JAW JAU 19:3 - Jinghpaw Common Language Bible 2009

³ Nanhte langai hte langai gaw tinang a kanu kawa hpe hkungga lara na rai myit dai. Ngai hkang da sai Bansa Nhtoi hpe mung dum nga lu na rai myit dai. Ngai gaw dai Madu nanhte a Karai Kasang rai nga nngai.

Jinghpaw Hanson Version Bible

³ Nanhte hkum shagu tinang a kanu kawa hpe hkungga lara rai lu na myit dai: ngai tawn da ai laban nhtoi ni hpe mung dum nga lu na rai myit dai: ngai gaw nanhte a Karai Kasang Yehowa rai nga nngai.

JAW JAU 19:3 ပူးပေါင်းရင်းမြစ်များ

NINGPAWT NINGHPANG 48:12

Dai hpang, Yosep gaw shan hpe Yaku a lahpyen kaw na shaw la nhtawm shi a man e ga du hkra gum dagup shangun wu ai.

NEHEMIA 9:14

Nang gaw shanhte hpe na a Bansa Nhtoi ni chyoi pra nga na matu sharin ya nit dai, nang gaw na a shangun ma Mawshe hku nna shanhte hpe na a tara ni jaw ya nit dai.

PRU MAT 16:29

Ngai Madu nan nanhte hpe bansa ai shani jaw ya ni ai; dai re ai majaw kru ya shani hta lahkawng ya a matu malu masha law ram hkra, nanhte hpe ngai ajaw ya nga ai hpe adum nga mu. Kadai mung sanit ya shani e shi a nta kaw na n pru ai sha nga nga lu na rai myit dai,” ngu nna tsun wu ai.

PRU MAT 20:12

“Na nnu yan nwa hpe hkungga lara di u; shaloi ngai nang hpe jaw da ai lamu ga hta asak galu ai hte shanu nga lu na ndai.

PRU MAT 20:8

“Bansa Nhtoi hpe hkungga lara ai hte dai nhtoi hpe shachyoi shapra nga u.

PRU MAT 21:15

“Kanu kawa hpe kayat adup ai wa kadai mung si lu na rai wu ai.

PRU MAT 21:17

“Tinang a kanu kawa hpe matsa ai wa kadai mung si lu na rai wu ai.

GA SHAGAWP 1:8

Sha e, na nnu yan nwa, nang hpe sharin shaga ai ga hta myit maju jung nna madat mara nga u.

GA SHAGAWP 23:22

Na nwa a ga hpe madat mara u, shi a majaw n rai yang, nang nga pra lu na n rai; asak kaba sai na nnu hpe shareng hkungga ai lam madun dan u.

GA SHAGAWP 30:11

Kawa ni hpe dagam dala ga tsun nna, kanu ni hpe hkungga shareng ai lam n madun ai masha ni nga nga ma ai.

GA SHAGAWP 30:17

Kawa hpe asaw ale nga nna, asak kaba sai kanu a hkang da ai ga hpe asawng asang di kau ai wa kadai hpe rai ti mung, zai ai u hka ni gaw shi a myi hpe achye malawk kau ya nna langda ni mung, shi a mang hpe sha kau ya na ging nga ai.

ESAIA 58:13

Dai Madu gaw, “Bansa Nhtoi hpe chyoi pra ai zawn nang hkungga nna, dai shani e na a hpaga amyat n tam ai sha, nye a chyoi pra ai shani hpe nang manu shadan ai hte shagrau sha-a ai hku, dai nhtoi e gara de mung n sa, amu n galaw, n tsun n ang ai ga hpe n shaga ai rai yang,

EZEKELA 20:12

Shanhte hpe shachyoi shapra nga ai dai Madu ngai nan rai nga nngai hpe shanhte dum hprang wa lu hkra, anhte a lapran e myit hkrum ai kumla tai nga u ga, Dai Bansa Nhtoi hpe shadik na, ngai hkang da ni ai.

JAW JAU 11:44

Ngai gaw dai Madu nanhte a Karai Kasang rai nga nngai hte chyoi pra nga nngai majaw nanhte mung tinang hkum hpe shachyoi shapra lu na rai myit dai.

JAW JAU 19:25

Rai ti mung manga ning ngu na hta si ai gaw nanhte sha mai nga manit dai. Ndai amu hpe nanhte hkan galaw myit dai rai yang, nanhte a hpun ni hta namsi grau si wa na ra ai; Ngai gaw dai Madu nanhte a Karai Kasang rai nga nngai.

JAW JAU 19:30

Bansa Nhtoi hpe hkan shadik nna, ngai hpe nawku ai shara hta hkrit hkungga lu na rai myit dai. Ngai gaw dai Madu rai nga nngai.

JAW JAU 19:31

“Si mat sai ni a wenyi hte ga shaga chye ai masha ni kaw hpaji hkum sa hpyi myit; nanhte gaw shing re ai amu galaw ai rai yang, nanhte n san n seng na rai myit dai. Ngai gaw dai Madu nanhte a Karai Kasang rai nga nngai.

JAW JAU 23:3

Nanhte gaw kru ya tup magam bungli galaw lu na nhtoi lu nga myit dai; rai ti mung sanit ya ngu na shani chyawm gaw Bansa Nhtoi rai nna ban sa ai shani rai nga ai hpe dum nga mu. Dai shani hta magam bungli hkum galaw myit; rai ti mung nawku na zup hpawng nga mu. Nanhte nga ai shara shagu hta dai gaw dai Madu a matu Bansa Nhtoi rai nga ai.

JAW JAU 26:2

Nawku htung hte seng ai poi ni hpe hkan sa nna nawku ai shara hta ngai hpe shagrau sha-a na rai myit dai. Ngai gaw dai Madu rai nga nngai.

MALAHKI 1:6

Chyahtum Chyalai N-gun rawng ai dai Madu gaw hkinjawng ni hpe, “Kasha gaw shi a kawa hpe shagrau hkungga ai; shangun ma wa gaw shi a madu hpe shagrau hkungga nga ai. Ngai gaw na a nwa rai nga nngai-hpa majaw nang ngai hpe n shagrau hkungga a ni? Ngai gaw na a madu rai nga nngai-hpa majaw nang ngai hpe n hkungga a ni? Nang gaw ngai hpe n kaw n law di nga ndai, shing rai tim, nang gaw, “Anhte nang hpe kaning rai n kaw n law di kau saga ta?,” nga nna san myit dai.

TARA JAHPRANG 27:16

“ ‘Kanu kawa hpe n kaw n law di ai wa kadai mung Karai Kasang jaw ai dagam dala hkrum u ga law.’ “Shaloi Amyu masha ni yawng gaw, ‘Amen!,’ ngu nna htan na mara ai.

TARA JAHPRANG 5:16

“ ‘Ngai Madu nanhte a Karai Kasang nan nanhte hpe jaw ya nga ai mungdan hta asak galu nna ngamu ngamai lu myit ga, ngai nanhte hpe hkang da ni ai hte maren tinang a kanu kawa ni hpe hkungga lara rai nga mu.

HEBRE 12:9

Anhte hpe daru sharin ai shinggyim kawa ni hpe anhte hkungga lara di ga ai. Dai rai yang, anhte a Wenyi hte seng ai Kawa a npu e grau nna taw nga let asak hkrung nga ra ga ai n rai hka!