JAW JAU 15:6 - Jinghpaw Common Language Bible 2009

⁶ shi dung ai shara hta hkan dung ai wa kadai mung tinang a hpun palawng hpe hkrut kau nna hka shin na rai wu ai. Shi gaw shana de du hkra n san n seng naw rai nga ai.

Jinghpaw Hanson Version Bible

⁶ Ari ri ai wa dung ai hkang sa dung ai wa mung, hpun palawng hkrut nna hka shin na rai wu ai; shana de du hkra mung n san n seng rai nga ai.

JAW JAU 15:6 ပူးပေါင်းရင်းမြစ်များ

ESAIA 1:16

Nanhte a hkum ni hpe asan aseng kashin kau mu. Ngai mu mada ai nanhte galaw nga ai n hkru ai amu ni yawng hpe jahkring kau mu. Rai sa, n hkru ai amu galaw ai hpe kau da ai hte

JAW JAU 11:24

Dusat si mang hkra ai wa kadai mung shana de du hkra n san n seng nga ai. Dai ni gaw lahkru rawng ai dusat yam nga ni yawng hta lahkru n ga ai, shat lai n lai ai hte lagaw mali hta lahpan tu ai yam nga ni yawng rai nga ai. Si mang hpai kau ai wa kadai mung shi a hpun palawng ni hpe hkrut kau lu na rai nga ai; rai ti mung shi gaw shana de du hkra naw n san n seng nga ai.

JAW JAU 15:5

Shi a yup ra sa hkra ai wa kadai mung shing n rai,

JAW JAU 15:7

Dai masha wa hpe hkra ai wa kadai mung dai ari ana a majaw tinang a hpun palawng hkrut kau nna hka shin lu na rai wu ai. Dai gaw shana de du hkra n san n seng naw rai nga ai.

BU HKAWM 19:22

N san n seng ai wa hkra ai arai hpa mung n san n seng nga ai; dai arai hkra ai wa kadai mung shana de du hkra n san n seng naw rai nga ai.

YAKU 4:8

Karai Kasang hpang de sit sa wa mu; shaloi shi nanhte hpang de sit wa na ra ai. Yubak lu ai ni e, nanhte a lata ni hpe jasan jaseng da mu. Sawt ai ni e, nanhte a myit masin kraw lawang ni hpe jasan jaseng da mu.