JAW JAU 12:8 - Jinghpaw Common Language Bible 2009

⁸ Dai numsha mahtang sagu kasha n dang shapraw ai rai yang, ura lahkawng, shing n rai hkrudu lahkawng hpe wan nat hkungga a matu langai, htingrai hkungga a matu langai mi di nna la sa na rai wu ai. Hkinjawng wa gaw shi a n san n seng ai a matu htingrai htingrat ya na rai wu ai; shing rai shi gaw san seng wa lu na rai wu ai.

Jinghpaw Hanson Version Bible

⁸ Sagu kasha n dang yang gaw, u ra lahkawng, shing n rai hkrudu lahkawng, wan nat hkungga a matu langai mi, htingrai hkungga a matu langai mi la sa lu na rai nna, hkinjawng wa gaw shi a matu htingrai htingrat ya na rai wu ai: shaloi shi chyoi pra wa na ra ai, ngu wu ai.

JAW JAU 12:8 ပူးပေါင်းရင်းမြစ်များ

JAW JAU 1:14

U hte wan nat hkungga nawng jau ai rai yang, de a hkungga gaw hkrudu shing n rai ura rai na rai nga ai.

JAW JAU 12:7

Hkinjawng wa mung shi a hkungga hpe dai Madu hpang de nawng ya ai hte shi a n san n seng ai hpe la kau ya nna shi mung san seng wa na rai wu ai. Ndai gaw ma shangai ngut ai hpang na kanu langai hkan galaw na amu ni rai nga ai.

JAW JAU 13:1

Dai Madu gaw ndai hkan sa na tara ni Mawshe yan Arun hpe jaw ya wu ai.

JAW JAU 14:21

Dai masha wa matsan nna loi mi mung n dang di lu ai rai yang, shi a jasan jaseng lam a matu mara raw hkungga shatai na sagu la kasha langai mi hkinjawng wa a matu dai Madu kaw laksan kumhpa hku la sa na rai wu ai. Shi gaw shadung hkungga a matu tsanlun sau hte kayau ai shadung mani pawng lahkawng hte tsanlun sau hpak mi la sa na rai wu ai.

JAW JAU 14:22

Shi gaw hkrudu lahkawng shing n rai ura lahkawng la sa nna htingrai hkungga a matu langai mi, wan nat hkungga a matu langai mi rai na rai nga ai.

JAW JAU 15:14

Matsat ya ngu na nhtoi hta dai wa gaw dai Madu a hpung shingkang shanu nga ai Sum a shang wa chyinghka lam de hkrudu lahkawng shing n rai ura kasha lahkawng la sa nna hkinjawng wa hpe ap ya na rai wu ai.

JAW JAU 15:15

Hkinjawng wa mung htingrai hkungga a matu langai, wan nat hkungga a matu langai shatai nna nawng ya na rai wu ai. Ndai hku nna dai wa a matu jasan jaseng ai amu shi hkan shatsup ya na rai wu ai.

JAW JAU 15:29

Matsat ya du ai shani e, hkrudu lahkawng shing n rai ura lahkawng la nna dai Madu a hpung shingkang shanu nga ai Sum a shang wa chyinghka lam hta hkinjawng wa kaw sa ap ya na rai wu ai.

JAW JAU 4:26

Dai hpang tawn hkungri ntsa hta de a asau ni yawng mara nhtawm mahku hkungga a matu sat nawng ai yam nga sau nat nawng ai zawn nat na rai wu ai. Ndai hku nna hkinjawng wa gaw up hkang du wa a shut hpyit yubak mara a matu shagu hkungga nawng ya ai hte shi a yubak mara mung raw dat ai hkrum na rai wu ai.

JAW JAU 5:11

Hkrudu lahkawng shing n rai ura lahkawng mung n jaw lu ai rai n yang, shi gaw htingrai hkungga shatai na mani ai shadung pawng lahkawng la sa na rai wu ai. Dai gaw shadung hkungga n re ai sha htingrai hkungga rai nga ai majaw de a ntsa e tsanlun sau hte manam pyaw ai baw lawban hpa mung bang mai na n rai.

JAW JAU 5:7

Masha langai ngai gaw sagu shing n rai bainam n lu jaw ai rai yang, shi a yubak raw hkungga shatai na hkrudu lahkawng shing n rai ura lahkawng hpe dai Madu hpang de la sa na rai wu ai; langai mi gaw mara raw hkungga a matu rai nna kaga gaw wan nat hkungga a matu rai na rai nga ai.

MAHTE 21:12

Yesu gaw Nawku Htingnu de shang nna, dai Nawku Htingnu kata e rai dut rai mari rai nga ai ni yawng hpe shaden shapraw kau mu ai rai nna, gumhpraw galai byan ya ai ni a ku ni hte hkrudu dut ai ni a punghkum ni hpe kanawng kadawng shagum kau ya nhtawm,

2 KORINHTU 8:9

Nanhte gaw anhte a Madu Yesu Hkristu a chyeju hpe chye nga myit dai; Madu Yesu gaw shi sut su nga ai rai ti mung, nanhte a matu mara shi hkum nan hpe matsan masha shatai nu ai, shi a matsan mayan hkrum ai a majaw nanhte sut su wa manit dai.