JAW JAU 14:3 - Jinghpaw Common Language Bible 2009

³ hkinjawng wa mung shi hpe dap shinggan de woi mat wa nna jep yu na rai wu ai. Dai ana ahkya mai tsai sai rai yang,

Jinghpaw Hanson Version Bible

³ hkinjawng wa gaw dap shinggan de pru nhtawm, yu yu wu yang, dai wa a manggang mai sai rai yang gaw,

JAW JAU 14:3 ပူးပေါင်းရင်းမြစ်များ

2 HKAWHKAM 5:14

Dai rai nna Naman gaw Yawdan hka de yu sa nna shi hpe Elisha matsun ai hte maren, shi hkum hpe sanit lang tsing dat wu yang tsep kawp shamai shatsai ai hkrum wu ai. Shi a hkum shan mung ma kaji a hkum zawn ting ting hkang hkang rai hkam kaja wa nga ai.

2 HKAWHKAM 5:3

Lani mi na aten hta, shi gaw shi a nta madu jan hpe, “Nye a madu wa gaw Samari mare e nga ai myihtoi wa kaw sa lu na hpe ngai sharawng nngai law! Shi a ana ahkya hpe dai myihtoi wa shamai ya na wu ai,” ngu nna tsun dan wu ai.

YOBA 5:18

Karai Kasang gaw nang hpe machyi hkra shangun tim ningma ni hpe ahkyen kayawp ya nga ai; shi a lata hte nang hpe machyi hkra ti mung, shi a lata hte shamai shatsai ya nga ai.

PRU MAT 15:26

Shi gaw, “Nye a hkang da ai ga ni hpe shadik shatup nna, ding man ai hku galaw ai hte nye a ga matsun hpe tsep kawp madat mara hkan sa myit dai rai yang chyawm gaw Egutu masha ni hta ngai shakap ai ana ahkya hpa hte mung, nanhte hpe ngai ari jaw na made ai n rai. Ngai gaw nanhte hpe shamai ya ai dai Madu rai nga nngai,” ngu nna tsun wu ai.

JAW JAU 13:2

Marai langai ngai shi a hpyi hta ningma hpye ai rai yang mung, shakrwi tu ai rai yang mung, kahtet kaba kau nna manggang maga gale mat wa ai rai yang mung shi gaw Arun hte shi a shadang sha hkinjawng ni hpang de sa na rai wu ai.

JAW JAU 13:46

Shi hta ana kap nga dingsa n san n seng nga ai rai nna dai shinggan kaga masha ni hte tsan ai shara hta nga nga na rai wu ai.

JAW JAU 14:48

Dai nta hpe ing gade nnan chya ngut ai hpang, hkinjawng wa sa yu yang nshu lamu n jat wa sayang gaw nshu lamu tsep kawp la kau sai majaw nta dai hpe san seng sai ngu na rai nga ai.

MAHTE 10:8

Machyi makaw hkrum ai ni hpe shamai ya mu; si mat ai ni hpe sharawt dat mu; manggang kap ai ni hpe jaseng ya mu; nat ni hpe shaden kau mu; jahpu n jaw ai sha nanhte lu la manit ai rai nna jahpu n hpyi ai sha she jaw ya mu.

MAHTE 11:5

Myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai, matsan mayan ni a matu Kabu Gara Shiga hkaw dan nga ai.

LUKA 4:27

Myihtoi Elisha a prat hta mung, Israela amyu hta manggang kap ai masha law law nga ma ai, rai ti mung, shanhte hta na langai mi mung san pra wa lu ai n rai; Suri masha Naman ngu ai wa chyu sha pra wa lu ai,” ngu mu ai.

LUKA 7:22

Yawhan a kasa yan hpe shi htan mu ai gaw, “Wa nna Yawhan hpe, nan mu lu, na lu ai lam ni tsun dan mu, myi n mu ai ni myi bai mu lu ma ai; Lagaw hten ai ni bai hkawm sa ma ai; manggang kap ai ni san pra wa lu ma ai; na lahpang ai ni na lu ma ai; si mat ai ni sharawt la ai hkrum ma ai; matsan mayan ni hpe Kabu Gara Shiga hkaw dan nga ai.