JAW JAU 10:4 - Jinghpaw Common Language Bible 2009

⁴ Mawshe gaw Arun a kawa doi Uziela a kasha Mishaela yan Elasahpan hpe shaga la nhtawm, “Nang de sa wa mi, nanhte a jinghku hkum tsawp ni hpe Chyoi Pra ai Sum kaw na hpai shapraw la nhtawm dap shinggan e shan hpe la shapraw da mu,” ngu nna tsun wu ai.

Jinghpaw Hanson Version Bible

⁴ Bai Mawshe gaw, Aun a kawa doi Uzela a kasha Mishaela yan Elasanpan hpe shaga la nna, Sa marit; nanhte a hpunau yan hpe chyoi pra ai shara na dap shinggan de la shapraw kau mu, ngu wu ai.

JAW JAU 10:4 ပူးပေါင်းရင်းမြစ်များ

1 HKAWHKAM LABAU 6:2

Kohat mung shadang sha mali lu ai; dai ni gaw Amram, Izhara, Hebron, hte Uziela ni rai nga ai.

PRU MAT 33:7

Israela amyu masha ni dap jung ma ai shaloi, Mawshe gaw dai chyoi pra ai sum hpe la nna dap hte tsawmra mi tsan ai shara hta dai hpe tawn da wu ai. Dai hpe dai Madu a hpung shingkang shanu nga ai Sum ngu nna shamying wu ai. Dai Madu hte bawng ban jahkrup mayu ai ni kadai mung de a shinggan de pru sa na rai ma ai.

PRU MAT 6:18

Kohat gaw shadang sha mali lu nga ai; dai ni gaw Amram, Izhara, Hebron hte Uziela hte rai ma ai. Kohat gaw asak 133 ning du hkra hkrung nga lu wu ai.

PRU MAT 6:22

Uziela gaw shadang sha masum lu ai; dai ni gaw Mishaela, Elzahpan hte Sihtri ni rai ma ai.

BU HKAWM 3:30

but na rai ma ai. Shanhte galaw na amu gaw,

LUKA 7:12

Dai mare chyinghka de shi du magang yang, si mat ai masha langai mi hpe lup makoi na matu mang hpai ai ni hpai pru sa wa mara ai; si ai wa gaw gaida jan langai mi a shadang sha shingtai rai nga ai; mare masha law law mung dai num hte rau hkan sa nang ma ai.

KASA 5:6

Shaloi jang shabrang ma ni shang wa nna sumpan hte ahkyen kayawp nhtawm sa hpai lup kau ma ai.

KASA 8:2

Tara hkungga ai masha nkau mi Stehpan a moi mang hpe makoi mayang nna, shi a majaw hkrap ngu hkrap ngoi kaba hte yawn hkyen ma ai.