JAW JAU 17:10 - Jinghpaw Common Language Bible 2009

¹⁰ Israela masha kadai rai ti mung, shanhte kaw nga nang ai masha ni kadai rai ti mung, asai hte ashan hpe kayau sha ai rai yang dai Madu gaw shi hpe ate nna shi a amyu masha ni hta na sumri dan kau na rai wu ai.

Jinghpaw Hanson Version Bible

¹⁰ Israela kashu kasha ni hta na rai timung, nanhte kaw shingbyi nga ai amyu kaga ni hta na rai timung, marai langai ngai lama ma a sai lusha ai rai yang gaw dai wa hpe ngai ate nna, shi a amyu hta na sumri dan kau ya na we ai.

JAW JAU 17:10 ပူးပေါင်းရင်းမြစ်များ

NINGPAWT NINGHPANG 9:4

Lam langai mi gaw asai naw rawng ai ashan hpe nanhte sha lu na myit dai n rai; dai asak gaw asai hta rawng nga ai majaw ndai lam hpe ngai hkum da nngai.

2 SAMUELA 23:17

Madu e, ndai ntsin hpe ngai galoi mung n lu na sai! Asak dan ai masha ni a asai hpe lu ai zawn tai na ra ai!,” ngu nna tsun wu ai. Dai rai nna shi gaw dai ntsin n lu hkraw nga ai. Dai gaw gumhkawng ai hpyenla masum hte a share shagan sat lawat kumla ni rai nga ai.

SHAKAWN KUNGDAWN 34:16

Rai ti mung, n hkru n shawp ai amu galaw ai ni hpe shi hkum shingdang nga ai; shing rai, shanhte si wa ai shaloi, shanhte gaw alawan sha, malap kau ai hkrum nga ma ai.

PRU MAT 30:33

Dai hte shabung nna galaw ai wa kadai mung, hkinjawng n re ai wa hpe ru bun na matu lang ai wa kadai mung, nye a amyu masha ni hta na sumri dan kau ai hkrum na rai wu ai,’” ngu nna tsun wu ai.

YEREMIA 21:10

Ngai gaw ndai mare hpe n shangam da na matu nye a myit hpe daw dan ni ai; ndai mare hpe jahten shabyak kau na we ai. Dai mare gaw Babelon Hkawhkam a lata de ap kau ai hkrum na ra ai; shi gaw dai hpe ga du hkra nat kau na ra ai. Dai Madu ngai nan tsun ni ai.”

YEREMIA 44:11

Dai rai nna, Chyahtum Chyalai N-gun Rawng ai dai Madu Israela a Karai Kasang ngai gaw nanhte hpe kayin ninghkap nna Yuda amyu ting hpe jahten kau na nngai.

EZEKELA 14:8

Ngai nang hpe ninghkap na nngai. Ngai nang hpe kasi shatai kau na nngai. Ngai gaw nang hpe nye a amyu masha ni a hpawng kaw nna shapraw kau na we ai; ngai gaw dai Madu rai nga nngai hpe nanhte chye lu na rai myit dai.

EZEKELA 15:7

shanhte hpe ari jaw na we ai. Shanhte gaw wan mang mi kaw na lawt lu ti mung, wan mang mi gaw shanhte hpe hkru kau na ra ai. Ngai shanhte hpe ari jaw ai shaloi, ngai nan dai Madu rai nga nngai hpe nanhte chye lu na rai myit dai.

EZEKELA 33:25

Tsaw Htum ai dai Madu ngai tsun nga ai ga shanhte hpe ning ngu htawn tsun u: Nanhte gaw sai hte hpawn ashan sha nga myit dai. Nanhte gaw hpara sumla ni hpe nawku nga myit dai. Nanhte gaw masha sat ai amu hpe mung shut hpyit nga myit dai. Nanhte gaw ndai mungdan hpe madu lu na re ngu myit nawn nga myit ni?

EZEKELA 44:7

Nye a matu ngu nna sau man hte shagu hkungga asai ni hpe nawng ya myit dai shaloi, nye a ga n madat n mara ai maigan masha ni ngu ai matu n gadoi ai ni hpe jashawn nna nye a Nawku Htingnu hpe awu asin di kau nga myit dai. Dai rai nna nye a amyu masha ni gaw shanhte galaw kau sai matsat shabat amu ni yawng a jaw e, nye a ga shaka hpe jahten kau manu ai.

JAW JAU 17:11

Hkrung mahkrung shagu a asak gaw asai hta rawng nga ai rai nna dai Madu hkang da sai hte maren amyu masha ni a yubak hpe htingrai na matu tawn hkungri ntsa e asai yawng ru hkaw na rai wu ai. Asak rawng ai asai chyu sha yubak mara ni hpe la kau ya lu nga ai.

JAW JAU 19:26

“Asai naw rawng ai shan lusha hpe sha lu na myit dai n rai. Mandan lakle bau ai amu hpa mung nanhte hkan galaw lu na myit dai n rai.

JAW JAU 26:17

Ngai gaw nanhte hpe myi man kayin kau da na made ai, shaloi nanhte sum mat na marin dai. Nanhte hpe n dawng n yawt ai ni mahtang nanhte a ntsa e up na mara ai; nanhte hpe kadai n hkan shachyut ti mung hprawng nna grai hkrit gari mat na rai myit dai.

JAW JAU 3:17

Israela amyu masha ni kadai mung sau man hte asai sha lu na n rai; dai gaw Israela amyu masha ni yawng shanu nga ai shara shagu hta prat tup hkan galaw shadik shatup na hkang da ai ga matsun rai nga ai.

AMO LAIKA (AMOS) 9:4

Shanhte gaw shanhte a gumlau hpyen ni a lata hta rim hkrum mat wa ai rai yang, sat kau na matu ngai shanhte hpe aming jaw na nngai. Ngai gaw shanhte hpe karum na matu n rai, shanhte hpe shamyit kau na matu daw dan da nga nngai.

KASA 15:20

Hpara sumla ni hpe nawng jau tawn ai n san n seng ai lusha ni sha ai lam, n se n sa ndaw liknga lam, du manat sat ai shan hte asai re ai ni hpe koi gam na lam shanhte hpe laika langai mi ka nna tsun shana mai ai ngu nna ngai myit da we ai,

KASA 15:29

Ndai lam ni hpe nanhte koi gam nga myit yang nanhte a matu mai kaja ram ging na malit dai. Hkam kaja nga myit ga law,” nga ai.

TARA JAHPRANG 12:16

Shing ngu ti mung asai hpe lusha zawn lang lu na n rai; hka hpe zawn dai sai hpe ga de ru hkaw na rai myit dai.

TARA JAHPRANG 12:23

Asai hta asak rawng nga ai majaw asai naw rawng ai ashan hpe chyu sha n sha lu na rai myit dai. Dai re ai majaw asak hpe ashan hte rau nanhte sha lu na n rai.

TARA JAHPRANG 15:23

Rai ti mung dai ni a asai hpe lusha hku mai lang na n rai; shing rai na malai hka hpe zawn ga de ru hkaw kau na rai myit dai.

HEBRE 10:29

Dai rai yang gaw, Karai Kasang a Kasha hpe n kaw n law di kau ai wa, tinang hkum hpe yubak mara kaw na shachyoi shapra la ai Karai Kasang a ga shaka hte seng ai asai hpe hpa n nawn, ahpa atang re ai arai shatai ai wa, chyeju jaw ya ai Wenyi hpe roi n ra re ai wa gaw kaning rai na kun? Shi hkrum sha ging ai ari gaw gade grau sawng na kun? She myit yu mu!

1 SAMUELA 14:32

gumlau hpyen ni kaw na shanhte kashun la lu ai sagu hte dumsu kasha ni hpe dai shara hta nan sat tawn nhtawm shan hte asai katsing hprap hprap sha ma ai.

1 SAMUELA 14:33

Shaloi, “Yu mu, ndai amyu masha ni gaw sai rawng ai shan katsing sha nna dai Madu hpe shut kau manu ai,” ngu nna Shawlu hpe tsun dan mu ai. Shawlu gaw, “Nanhte gaw ga lale ai ni she rai nga myit hka! Ndai yang e nlung kaba langai galau tawn da ya mi!,” ngu nna jahtau tsun wu ai.