JAW JAU 17:11 - Jinghpaw Common Language Bible 2009

¹¹ Hkrung mahkrung shagu a asak gaw asai hta rawng nga ai rai nna dai Madu hkang da sai hte maren amyu masha ni a yubak hpe htingrai na matu tawn hkungri ntsa e asai yawng ru hkaw na rai wu ai. Asak rawng ai asai chyu sha yubak mara ni hpe la kau ya lu nga ai.

Jinghpaw Hanson Version Bible

¹¹ Kaning rai nme law, hkum shan a asak gaw asai hta rawng nga ai: nanhte a myit masin matu htingrai htingrat ya na, dai asai hpe tawn hkungri ntsa e ngai nanhte hpe jaw da se ai; asak rawng ai a majaw, asai gaw htingrai htingrat ya lu ai.

JAW JAU 17:11 ပူးပေါင်းရင်းမြစ်များ

NINGPAWT NINGHPANG 9:4

Lam langai mi gaw asai naw rawng ai ashan hpe nanhte sha lu na myit dai n rai; dai asak gaw asai hta rawng nga ai majaw ndai lam hpe ngai hkum da nngai.

JAW JAU 1:5

Dai wa gaw dai yang e usu sat nna, Arun a shadang sha hkinjawng ni mahtang de a asai hpe dai Madu hpang de la nawng nhtawm Sum a shang wa chyinghka lam e nga ai tawn hkungri a man mali grup grup yawng de dai hpe ru hkaw bun na rai nga ai.

JAW JAU 16:11

Arun gaw shi hte shi a dinghku a matu htingrai hkungga shatai na usu nawng ya ai shaloi,

JAW JAU 17:12

Dai re ai majaw dai Madu gaw Israela amyu masha ni hpe shanhte rai ti mung, shanhte kaw hkan nga ai maigan masha kadai rai ti mung asai naw rawng ai lusha sha lu na myit dai n rai.

JAW JAU 17:14

Hkrung mahkrung shagu a asak gaw asai hta rawng nga ai rai nna, dai Madu Israela amyu masha ni hpe hkang da ai hte maren hkum shan a asai dai hta naw rawng nga ai rai yang dai hpe shanhte sha lu na ma ai n rai. Shing re ai amu galaw ai wa kadai mung shi a amyu masha ni hta na sumri dan kau ai hkrum na rai wu ai.

JAW JAU 4:25

Hkinjawng wa gaw yam nga asai hta shi a layung tsing la nna tawn hkungri a jut na nrung ni hta chya nhtawm ngam ai hpe tawn hkungri a lagaw nhpang e ru hkaw na rai wu ai.

JAW JAU 4:26

Dai hpang tawn hkungri ntsa hta de a asau ni yawng mara nhtawm mahku hkungga a matu sat nawng ai yam nga sau nat nawng ai zawn nat na rai wu ai. Ndai hku nna hkinjawng wa gaw up hkang du wa a shut hpyit yubak mara a matu shagu hkungga nawng ya ai hte shi a yubak mara mung raw dat ai hkrum na rai wu ai.

JAW JAU 8:15

Dai hpe Mawshe sat nhtawm asai loi mi la nna dai hpe ap nawng na matu tawn hkungri a jut ni hta tu ai nrung ni hta shi a lata hte chya wu ai. Ngam ai asai hpe chyawm gaw tawn hkungri a lagaw nhpang e ru hkaw kau wu ai. Ndai hku nna dai hpe shi ap nawng ai hte jasan jaseng da wu ai.

MAHTE 20:28

Hpa majaw nga yang, dai Masha Kasha wa pyi, masha kaga wa hpe yam sha na nga nna du sa ai n rai; masha kaga hpe galaw daw na matu mara, shi a asak hpe gawng malai jahpu shatai na nga nna du sa ai,” ngu mu ai.

MAHTE 26:28

Ndai gaw yubak hpe raw dat kau myit ga, law law a matu ru kau ya ai, dai ga shaka hte seng ai, nye a asai rai nga li ai.

MARKU 14:24

Yesu gaw, “Ndai gaw law law a matu ru kau ya ai, Karai Kasang a ga shaka hpe dazik dawk ya ai nye a asai rai nga li ai.

ROMA 3:25

Hkristu si hkam ai a marang e masha ni gaw yubak mara kaw na raw dat kau hkrum na matu Karai Kasang gaw dai Madu hpe gawng malai hkungga tai na san ya sai. Masha ni gaw shi hpe kam sham ai a marang e yubak mara kaw na raw dat hkrum ma ai, Karai Kasang gaw Hkristu hpe shagu hkungga hku masat ya ai lam gaw shinggyim masha ni hpe ding hpring ai ni ngu nna gara hku hkap la ai lam madun shadan dan na matu rai nga ai. Lai wa sai prat hta Karai Kasang gaw hkam sharang nna yubak mara ni hpe yu shalai kau ya sai.

ROMA 5:9

Anhte gaw Hkristu a si hkam ai a marang e, Karai Kasang a man e ya ding hpring wa lu saga ai rai nna, Karai Kasang a pawt sindawng ai kaw na Hkristu a majaw hkye hkrang la ai grau nna hkrum na ga ai.

EHPESU 1:7

Hpa majaw nga yang, Hkristu a si hkam ai lam a majaw, anhte shalawt dat ai hkrum ga ai; dai gaw nanhte a yubak mara ni hpe raw dat kau ya ai lam rai nga ai.

TARA JAHPRANG 12:23

Asai hta asak rawng nga ai majaw asai naw rawng ai ashan hpe chyu sha n sha lu na rai myit dai. Dai re ai majaw asak hpe ashan hte rau nanhte sha lu na n rai.

KOLOSE 1:14

Dai Kasha a asai hte htingrai htingrat ya ai a marang e anhte hpe shalawt dat mi ai; dai gaw anhte a yubak mara ni hpe raw dat ya ai lam nan rai nga ai.

KOLOSE 1:20

Dai rai nna, Karai Kasang gaw ninggawn tawa nga yawng nga pra ting shi hte mahku mara bai rai wa u ga, myit daw dan da nu ai. Karai Kasang gaw wudang ntsa e ap nawng si hkam ai Kasha a asai hte mahku mara simsa lam galaw nhtawm, sumsing lamu hte ginding aga e nga ai yawng mayawng hte hpe shi hpang de woi la wu ai.

HEBRE 13:12

Ndai lam a majaw, Yesu mung shi a asai hte masha ni hpe yubak mara kaw na jasan jaseng la na matu mare shinggan e si hkam nu ai.

HEBRE 9:22

Jep ai Tara hte maren nga yang, arai yawng ganoi mahkra hpe asai hte jasan jaseng kau lu nga ai rai nna, asai ru hkaw yang sha yubak mara ni hpe raw dat kau ya nga ai.

1 PETRU 1:2

Shi a Wenyi hta chyoi pra ai amyu masha shatai la nna, Yesu Hkristu a ga madat mara na hte shi a sai hte shachyoi shapra la na matu Kawa Karai Kasang a moi kaw nna shatawng shada da sai hte maren nanhte hpe lata la manit dai. Chyeju hte ngwi pyaw ai gaw nanhte hta hpring tsup nga malit ga law.

1 YAWHAN 1:7

Rai ti mung shi gaw nhtoi hta nga nga ai zawn, anhte mung Nhtoi hta asak hkrung hkawm sa nga ga yang gaw, anhte langai hte langai shada da kanawn mazum ai ni rai nga ga ai hte shi Kasha Yesu a asai gaw anhte hta na yubak nlang hte hpe jasan jaseng kau ya mi ai.

1 YAWHAN 2:2

Yesu Hkristu shi nan, anhte a yubak mara a matu mara gawng malai hkungga rai nga ai rai nna, shi a marang e anhte a yubak mara ni hpe raw dat kau ya mi ai hta n ga, masha shagu a yubak mara hpe mung raw dat kau ya sai.

SHINGRAN 1:5

Kangka re ai sakse wa, si mat ai ni hta na shawng numshawn hkrung rawt wa ai wa, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwi pyaw ai gaw nanhte hta anga nga malit ga law. Anhte hpe tsaw ra nna, shi hkum nan hpe hkungga nawng si hkam ai hte anhte a yubak kaw na raw dat mi ai hte,