JAW JAU 17:8 - Jinghpaw Common Language Bible 2009

⁸ Israela masha kadai rai ti mung, shanhte kaw nga nang ai maigan masha kadai rai ti mung, Sum a shang wa chyinghka lam hta jan nna kaga shara hkan dai Madu hpe wan nat hkungga hte kaga shagu hkungga nawng ya ai wa kadai mung,

Jinghpaw Hanson Version Bible

⁸ Bai shanhte hpe ning ngu mu: Israela kashu kasha ni hta na rai timung, nanhte kaw shingbyi nga ai amyu kaga wa rai timung, wan nat hkungga hte kaga hkungga hpa baw mung, nawng jau ai rai yang,

JAW JAU 17:8 ပူးပေါင်းရင်းမြစ်များ

2 SAMUELA 24:25

Dai hpang shi gaw dai Madu a matu tawn hkungri langai galaw nhtawm wan nat hkungga ni hte mahku hkungga ni nawng ya wu ai. Dai Madu mung shi a akyu hpyi ga hpe htan ya nna Israela mung ting hta byin nga ai ana zinli kaba jasim kau nga ai.

JAW JAU 17:10

Israela masha kadai rai ti mung, shanhte kaw nga nang ai masha ni kadai rai ti mung, asai hte ashan hpe kayau sha ai rai yang dai Madu gaw shi hpe ate nna shi a amyu masha ni hta na sumri dan kau na rai wu ai.

JAW JAU 17:7

Israela amyu masha ni gaw prang yang hkan e shanhte a yam nga ni sat let bainam nat matse ni hpe nawng jau ai hku dai Madu hta sadi sahka loi mi pyi n nga lu na myit dai n rai. Israela amyu masha ni gaw ndai hkang da ai matsun maroi ga hpe prat mi hte prat mi madat mara shadik shatup lu na rai ma ai.

JAW JAU 17:9

Karai Kasang a amyu masha hta na sumri dan kau ai hkrum na rai ma ai.

JAW JAU 3:7

Sagu nawng ai rai yang,

MALAHKI 1:11

Mungkan a jahtum shara mi kaw nna kaga shara mi de du hkra nga ai masha ni ngai hpe shagrau sha-a ma ai. Shanhte gaw ngai hpe manam pyaw ai baw hpe shara shagu hkan nat ai hte hkam la mai ai shagu hkungga ni nawng ya ma ai. Shanhte yawng gaw ngai hpe shagrau sha-a nga ma hka!

YAWSHU 22:11

Naw ngam nga ai Israela amyu masha ni gaw Rubin, Gad hte sinpraw hkran maga na Manashe amyu bawsang chyen mi ni gaw Yawdan hka ndai hkran shanhte a maga na Gelilot mare hta tawn hkungri galaw da manu ai nga nna tsun ai shiga hpe na ma ai.

YAWSHU 22:15

Rubin, Gad hte sinpraw hkran na Manashe amyu bawsang ni nga ai Gilead mung de shanhte sa mat wa nhtawm,

YAWSHU 22:16

dai Madu a shawa hpung ting a matu ngu nna shanhte gaw shanhte hpe, “Israela a Karai Kasang hpe ndai zawn re ai n hkru ai amu hpa majaw galaw kau myit ni? Nanhte a matu ndai tawn hkungri hpe gaw nna, dai Madu hpe nanhte gumlau kau nga myit hka i! Nanhte gaw shi a hpang loi mi mung n hkan nga myit hka!

TARA AGYI 6:26

Dai Madu na a Karai Kasang a matu grak re ai tawn hkungri hpe ndai kawng pungding e galaw tawn u. Dai hpang nang kran daw kau nit dai Ashera a masat kumla hpe ju hpun shatai let lahkawng ngu na usu hpe la nhtawm hkum ting nat nawng u,” ngu nna tsun wu ai.

1 SAMUELA 10:8

Ngai nang hte hkrum nna wan nat hkungga hte mahku hkungga nawng jau ya na ngu ai Gilgala de nye a shawng e nang sa wa na rai ndai. Nang hpang de ngai du nna nang galaw na amu hpe ngai tsun dan ai aten du hkra, dai yang e sanit ya naw la nga u,” ngu nna tsun wu ai.

1 SAMUELA 16:2

Samuela gaw, “Dai amu hpe kaning rai ngai galaw lu na rai ta? Dai lam Shawlu na jang, shi ngai hpe sat kau na ra ai!,” ngu nna san wu ai. Dai Madu gaw, “Nang hte rau dumsu upra langai la sa nhtawm dai Madu a matu shagu hkungga nawng jau na ngai sa wa nngai ngu tsun u.

1 SAMUELA 7:9

Samuela gaw sagu kasha langai mi hpe sat nhtawm dai Madu a matu shagu hkungga shatai let hkum ting nat nawng wu ai. Dai hpang, shi gaw Israela hpe karum la na matu dai Madu kaw akyu hpyi wu ai hte maren dai Madu mung shi a akyu hpyi ga hpe htan ya wu ai.