JAW JAU 16:8 - Jinghpaw Common Language Bible 2009

⁸ Arun gaw nlung lahkawng hpe, “Dai Madu a matu,” bai langai mi hpe, “Azazela a matu,” ngu nna masat shakap nhtawm hpaida da na rai wu ai.

Jinghpaw Hanson Version Bible

⁸ Bai Arun gaw dai bainam lahkawng hpe, Yehowa a matu langai mi, dat kau na matu langai mi di nna, hpaida hte lata na rai wu ai.

JAW JAU 16:8 ပူးပေါင်းရင်းမြစ်များ

GA SHAGAWP 16:33

Masha ni gaw Karai Kasang a myit ra ai lam hpe sharin la na matu hpaida da nga ma ti mung; Karai Kasang shi nan dai mahtai hpe daw dan ya nga ai.

EZEKELA 48:29

Tsaw Htum ai dai Madu gaw, “Ndai gaw Israela amyu bawsang ni kaning rai garan la nna madu la na mungdaw ni a lam rai nga ai,” ngu nna tsun wu ai.

JAW JAU 16:10

Azazela a matu lata san da ai bainam hpe dai Madu hpang de jahkrung nawng ya nhtawm amyu masha ni a yubak gun kau ya na matu Azazela nga ai nam mali de dat kau dat na rai wu ai.

JAW JAU 16:26

Azazela nam mali de bainam gawt kau dat ai wa mung dap de garai n shang wa yang shi a hpun palawng hkrut kau nna hka shin na rai wu ai.

JAW JAU 16:7

Dai hpang shi gaw dai Madu a hpung shingkang shanu nga ai Sum a shang wa chyinghka lam de bainam lahkawng la sa na rai wu ai.

JAW JAU 16:9

Arun gaw dai Madu a matu hpaida hte lata la ang ai bainam hpe htingrai hkungga shatai nna nawng ya na rai wu ai.

YONA 1:7

Sanghpaw masha ni gaw shanhte shada da, “Anhte hpe ndai tsin-yam tsindam hkrum shangun ai wa gaw kadai rai nga ai hpe mara shagun lu na matu hpaida da nna tam yu ga,” nga nna tsun hkat ma ai. Shanhte dai hku galaw ma yang, Yona hta ang wa nga sai.

BU HKAWM 33:54

Amyu bawsang hte lakung lama dap hkan nna hpaida da nhtawm lamu ga karan la na rai myit dai; law ai lakung lama ni hpe law ai sali ga, n law ai lakung lama ni hpe n law ai sali ga jaw na rai myit dai.