JAW JAU 14:9 - Jinghpaw Common Language Bible 2009

⁹ Dai sanit ya shani e, shi a baw kara hpe mung, nhka mun hpe mung, myi kaw mun hte kaga shi a hkum hta tu ai mun yawng mayawng hpe bai shangun kau ai hte shi a hpun palawng ni hpe hkrut kau nhtawm hka shin kau na rai wu ai. Shi gaw htung hte maren san seng na rai wu ai.

Jinghpaw Hanson Version Bible

⁹ Dai sanit ya du ai shani e shi a kara hte nhka mun, myi kaw mun re ai hkum na mun yawng shangun kau nhtawm, shi a hpun palawng hkrut kau nna, hkum shin ai hte san seng na ra ai.

JAW JAU 14:9 ပူးပေါင်းရင်းမြစ်များ

JAW JAU 14:20

dai hte rau shadung hkungga hpe tawn hkungri hta nawng ya na rai wu ai. Ndai hku nna hkinjawng wa gaw jasan jaseng ai amu hkan shatsup ya ai hte dai masha wa mung htung hte maren san seng mat na rai wu ai.

JAW JAU 14:8

Dai masha wa mung shi a hpun palawng ni hpe hkrut nna shi a kara ni yawng hpe shangun kau nhtawm hka shin na rai wu ai. Shi gaw htung hte maren san seng wa lu na rai wu ai. Dai hpang shi gaw dap de shang mai nga ti mung, shi a sum shinggan e sanit ya tup naw nga nga na rai wu ai.

BU HKAWM 6:9

Shi a makau e masha langai ngai akajawng sha si mat ai majaw Nazari wa a ap nawng da sai kara awu asin byin mat yang, nhtoi sanit ya tup shalai kau ngut ai hpang rep shangun lu na rai wu ai. Shaloi shi gaw htung hte maren san seng ai wa tai wa na ra ai.

BU HKAWM 8:7

jasan jaseng ai hka hte shanhte hpe lapri bun nna shanhte a hkum ting na mun shangun kau na hte hpun palawng ni hpe hkrut kau na lam tsun u. Dai hpang shanhte san seng wa na mara ai.

TARA JAHPRANG 21:12

shi hpe na a nta de woi wa let, shi a kara shangun, lamyin matep, hpun palawng galai kau ya na rai ndai.