JAW JAU 19:2 - Jinghpaw Common Language Bible 2009

² Israela shawa hpung ting hpe, “Chyoi pra nga mu, hpa majaw nga yang ngai gaw dai Madu nanhte a Karai Kasang rai nna chyoi pra nga nngai.

Jinghpaw Hanson Version Bible

² Israela kashu kasha ni a shawa hpung ting hpe ning ngu tsun u: Nanhte a Karai Kasang, ngai Yehowa, chyoi pra nga nngai majaw, nanhte mung chyoi pra nga mu.

JAW JAU 19:2 ပူးပေါင်းရင်းမြစ်များ

SHAKAWN KUNGDAWN 99:3

Masha shagu hte gaw shi a galu kaba nna, hpung shingkang arawng sadang hte hpring ai mying nsang hpe shakawn na mara ai; shi gaw Chyoi Pra Ai Wa rai nga ai!

PRU MAT 19:6

ngai hta chyu sha ap nawng da ai amyu masha ni tai ai hte nanhte gaw hkinjawng ni zawn ngai hpe daw jau na rai myit dai.”

PRU MAT 22:31

“Nanhte gaw nye a amyu masha ni rai nga myit dai, dai rai nna matse labye dusat ni e kawa sat da ai yam nga shan hpe sha lu na n rai; shing rai sha na malai, gwi ni hpe kabai jaw kau na rai ndai.

JAW JAU 19:1

Dai Madu gaw Mawshe hku nna

JAW JAU 20:26

Nanhte chyawm gaw chyoi pra nna ngai madu da ai amyu tai lu na rai myit dai; ngai gaw dai Madu rai nga nngai rai nna chyoi pra nga nngai hte amyu gale ni kaw na jahka da ma sade ai majaw ngai hte sha seng ai ni rai nga myit dai.

JAW JAU 20:7

Nanhte a hkum ni hpe shachyoi shapra nga mu, hpa majaw nga yang ngai gaw dai Madu nanhte a Karai Kasang rai nga nngai.

JAW JAU 21:15

Shing n rai yang, chyoi pra ging ai shi a kashu kasha ni n san n seng na rai ma ai. Ngai gaw dai Madu rai nga nngai hte maren shi hpe Hkinjawng Kaba hku jahka san da ni ai,” ngu nna tsun wu ai.

JAW JAU 21:23

Rai ti mung shi gaw hkum hkrang hta ra rawng nga sai majaw chyoi pra ai nba grang hte tawn hkungri de shani sa wa lu na n rai. Ngai gaw shanhte hpe shachyoi shapra ai dai Madu rai nga nngai majaw ndai chyoi pra ai arai ni hpe awu asin di lu na n rai.”

JAW JAU 21:8

Ngai hpe lusha hkungga sak jaw nga ai hkinjawng re majaw amyu masha ni mung shi hpe chyoi pra ai hku myit nawn na rai ma ai. Ngai gaw dai Madu rai nna chyoi pra nga nngai majaw nye a amyu masha ni hpe chyoi pra shangun na mawe ai.

AMO LAIKA (AMOS) 3:3

Hkrum hkat na matu lajang da ai lam n nga yang, marai lahkawng rau hkawm hpang lu na rai nga a ni?

MAHTE 5:48

Dai majaw sumsing lamu na nanhte a Kawa gaw kup tsup nga ai hte maren, nanhte mung kup tsup nga mu.

2 KORINHTU 7:1

Tsaw ra ai jinghku ni e, ndai ga sadi ni yawng gaw anhte hpe jaw da ai rai nga ai. Dai re ai majaw anhte gaw hkum hkrang hte wenyi hpe awu asin di kau ai matsat shabat nga manga hta na tinang hkum hpe jasan jaseng kau nhtawm Karai Kasang hpe hkrit hkungga let chyoi pra htum ai hku asak hkrung nga ga.

EHPESU 1:4

Anhte gaw tsaw ra ai myit hte shi a man e chyoi pra nna mara n rawng ai ni tai wa u ga, anhte Hkristu hte langai sha tai ai a marang e mungkan ga garai n lat kaw nna pyi Karai Kasang gaw anhte hpe lata la mani ai.

TARA JAHPRANG 27:10

dai re ai majaw, dai ni, ngai nanhte hpe jaw ya ai shi a tara ni yawng hpe hkan shatup let, shi a ga hpe madat mara hkan sa nga mu,” ngu nna tsun mu ai.

YAWSHU 24:19

Yawshu gaw amyu masha ni hpe, “Rai ti mung, nanhte dai Madu hpe daw jau lu na myit dai n rai. Shi gaw chyoi pra ai Karai Kasang rai nga ai rai nna nanhte a shut hpyit ai yubak mara ni hpe raw dat ya na n rai; shi hte shingjawng kashun ai ni hpe yu sharang lu wu ai n rai;

1 SAMUELA 2:2

“Kadai mung dai Madu zawn chyoi pra nga ai n rai; shi zawn re ai mi kadai n nga, anhte a Karai Kasang zawn makawp maga la lu ai wa kadai n nga ai.