JAW JAU 14:8 - Jinghpaw Common Language Bible 2009

⁸ Dai masha wa mung shi a hpun palawng ni hpe hkrut nna shi a kara ni yawng hpe shangun kau nhtawm hka shin na rai wu ai. Shi gaw htung hte maren san seng wa lu na rai wu ai. Dai hpang shi gaw dap de shang mai nga ti mung, shi a sum shinggan e sanit ya tup naw nga nga na rai wu ai.

Jinghpaw Hanson Version Bible

⁸ Jasan jaseng la ai wa gaw tinang a hpun palawng hkrut nna, shi a kara akrin atsai shangun kau nhtawm, hka shin na rai wu ai: shaloi shi san seng na ra ai: dai hpang dap de shang lu na ra ai, rai timung shi a sum shinggan e sanit ya tup naw nga nga na rai wu ai.

JAW JAU 14:8 ပူးပေါင်းရင်းမြစ်များ

2 HKAWHKAM LABAU 26:21

Hkawhkam Uzia gaw shi a manggang ana a majaw ngam nga ai shi a prat tup htung hte maren n san n seng rai mat wu ai. Shi gaw Nawku Htingnu kata de bai n shang lu nu ai majaw shi a nta e sha a nga nga mat wu ai. Dai rai nna shi a kasha Yohtam mungdan up hkang nga ai hte yang, bungli lit ni yawng hta na hkyamsa ai hku nga nga wu ai.

PRU MAT 19:10

dai Madu gaw shi hpe, “Amyu masha ni hpang de yu wa nhtawm nawku na matu shanhte a hkum ni hpe dai ni, hpawt ni jasan jaseng na shanhte hpe tsun u. Shanhte gaw shanhte a hpun palawng ni hpe hkrut lu na rai nna,

PRU MAT 19:14

Dai hpang Mawshe gaw bum de na yu hkrat wa nhtawm nawku na matu jin jin rai nga na lam, amyu masha ni hpe tsun wu ai. Dai re ai majaw, shanhte mung tinang a hpun palawng ni hpe hkrut shajang ma ai.

JAW JAU 14:20

dai hte rau shadung hkungga hpe tawn hkungri hta nawng ya na rai wu ai. Ndai hku nna hkinjawng wa gaw jasan jaseng ai amu hkan shatsup ya ai hte dai masha wa mung htung hte maren san seng mat na rai wu ai.

JAW JAU 14:9

Dai sanit ya shani e, shi a baw kara hpe mung, nhka mun hpe mung, myi kaw mun hte kaga shi a hkum hta tu ai mun yawng mayawng hpe bai shangun kau ai hte shi a hpun palawng ni hpe hkrut kau nhtawm hka shin kau na rai wu ai. Shi gaw htung hte maren san seng na rai wu ai.

JAW JAU 15:13

Ari ana kap ai wa mai wa yang, shi hpe sanit ya tup la yu nna shi a hpun palawng hkrut kau nhtawm hka hpawk hta shin na rai wu ai, shaloi shi san seng wa na ra ai.

JAW JAU 8:6

Mawshe gaw Arun hte shi a shadang sha ni hpe shawng de woi sa wa nhtawm hka shin na matu tsun wu ai.

BU HKAWM 6:9

Shi a makau e masha langai ngai akajawng sha si mat ai majaw Nazari wa a ap nawng da sai kara awu asin byin mat yang, nhtoi sanit ya tup shalai kau ngut ai hpang rep shangun lu na rai wu ai. Shaloi shi gaw htung hte maren san seng ai wa tai wa na ra ai.

BU HKAWM 8:7

jasan jaseng ai hka hte shanhte hpe lapri bun nna shanhte a hkum ting na mun shangun kau na hte hpun palawng ni hpe hkrut kau na lam tsun u. Dai hpang shanhte san seng wa na mara ai.

TARA JAHPRANG 21:12

shi hpe na a nta de woi wa let, shi a kara shangun, lamyin matep, hpun palawng galai kau ya na rai ndai.

1 PETRU 3:21

Dai hka hta na zawn, dai hka lup ngu ai kumla gaw ya e nanhte hpe hkye hkrang la lu nga ai. Dai gaw hkum shan hta e kap ai matsat shabat hpe sharun kau na lam n rai; myit masin asan sha hte Karai Kasang a man e ga sadi tawn da ai lam rai nga ai. Si ai kaw na Yesu Hkristu bai hkrung rawt wa ai a marang e nanhte gaw hka lup hkam la ai hte hkye hkrang la ai hkrum manit dai.

SHINGRAN 7:14

Ngai gaw, “Nye a Madu e, ngai n chye nngai, nang gaw chye nga ndai,” ngu nna htan we ai. Shaloi shi gaw, “Shanhte gaw hkrit hpa zingri zingrat hkrum ai kaw na lawt pru wa ai masha ni rai nga ma ai. Shanhte gaw tinang a hpun palawng ni hpe dai Sagu Kasha a asai hta hkrut jahpraw la manu ai.