JAW JAU 11:32 - Jinghpaw Common Language Bible 2009

³² Dai si mang ni arai lama ma hta hkrat bang ai rai yang, dai arai mung n san n seng nga ai. Kaning re ai hpun hta mung, sumpan hta mung, shanhpyi hta mung, lachyit sumpan arai ni hte lang ai arung arai lama ma hta hkrat bang ai rai yang, arai dai n san n seng nga ai rai nna shana de du hkra hka hta tsing da na rai myit dai.

Jinghpaw Hanson Version Bible

³² Dai baw si mang hpun ban hkan, hpun nba hkan, shanhpyi rai hkan, lachyit sumpan rai ni hte lang ai arung arai lama ma hta hkrat hkra yang, rai dai gaw n san n seng mat sai rai nna, shana de du hkra hka hta tsing da na rai mu ai: dai hpang san seng na ra ai.

JAW JAU 11:32 ပူးပေါင်းရင်းမြစ်များ

JAW JAU 11:31

Dai ni hte shanhte a si mang ni hpe sa hkra ai wa kadai mung shana de du hkra n san n seng nga ai.

JAW JAU 14:46

Nta naw la da ai laman hte yang, kata de shang ai wa kadai mung shana de du hkra n san n seng nga ai.

JAW JAU 15:12

Dai wa hkra ai ga di bu hpe mung agrawp kau na rai wu ai; shi gaw hpun hte galaw ai ntsin htung sa hkra ai rai yang, dai hpe kashin kau lu na rai nga ai.

JAW JAU 15:15

Hkinjawng wa mung htingrai hkungga a matu langai, wan nat hkungga a matu langai shatai nna nawng ya na rai wu ai. Ndai hku nna dai wa a matu jasan jaseng ai amu shi hkan shatsup ya na rai wu ai.

JAW JAU 16:26

Azazela nam mali de bainam gawt kau dat ai wa mung dap de garai n shang wa yang shi a hpun palawng hkrut kau nna hka shin na rai wu ai.

JAW JAU 17:15

Israela rai ti mung, maigan masha rai ti mung shi hkrai si ai shing n rai matse labye e kawa sat ai si mang hpya sha ai wa kadai mung shi a hpun palawng hkrut kau nna hka shin na rai wu ai. Shi gaw san seng na matu shana de du hkra la ra nga ai.

JAW JAU 22:6

Shing re ai hkinjawng wa gaw n san n seng nga ai rai nna shana de du hkra n san n seng naw rai nga ai. Shi hka shin ngut ai aten du hkra chyoi pra ai hkungga lusha hpa hpe mung sha mai nga ai n rai.

JAW JAU 6:28

Dai shan shadu ai ga di bu hpe chyawm gaw agrawp kau na rai wu ai. Nhprang arai hte galaw ai di lang ai rai yang, dai hpe arut kau nhtawm hka hte kashin kau na rai nga ai.

BU HKAWM 19:15

Sum kata na magap n rawng ai yam hte di bu shagu mung n san n seng rai nga ai.

BU HKAWM 19:7

Dai hpang shi gaw shi a hpun palawng ni hkrut nhtawm shi a hkum shin kau nna dap kata de shang wa mai nga ai; rai ti mung shana de du hkra shi gaw n san n seng naw rai nga ai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

TITU 3:5

anhte gaw hkye hkrang la ai hkrum saga ai. Ndai zawn hkye hkrang la hkrum ai gaw anhte nan shachyen ai mai kaja ding hpring ai magam bungli lama ma a majaw n rai, shi nan a matsan dum ai chyeju a majaw rai nga ai. Dai chyeju gaw Chyoi Pra ai Wenyi kaw na hka hte bai shangai ai hte asak ningnan lu la ai lam rai nga ai.