JAW JAU 16:4 - Jinghpaw Common Language Bible 2009

⁴ Dai hpang dai Madu gaw hkan sa na ga matsun ni jaw ya wu ai. Arun gaw dai Chyoi Pra Htum ai Shara de garai n shang yang hka shin nna hkinjawng hpun palawng bu hpun let lachyit palawng galu, labu kadun, shingkyit hte bunghkaw ni sumraw bu hpun na rai wu ai.

Jinghpaw Hanson Version Bible

⁴ Dai chyoi pra ai sumpan palawng, sumpan bu hkung bu hpun nna, sumpan shingkyit kyit, sumpan bunghkaw hkaw rai na rai wu ai: dai gaw chyoi pra ai hpun palawng ni rai nga ai; shi hkum hka shin kau nna she dai hpe bu hpun na rai wu ai.

JAW JAU 16:4 ပူးပေါင်းရင်းမြစ်များ

PRU MAT 28:2

Na a nhpu Arun hta arawng sadang hte hpung shingkang hpraw ningja htap nga na matu hkinjawng hpun palawng galaw ya na rai ndai.

PRU MAT 29:4

“Nye a hpung shingkang shanu nga ai Sum chyinghka de Arun hte shi a shadang sha ni hpe woi sa nna htung lai hte maren, hka shin na shanhte hpe tsun u.

PRU MAT 30:20

shanhte gaw Sum kata de garai n shang yang mung, lusha hkungga nawng jau na matu tawn hkungri de garai n shanang sa yang mung lang na rai ma ai. Shaloi shanhte sat kau ai hkrum na ma ai n rai.

PRU MAT 40:12

“Arun hte shi a shadang sha ni hpe mung Sum a shang wa chyinghka lam de woi shang wa nna, htung hte maren hka shin na rai ma ai.

ESAIA 53:2

Dai gaw dai Madu a myit ra ai hku galaw nga sai shi a shangun ma rai nna shi gaw hkun hkraw ai lamu ga hta ru ru ai hkai bawng zawn tu nga ai. Shi hta sari sadang n nga, tsawm htap ai mung n nga, shi hpe yu matsing na zawn re ai nsam n nga nga ai. Shi hpe yu tsaw ra na zawn re ai myi man ningchya hpa mung n nga nga ai, anhte a myit hpe gang la lu ai yu ra shingni shi hta hpa mung n nga nga ai.

EZEKELA 44:19

Amyu masha ni nga ai shinggan wang de shanhte garai n pru sa yang, Nawku Htingnu kata daw jau yang bu hpun ai hpun palawng shawng raw kau nna dai ni hpe chyoi pra ai gawk ni hta tawn da lu na rai ma ai. Shanhte a chyoi pra ai hpun palawng ni a jaw e, amyu masha ni hta machyi n hkrum u ga, shanhte gaw kaga hpun palawng ni hpe bu hpun ra nga ma ai.

EZEKELA 9:2

Yu mu, Nawku Htingnu a dingdung maga na shinggan chyinghka lam kaw nna marai kru kalang lata rawt pru wa nhtawm shanhte langai hte langai hta hpyen laknak ni lang da nga ma ai. Shanhte hte rau lachyit nba lawai nna laika ka na matu arai lama ma lang ai wa mung lawm nga ai. Shanhte yawng sa nna magri mang hkungri e tsap nga ma ai.

JAW JAU 16:23

Arun gaw Sum kata de shang nna Chyoi Pra Htum ai Shara de garai n shang yang shi hpun ai hkinjawng hpun palawng ni hpe raw kau nhtawm dai shara hta tawn da na rai wu ai.

JAW JAU 16:24

Shi gaw chyoi pra ai shara hta hka shin nhtawm shi a bu hpun palawng hpun na rai wu ai. Dai hpang shi pru sa nna shi hte amyu masha ni a tawt lai ai yubak mara ni hpe la kau ya na matu wan nat hkungga nawng ya wu ai.

JAW JAU 16:32

Kawa a hkringhtawng dagraw na matu aya dang hkam la ai hte ap nawng da ai Hkinjawng Kaba wa mung jasan jaseng ai amu galaw na rai wu ai. Hkinjawng hpun palawng ni bu hpun nna,

JAW JAU 6:10

Dai hpang hkinjawng wa gaw shi a lachyit palawng galu hte labu kadun la nna tawn hkungri ntsa e hkru ngam nga ai wan wu magawn la nhtawm tawn hkungri makau e tawn da na rai wu ai.

JAW JAU 6:3

shing n rai mat mat ai arai lama ma a majaw masu hkalem ai, arai n mu tam la sai ngu nna dagam let dai Madu hpe yubak galaw hkrup ai hte,

LUKA 1:35

Dai lamu kasa gaw, “Chyoi Pra ai Wenyi na a ntsa e du nna, Karai Kasang a atsam nang hpe shingnip ka-up na ra ai; dai re ai majaw, shangai wa na ra ai wa hpe Karai Kasang a Kasha ngu nna shamying ai hkam la na ra ai.

HPILIPI 2:7

De a malai, apyaw alaw sha hte, shi lu malu hpe shagawm kau nna, mayam a gawng shingyan hpe dagraw la let, shinggyim masha zawn shangai wa nna, masha a hpraw nsam hte dan pru wa sai.

HEBRE 10:22

Dai re ai majaw anhte gaw mara lu dum ai kraw lawang ni hpe shachyoi shapra kau nna, anhte a hkum hkrang hpe mung san seng ai ntsin hte kashin kamun kau ngut jang, n shut n shai hkrak re ai makam masham hte Karai Kasang hpang de sit shani shang wa ga.

HEBRE 2:14

Kasha ni ngu nna shi shanhte hpe shamying wu ai hte maren, asai ashan dagraw ai masha ni rai nga ma ai. Yesu shi hkum nan mung shanhte zawn asai ashan dagraw ai shinggyim masha hkum hkrang rau rum hkam la wu ai. Shing rai hkam la ai lam gaw si hkrung si htan hpe up ai nat wa a atsam hpe jahten shabyak kau na matu rai nga ai.

HEBRE 7:26

Dai rai nna Yesu gaw anhte hta byin nga ai ra kadawn ai lam ni hpe karum kapa ya ai, anhte a matu hkrak ai Hkinjawng Agyi Kaba wa rai nga ai. Shi gaw chyoi pra san seng nna shi hta shut ai lam shing n rai yubak mara hpa mung n rawng nga ai; shi gaw yubak lu ai ni hta n lawm ai sha ginhka la nna sumsing lamu du hkra shagrau shatsaw da hkrum ai wa rai nga ai.