JAW JAU 13:6 - Jinghpaw Common Language Bible 2009

⁶ Sanit ya nhtoi bai du ai shani hta hkinjawng wa shi hpe bai jep yu nna shi a hpye ai ningma yawm mat nna n kaba jat wa ai rai yang, hkinjawng wa gaw shi hpe san seng sai ngu nna tsun na rai wu ai. Dai gaw gyi ku ku ai sha rai nna dai wa mung shi a hpun palawng ni hkrut nhtawm san seng wa lu na rai wu ai.

Jinghpaw Hanson Version Bible

⁶ sanit ya bai du ai shani e hkinjawng wa shi hpe bai yu nna, shi a ningma n kaba jat ai sha, loi mi bai majing wa yang gaw, dai wa san seng ai ngu nna dawdan na rai wu ai: dai gaw gyi gu gu ai sha rai nga ai. Shi a hpun palawng shi hkrut nna, san seng na rai nga ai.

JAW JAU 13:6 ပူးပေါင်းရင်းမြစ်များ

1 HKAWHKAM 8:38

ana ahkya hte machyi makaw shanhte hta hkrum sha yang, shanhte a akyu hpyi ga ni hpe madat mara ya u. Na a amyu masha Israela hta na kadai rai ti mung tinang a yawn hkyen ai myit hpe shapraw let ndai Nawku Htingnu de shanhte a lata sharawt nna akyu hpyi ai rai yang,

1 HKAWHKAM 8:45

shanhte a akyu hpyi ga ni hpe madat ya u. Sumsing lamu hta shanhte a hpyi nem ai ga hpe madat ya nhtawm shanhte hpe awng padang ninglaw jaw ya u.

SHAKAWN KUNGDAWN 19:12

Tinang nang a shut ai lam ni hpe kadai wa mung n mu lu nga ai; Madu e, makoi magap da ai yubak mara kaw na mung, ngai hpe hkrang shaw la e!

GA SHAGAWP 20:9

Marai langai ngai, shi gaw shi a yubak mara hta na lawt lu sai nga nna myit masin hta asan sha hte, kadai wa teng teng tsun lu nga a ni?

HPAJI NINGLI 7:20

Ndai ginding aga ntsa hta galoi mung n shut n shai ai sha, aten shagu jaw hkrak ai hku amu galaw lu ai masha n nga nga ai.

ESAIA 42:3

Shi gaw magaw ai mai-aw hpe shadaw na n rai, kachyi mi sha tu ai wan kawk hpe gawut sat na n rai. Shi gaw agrin nga ai teng man rap ra ai tara hpe yawng mayawng a man e shapraw dan na ra ai.

JAW JAU 11:40

Si mang dai sha ai wa kadai mung shi a hpun palawng ni hkrut lu na rai wu ai; rai ti mung shi gaw shana de du hkra naw n san n seng nga ai. Dai si mang hpe hpai kau ai wa kadai mung shi a hpun palawng hkrut kau na rai wu ai; rai ti mung shana de du hkra shi naw n san n seng na rai wu ai.

JAW JAU 13:2

Marai langai ngai shi a hpyi hta ningma hpye ai rai yang mung, shakrwi tu ai rai yang mung, kahtet kaba kau nna manggang maga gale mat wa ai rai yang mung shi gaw Arun hte shi a shadang sha hkinjawng ni hpang de sa na rai wu ai.

JAW JAU 13:5

Sanit ya du ai shani e, hkinjawng wa shi hpe bai jep yu nna shi a hpyi shan hta hpye ai ningma n yawm n jat mat ai rai yang, shi hpe sanit ya tup san san bai tawn da na rai wu ai.

JAW JAU 13:7

Rai ti mung hkinjawng wa shi hpe jep yu ngut ai hpang, dai hpye ai ningma naw kaba jat wa ai rai yang chyawm gaw shi gaw hkinjawng wa a man e bai dan pru lu na rai wu ai.

JAW JAU 14:8

Dai masha wa mung shi a hpun palawng ni hpe hkrut nna shi a kara ni yawng hpe shangun kau nhtawm hka shin na rai wu ai. Shi gaw htung hte maren san seng wa lu na rai wu ai. Dai hpang shi gaw dap de shang mai nga ti mung, shi a sum shinggan e sanit ya tup naw nga nga na rai wu ai.

ROMA 14:1

Kam sham ai hta n-gun n ja ai wa hpe hkap hkalum la mu, rai ti mung shi a myit sawn yu ai lam hte seng nna ndang kalang rai dinglun ai lam hkum galaw myit.

2 KORINHTU 7:1

Tsaw ra ai jinghku ni e, ndai ga sadi ni yawng gaw anhte hpe jaw da ai rai nga ai. Dai re ai majaw anhte gaw hkum hkrang hte wenyi hpe awu asin di kau ai matsat shabat nga manga hta na tinang hkum hpe jasan jaseng kau nhtawm Karai Kasang hpe hkrit hkungga let chyoi pra htum ai hku asak hkrung nga ga.

TARA JAHPRANG 32:5

Rai ti mung nanhte mahtang sadi n dung, shi a amyu masha tai na n ging nga myit dai; yubak kap nna masu hkalem ai amyu rai nga myit dai.

HEBRE 10:22

Dai re ai majaw anhte gaw mara lu dum ai kraw lawang ni hpe shachyoi shapra kau nna, anhte a hkum hkrang hpe mung san seng ai ntsin hte kashin kamun kau ngut jang, n shut n shai hkrak re ai makam masham hte Karai Kasang hpang de sit shani shang wa ga.

HEBRE 9:10

Dai lam ni gaw shahpa luhpa hte jasan jaseng ai htung lai amyu myu hte seng nna galaw ai lam ni sha rai nga ai. Dai ni gaw, Karai Kasang e ningnan bai gram lajang na ra ai aprat garai n du ai laman gan tawn da ai ntsa lam hte seng ai hkan sa tara ni rai nga ma ai.

YAKU 3:2

Anhte nga manga hte gaw ya sha ya sha shut chye ga ai. Rai ti mung masha langai mi gaw, shi tsun shaga ai hta galoi mung n shut ai rai yang gaw, dai wa gaw hkum tsup ai wa rai nna shi a hkum hkrang ting hpe hkang lu ai wa rai nga ai.