JAW JAU 16:6 - Jinghpaw Common Language Bible 2009

⁶ Shi gaw shi hte shi a dinghku masha ni a yubak mara ni hpe la kau ya na matu usu hpe shagu hkungga shatai nna nawng jau na rai wu ai.

Jinghpaw Hanson Version Bible

⁶ Shing rai Arun gaw shi hte seng ai, shi a htingrai hkungga a usu nawng jau nna, shi hte shi a nta masha ni a matu htingrai htingrat na rai wu ai.

JAW JAU 16:6 ပူးပေါင်းရင်းမြစ်များ

YOBA 1:5

Lusha poi ngut ai hpang e, Yoba gaw jau jau rawt nna shi a ma ni hpe jasan jaseng na nga, shanhte langai hte langai a matu shagu hkungga ni nawng ya wu ai. Shi gaw shanhte hta na marai langai ngai Karai Kasang hpe n dum shami n kaw n law di kau let shut hpyit kau mai nga ai nga nna myit nawn la nga wu ai majaw dai lam hpe shi galoi mung galaw nga ai.

EZEKELA 43:19

Ngai hpe daw jau na matu nye a man de shang na ni gaw Lewi amyu bawsang, Zadok a matu mara hkinjawng ni rai lu na lam, Tsaw Htum ai dai Madu ngai nan hkang da ni ai. Nanhte gaw mara raw hkungga a matu nawng jau ya na usu uram langai mi shanhte hpe ap ya na rai myit dai.

EZEKELA 43:27

Laban bat mi lai ai hpang, tawn hkungri ntsa e, amyu masha ni a wan nat hkungga hte mahku hkungga ni hpe hkinjawng ni nawng jau hpang wa ra nga ma ai. Dai shaloi, ngai nanhte yawng hpe awng sharawng wa na nngai. Tsaw Htum ai dai Madu ngai nan tsun ni ai.”

JAW JAU 16:3

Shi gaw htingrai hkungga a matu usu langai, wan nat hkungga a matu sagu la langai la sa ngut ai hpang chyu sha dai Chyoi Pra Htum ai Shara de shi shang mai na rai wu ai,” ngu nna tsun wu ai.

JAW JAU 16:7

Dai hpang shi gaw dai Madu a hpung shingkang shanu nga ai Sum a shang wa chyinghka lam de bainam lahkawng la sa na rai wu ai.

JAW JAU 9:7

Dai hpang shi gaw Arun hpe, “Tawn hkungri de sit sa nhtawm nang hte amyu masha ni a yubak mara ni la kau ya na matu, htingrai hkungga hte wan nat hkungga ni nawng ya na rai ndai. Dai Madu hkang da sai hte maren amyu masha ni a yubak mara hpe la kau ya na matu, dai hkungga nawng jau na rai ndai,” ngu nna tsun wu ai.

HEBRE 7:27

Shi gaw kaga hkinjawng agyi ni zawn shawng e tinang lu ai yubak mara ni a matu shani shagu hkungga nawng ya ra ai n rai. Shi gaw shi hkum nan hpe hkungga shatai nna nawng ya ai shaloi kalang mi hte ngut hkra nawng kau nu ai.

HEBRE 9:12

Hkristu gaw Chyoi Pra Htum ai Shara kata de kalang mi hte ngut hkra shang ai shaloi, hkungga nawng na matu bainam sai, usu sai n la shang ai sha, shi nan a asai hte shang nna anhte a matu htani htana hkye hkrang la ai lam lu la nu ai.

HEBRE 9:7

Rai ti mung sum kata maga na shara de chyawm gaw hkinjawng agyi kaba wa hkrai sha tinang nan a matu mung, masha ni a n dum n chye nna shut ai mara a matu mung, nawng ya ai asai lang let laning mi hta e lang mi sha, shang lu ai.