JAW JAU 10:6 - Jinghpaw Common Language Bible 2009

⁶ Dai hpang Mawshe gaw Arun hte shi a shadang sha yan rai nga ai Eleaza hte Ihtama hpe, “Nanhte sharung shayawt nga myit dai hpe madun dan na matu nanhte a kara hkum hpyan kau myit; nanhte a hpun palawng ni hpe mung hkum gang je kau myit. Dai hku galaw ai rai yang si na rai myit dai. Dai Madu mung shawa hpung ting hpe pawt sindawng na rai wu ai. Dai Madu shangun dat ai wan a majaw byin ai rai nga ai; Rai ti mung kaga nanhte a hpu nau Israela masha ni yawng dai si hkrung si htan a matu sharung shayawt na ahkang lu nga myit dai.

Jinghpaw Hanson Version Bible

⁶ Bai Mawshe gaw Arun hte shi a shadang sha Eleaza yan Ihtama hpe, Nanhte n si wa myit ga hte dai shawa hpung ting a ntsa e Yehowa a pawt ai sindawng n du u ga, nanhte a baw kara hkum hpyan kau myit, palawng mung hkum gang je myit; nanhte a kahpu kanau Israela kashu kasha ni nlang hte gaw Yehowa e dat ai wan hkru lam a majaw hkrap ngu hkrap ngoi rai nga mu ga.

JAW JAU 10:6 ပူးပေါင်းရင်းမြစ်များ

2 SAMUELA 24:1

Dai Madu gaw Israela amyu hpe kalang mi bai masin pawt bu nga ai rai nna, shanhte hpe sharu shatsang shangun na matu, dai Madu gaw Dawi hpe, “Israela hte Yuda masha ni hpe sa hti yu su,” ngu nna tsun wu ai.

EZRA 7:5

Buki gaw Abishua a kasha, Abishua gaw Hpineha a kasha, Hpineha gaw Eleaza a kasha, Eleaza gaw Arun a kasha rai nga ai.

PRU MAT 33:5

Shanhte hpe ning ngu tsun na matu dai Madu gaw Mawshe hpe hkang da nu ai: “Nanhte gaw du ja ai amyu masha ni rai nga myit dai. Nanhte hte rau hkring mi sha pyi ngai hkawm ai rai yang, nanhte hpe atsai awai shamyit kau na mawe ai. Dai re ai majaw nanhte hpe kaning di na ngai daw dan lu n ga, ya jang, dai nanhte a ja lung seng ni raw kau mu.

PRU MAT 6:23

Arun gaw Aminadab a shayi sha, Nashon a kajan Elishaba hpe la wu ai rai nna Arun a matu Nadab, Abihu, Eleaza hte Ihtama hte hpe shangai wu ai.

YEREMIA 7:29

“Yerusalem amyu masha ni e, sharung shayawt nga mu; na a kara zen di nna kabai kau u. Kawng pungding ntsa hkan e makoi mayang mahkawn hkawn mu, hpa majaw nga yang, dai Madu ngai gaw pawt sindawng nngai hte nye a amyu masha ni hpe ningdang kau ni ai.

JAW JAU 13:45

Manggang kap ai wa gaw je ai hpun palawng ni hpe bu hpun nna kara hpyan kau nhtawm shi a myi man lawu daw magap da let, “N san n seng ai, n san n seng ai,” ngu nna jahtau na rai wu ai.

MIHKA 1:16

Yuda amyu masha ni e, nanhte tsaw ra ai kashu kasha ni a matu sharung shayawt ai hta nanhte a kara ni hpe shakrin kau mu. Nanhte a kashu kasha ni tsan ai mungdan de bawng dung hkrum mat nga masai majaw, langda baw ni zawn shakrin kau mu.

BU HKAWM 1:53

Rai ti mung Lewi masha ni gaw Sum a grup yin hkan e but nga nna dai hpe makawp maga na rai ma ai. Dai shara de kadai mung n shani sa lu mu ga, Israela shawa hpung ting mung nye a myit masin hpe pawt shangun nna adup ai kaw n du u ga,” ngu nna tsun wu ai.

BU HKAWM 14:6

Kin-yu galaw ai Nun a kasha Yawshu hte Yehpuna a kasha Hkaleb yan chyawm gaw yawn let,

BU HKAWM 16:22

Rai ti mung Mawshe yan Arun gaw ga de dingnyawm dagup let, “O Karai Kasang e, nang gaw asak yawng a hka hpawk rai nga ndai; marai langai shut ai a majaw shawa hpung ting hpe masin pawt nga n ni?,” ngu nna tsun ma ai.

BU HKAWM 18:5

Nang hte na a shadang sha ni chyu sha Chyoi Pra ai Shara hte tawn hkungri hte seng ai amu bungli ni galaw gun hpai lu na rai myit dai; shaloi Israela amyu masha ni hpe pawt sindawng ai lam bai pru wa lu na ra ai n rai.

BU HKAWM 20:25

Arun hte shi a shadang sha Eleaza hpe shaga la nhtawm Hora Bum de woi lung wa let,

BU HKAWM 5:18

Dai hpang numsha a kara hpe shi hpyan ayai kau ya nhtawm dai numsha a lata hta shadung hkungga hpe mara da ya na rai wu ai. Hkinjawng wa shi a lata hta chyawm gaw hka ai dagam ntsin rawng ai di bu hpe lang da na rai wu ai.

TARA JAHPRANG 33:9

Shanhte gaw tinang a kanu kawa, kahpu kanau hte kashu kasha ni hta grau nna, Nang hta sadi dung ai lam madun dan nga ma ai. Na a hkang da ai ga ni hpe shanhte madat mara nna, na a ga shaka hta sadi dung nga masai.

YAWSHU 22:18

Ya mung shi a hpang n hkan na ngu nga myit ni? Nanhte gaw dai ni dai Madu hpe gumlau myit dai rai yang, hpawt ni Israela hta masha shagu hte hpe shi pawt sindawng na rai wu ai.

YAWSHU 22:20

Zera a kasha Ahkan mung jahten kau na matu daw dan da sai arai ni hpe hta la kau nu ai majaw, Israela shawa hpung ting ari jaw ai hkrum nga ai hpe dum nga mu. Shi galaw shut kau sai yubak a majaw Ahkan shi chyu sha si hkrum wu ai n rai,” ngu nna tsun ma ai.

YAWSHU 7:1

Dai Madu gaw Israela amyu masha ni hpe Yerihko mare na arai hpa mung n hta la ai sha jahten kau na matu hkang da wu ti mung, n madat ya ma ai. Ahkan mying ai wa mahtang dai hkang da ai ga hpe n madat wu ai rai nna dai Madu gaw Israela masha ni hpe ja ja masin pawt bu nga ai. (Ahkan gaw Yuda amyu bawsang daw chyen mi rai nga ai Zera lakung lama hte seng ai Zabdi a kashu, Hkarmi a kasha rai nga ai.)

YAWSHU 7:11

Israela chyawm gaw yubak galaw shut masai! Shanhte hkan shatup na matu ngai hkang da ai dai ngai hte tawn da ai ga shaka hpe shanhte run kau manu ai. Jahten sharun kau na matu daw dan da ai arai nkau mi hpe mung shanhte hta la manu ai; shanhte gaw arai mung lagu, masu mung masu, shanhte a arai ni hta dai ni hpe bang la rai ma ai.