu manu ai majaw, hkinjawng ni sharung shayawt nga ma ai.

YOELA 2:14

Dai Madu nanhte a Karai Kasang gaw shi a myit chye galai ai hte nanhte hpe ndaw nhta re ai nsi naisi ni shaman ya na ra a dawng. Dai hpang, nanhte shi hpe nsi naisi hte sabyi ntsin nawng ya lu na myit dai.

JAW JAU 14:10

Matsat ya ngu na shani e, shi gaw ra n rawng ai sagu la lahkawng hte laning mi ladu hkrum sai sagu yi hte hpawn tsanlun sau hte kayau ai shadung pawng manga, tsanlun sau hpak mi la sa na rai wu ai.

JAW JAU 24:7

Dai Madu a matu hkungga kumla shatai ai dai muk kawng lahkawng a ntsa e jet ai lawban mara tawn da na rai wu ai.

JAW JAU 5:11

Hkrudu lahkawng shing n rai ura lahkawng mung n jaw lu ai rai n yang, shi gaw htingrai hkungga shatai na mani ai shadung pawng lahkawng la sa na rai wu ai. Dai gaw shadung hkungga n re ai sha htingrai hkungga rai nga ai majaw de a ntsa e tsanlun sau hte manam pyaw ai baw lawban hpa mung bang mai na n rai.

JAW JAU 6:7

Hkinjawng wa gaw shi shut kau ai yubak mara a matu shagu hkungga nawng ya ai hte shi gaw mara raw dat kau ya ai hkrum na rai nga ai.

JAW JAU 9:17

Shi gaw shadung hkungga nawng ya na matu mani ai shadung latup mi la nna tawn hkungri hta nat wu ai. (Dai gaw shani shagu na wan nat hkungga hta jat bang da nga ai.)

JAW JAU 9:4

mahku hkungga a matu dumsu usu hte sagu la, la sa na tsun su. Dai ni hpe namman sau hte kayau ai shadung hkungga hte hpawn dai Madu hpe nawng jau na rai myit dai. Dai Madu gaw shanhte kaw dai ni dan pru na ra ai majaw shanhte dai hpe dai ni jang galaw ra na rai ma ai,” ngu nna tsun wu ai.

MALAHKI 1:11

Mungkan a jahtum shara mi kaw nna kaga shara mi de du hkra nga ai masha ni ngai hpe shagrau sha-a ma ai. Shanhte gaw ngai hpe manam pyaw ai baw hpe shara shagu hkan nat ai hte hkam la mai ai shagu hkungga ni nawng ya ma ai. Shanhte yawng gaw ngai hpe shagrau sha-a nga ma hka!

BU HKAWM 18:9

Tawn hkungri ntsa e n hkru ai chyoi pra htum ai hkungga ni ngu na shadung hkungga, htingrai hkungga hte htang jaw hkungga ni hpe nang madu la lu na rai ndai. Nye a matu ngu nna sak jaw ai dai chyoi pra ai hkungga nlang hte gaw nang hte na a shadang sha ni a matu rai nga ai.

BU HKAWM 28:5

dai ni hpe nawng jau shagu jet ai tsanlun sau joi mi hte kayau ai shadung mani pawng lahkawng hpe shadung hkungga hku shalawm na rai myit dai.

BU HKAWM 29:18

Dai ni hpe kaga hkungga ni yawng hte hpawn nnan shani galaw ai hta lang ai hkungga ni hte maren nawng ya na rai myit dai.

BU HKAWM 8:8

Dai hpang shanhte gaw tsanlun sau hte kayau gumrin ai mani ai muk shadung ngu ai shadung hkungga hte hpawn usu uram langai la sa na rai ma ai. Nang gaw htingrai hkungga a matu usu uram langai mi hpe la sa na rai ndai.

YAWHAN 6:35

Yesu gaw, “Asak muk gaw ngai rai nga nngai, ngai hpang de sa ai wa gaw kawsi hkrum na n rai, ngai hpe kam sham ai wa mung, galoi mung hpang gara hkrum na n rai.

1 YAWHAN 2:20

Rai ti mung Yesu Hkristu gaw nanhte a ntsa e dai Chyoi Pra ai Wenyi ru jaw bun ya ai hkrum manit dai rai nna, nanhte yawng mayawng gaw, dai tengman ai hpe chye lu myit dai.

1 YAWHAN 2:27

Rai ti mung nanhte chyawm gaw, Hkristu shi a wenyi hpe nanhte a ntsa e ru jaw bang ya ai hkrum manit dai rai nna, nanhte hta dai wenyi a shanu nga dingsa kadai mung nanhte hpe sharin shaga na n ra sai. Hpa majaw nga yang, shi a Wenyi gaw nanhte hpe lam shagu hta e sharin shaga nga ai rai nna, shi sharin shaga ai lam gaw teng man nga ai, masu ai lam hpa mung n lawm ai. Dai majaw nanhte gaw dai Wenyi e sharin ai hte maren madat mara hkan sa nna Hkristu hte langai sha rai nga mu.

YUDA 1:20

Rai ti mung nanhte chyawm gaw, tsaw ra ai ni e, nanhte a chyoi pra dik ai nawku makam masham hta npawt de nna tinang dai matut nna galu kaba sa wa mu. Chyoi pra ai wenyi n-gun atsam hta shamyet nna akyu hpyi mu.

SHINGRAN 8:3

Bai manam pyaw ai baw nat ai ja n-gawt lang ai lamu kasa kaga gaw, tawn hkungri makau e sa tsap nga ai. Dai tingnyang man e nga ai aja hkungri ntsa e, Karai Kasang a masha ni yawng hte a akyu hpyi ai ga hte rau nawng jau u ga nga, manam pyaw ai baw law law dai wa hpe ya wu ai.