JAW JAU 17:5 - Jinghpaw Common Language Bible 2009

⁵ Ndai hkang da ai a ga lachyum gaw Israela amyu masha ni nam ga e sat lang ai yam nga ni hpe dai Madu hpang de la sa na matu rai nga ai. Shanhte gaw dai ni hpe mahku hkungga shatai na matu sat nhtawm Sum a shang wa chyinghka lam e hkinjawng wa kaw la sa na rai ma ai.

Jinghpaw Hanson Version Bible

⁵ ndai gaw, Israela kashu kasha ni nam ga e naw rai yang jaw jau ai kumhpa ni hpe shawa sum chyinghka a man e Yehowa kaw hkinjawng wa hpang de la wa nna, Yehowa hpe mahku hkungga jaw na matu, dan da ai lam rai nga ai.

JAW JAU 17:5 ပူးပေါင်းရင်းမြစ်များ

NINGPAWT NINGHPANG 21:33

Dai hpang Abraham chyawm gaw Berasheba shara e magyeng hpun langai mi hpe hkai nna, htani htana agrin nga ai dai Madu Karai Kasang hpe nawku wu ai.

NINGPAWT NINGHPANG 22:13

Abraham mung grup yin de mada yu wu yang, sagu la langai mi sumwum hta shi a nrung chya nna dau nga ai hpe mu wu ai. Abraham sa nna dai hpe sa raw la nhtawm shi kasha a malai wan nat hkungga nawng ya wu ai.

NINGPAWT NINGHPANG 22:2

Karai Kasang gaw, “Nang grai tsaw ra ai na a shadang sha shingtai Isak hpe woi nna Moria ga de sa wa su. Ngai nang hpe madun na de ai bum ntsa e, shi hpe shagu hkungga shatai nna ngai hpe nawng jau e,” ngu nna tsun wu ai.

NINGPAWT NINGHPANG 31:54

Shi gaw, yam nga langai sat nhtawm bum ntsa e hkungga nawng ya wu ai; shi a masha ni hpe mung shat sha shaga wu ai; shanhte lusha sha ngut ai hpang dai bum e lana mi nga shalai kau mu ai.

1 HKAWHKAM 14:23

Shanhte gaw n teng n man ai karai ni a matu nawku shara ni hpe gap nhtawm kawng ntsa hkan na shingnip hpun npu hkan e mung Ashera hkrang sumla ni hpe nawku na matu nlung shadaw ni hpe jung da nga ma ai.

1 HKAWHKAM 3:2

Dai Madu a matu Nawku Htingnu langai garai n lu gaw da nga ai majaw, amyu masha ni mahtang tawn hkungri amyu myu galaw la ai shara law law hkan shagu hkungga ni hpe naw sak nawng ya nga ma ai.

1 HKAWHKAM 3:3

Shawlumon gaw shi a kawa Dawi a matsun maroi ga hkan let, dai Madu hpe tsaw ra nga ai; rai ti mung shi mung yam nga law law sat nhtawm tawn hkungri amyu myu a ntsa e shagu hkungga sak nawng ya wu ai.

2 HKAWHKAM 16:4

Ahaza gaw kawng ntsa hkan na tara maigan masha ni a nawku shara ni hta mung, shingnip hpun shagu a npu hkan e mung, shagu hkungga ni hpe nawng jau nna manam pyaw ai baw hpe nat wu ai.

2 HKAWHKAM 17:10

Kawng ni yawng a ntsa hkan e mung, shingnip hpun npu shagu hkan e mung, nlung shadaw ni hte Ashera karai num a gawkngu sumla ni hpe shanhte shadun da nhtawm,

2 HKAWHKAM LABAU 28:4

Tara maigan masha ni a nawku shara ni hta mung, kawng ntsa hkan e mung, hpun npu hkan e mung, shagu hkungga ni hte manam pyaw ai baw hte hpe shi nawng jau ya nga ai.

PRU MAT 24:5

Dai hpang shabrang ni hpe shi shangun dat nna, shanhte gaw dai Madu hpe shagu hkungga ni nat nawng nhtawm mahku hkungga a matu dumsu nkau mi hpe mung nawng jau ma ai.

EZEKELA 20:28

Shanhte hpe jaw na ngu nna ngai ga sadi dagam da ai mungdan de shanhte hpe ngai woi wa ni ai. Shanhte gaw tsaw ai kawng ni hte tsit lali ai hpun ni hpe mu mada ma ai shaloi, dai shara ni yawng hta shagu hkungga nawng ya ma ai. Shanhte gaw dai hkan e manam pyaw ai baw wan nat hkungga hte sabyi hkungga ru jaw ai lai hte ngai hpe pawt bu shangun ma ai.

EZEKELA 22:9

Na a amyu masha ni hta na nkau mi gaw sat kau hkrum na matu kaga masha ni a lam ni hpe masu magaw ga tsun nga ai. Amyu masha nkau mi gaw hpara sumla ni hpe nawng jau ai shagu hkungga shan ni hpe sha nga ma ai. Nkau mi gaw shanhte a ngang gayut ai amu ni hta tut nawng myit dik dum nga ma ai.

EZEKELA 43:27

Laban bat mi lai ai hpang, tawn hkungri ntsa e, amyu masha ni a wan nat hkungga hte mahku hkungga ni hpe hkinjawng ni nawng jau hpang wa ra nga ma ai. Dai shaloi, ngai nanhte yawng hpe awng sharawng wa na nngai. Tsaw Htum ai dai Madu ngai nan tsun ni ai.”

EZEKELA 44:15

Tsaw Htum ai dai Madu gaw, “Kaga Israela amyu masha ni ngai kaw nna kayin mat wa tim, dai hkinjawng amu galaw na matu san da ai Lewi amyu na Zadok a matu mara ni chyawm gaw gara hku mi rai tim, Nawku Htingnu kata e ngai hpe kangka ai hte matut nna daw jau na ma ai. Shanhte gaw ngai hpe daw jau lu nna nye a man e du sa nhtawm, sau man hte shagu hkungga asai ni hte ngai hpe nawng jau na mara ai.

JAW JAU 17:6

Hkinjawng wa mung dai hkungga asai hpe Sum a shang wa chyinghka lam makau na tawn hkungri hta lapri nhtawm dai Madu awng sharawng nga ai manam pyaw ai sangau a matu sau man nat na rai wu ai.

TARA JAHPRANG 12:2

Nanhte madu la na mungdan hta masha amyu ni shanhte a karai ni hpe nawku ai dai tsaw ai bum hte kawng ntsa hkan na tsit lali ai hpun npu hkan na shara ni yawng hpe jahten kau lu na rai myit dai.