JAW JAU 10:2 - Jinghpaw Common Language Bible 2009

² Dai Madu gaw wan akajawng sha dat dat nna shan hpe hkru kau ai hte shan mung dai Madu a man e si taw nga ma ai.

Jinghpaw Hanson Version Bible

² Shaloi Yehowa kaw na wan pru nna, shan hpe hkru kau ai hte, shan gaw Yehowa man e si ai hkrum ma ai.

JAW JAU 10:2 ပူးပေါင်းရင်းမြစ်များ

2 SAMUELA 6:7

Dai Madu Karai Kasang gaw Uza hpe masin pawt wu ai rai nna shi galaw shut kau ai mara a majaw sat kau wu ai. Uza mung dai Ga Shaka Sumpu makau e si taw nga ai rai nna,

1 HKAWHKAM 13:28

Shi jawn mat wa yang, nmaw lam ntsa e myihtoi wa a moi mang taw nga ai hpe, de a makau e lawze hte hkanghkyi tsap nga ai hpe mung sa mu wu ai. Dai hkanghkyi chyawm gaw moi mang mung n sha, lawze hpe mung n amya rai nga la ai.

1 HKAWHKAM 18:38

Dai Madu gaw wan hpe jahkrat dat nhtawm shagu hkungga mung, hpun mung, nlung ni mung hkru kau ai hte aga hpe kahtet kang shangun nna hka lawng kata na hka hpe mung jahkyet kau wu ai.

2 HKAWHKAM 1:10

Elia mahtang, “Ngai gaw Karai Kasang a masha langai mi rai nga nngai teng yang gaw, sumsing lamu de na wan hkrat yu wa nhtawm nang hte na a masha ni yawng hpe sat kau mu ga!,” ngu nna htan wu ai. Shaloi sumsing lamu de na wan akajawng sha hkrat wa nhtawm dai du wa hte shi a masha ni hpe sat kau wu ai.

2 HKAWHKAM 1:12

Elia mahtang, “Ngai gaw Karai Kasang a masha langai mi rai nga nngai teng yang gaw, sumsing lamu de na wan hkrat yu wa nhtawm nang hte na a masha ni hpe sat kau mu ga!,” ngu nna htan wu ai. Shaloi Karai Kasang a wan gaw kalang lata hkrat yu wa nhtawm du wa hte shi a masha ni hpe sat kau nga ai.

1 HKAWHKAM LABAU 13:10

Dai Sumpu hpe Uza hkra kau wu ai majaw dai Madu gaw shi hpe pawt sindawng ai hte sat kau wu ai. Shi mung Karai Kasang a man e si taw nga ai rai nna,

1 HKAWHKAM LABAU 15:13

Shawng na lang hpai ai shaloi dai yang e nanhte n lawm nga myit dai hte anhte galaw ang ai hte maren, shi hpe n nawku ai majaw dai Madu anhte a Karai Kasang anhte hpe ari jaw mi ai,” ngu nna tsun wu ai.

1 HKAWHKAM LABAU 24:2

Nadab hte Abihu yan gaw shan a kawa a shawng e si mat ma ai rai nna amyu matu htum mat ma ai. Dai rai nna shan a kanau yan rai nga ai Eleaza hte Ihtama yan mahtang hkinjawng tai wa masai.

YOBA 1:16

Dai wa ga shaga pyi garai n htum yang, kaga shangun ma langai mi hkan du wa nhtawm, “Myihprap wan gala nna sagu hte sagu rem ai ni yawng hpe sat kau ma ai. Nang hpe shiga wa tsun dan na matu hprawng lawt wa ai gaw ngai chyu sha rai nga nngai,” ngu nna tsun wu ai.

SHAKAWN KUNGDAWN 50:3

Anhte a Karai Kasang sa wa nga ai rai tim, atsin sha du sa nga ai n rai; shi a man e wan shinglet ni hkru nga nna shi a makau mayang hkan e, laru kaba ru nga ai.

PRU MAT 24:1

Dai Madu gaw Mawshe hpe, “Nang hte Arun, Nadab, Abihu hte hte Israela ningbaw marai sanit shi, ngai nga ai bum de lung wa marit. Nanhte gaw tsan tsan e dingnyawm nawku nga mu.

ESAIA 30:33

Moi chyaloi nhkoi kaw nna Asuri hkawseng hpe nat na matu wan htung kaba shara mi hkyen da nga ai. Dai gaw sung ai hte dam lada rai nna hpun ni hte sumpum shatsaw da nga ai. Dai Madu gaw dai shara hta wan shachyi na matu wan shinglet gawut bang dat na ra ai.

JAW JAU 10:5

Dai rai nna shan gaw Mawshe hkang da ai hte maren, sit sa nna palawng galu hte re ai si mang hpe dai shinggan de la shapraw kau ma ai.

JAW JAU 16:1

Arun a shadang sha yan gaw dai Madu hpe n chyoi n pra ai wan nawng ya ai majaw sat kau hkrum ai hte si mat ma ai hpang, dai Madu gaw Mawshe hpe ning ngu tsun wu ai.

JAW JAU 9:24

Dai Madu gaw wan hpe akajawng sha dat dat nna tawn hkungri na wan nat hkungga hte sau man ni hpe hkru kau nga ai. Dai lam hpe amyu masha ni mu ma yang, shanhte yawng marawn jahtau ai hte ga de myi man gum dagup let dingnyawm nga ma ai.

BU HKAWM 16:35

Dai hpang dai Madu gaw wan shachyi dat nna manam pyaw ai baw hpe nawng jau ai masha 250 hte hpe hkru kau nga ai.

BU HKAWM 16:49

Kora a gumlau ai amu hta si lawm ai amyu masha ni yawng 14,700 hte rai nga ai.

BU HKAWM 26:61

Nadab yan Abihu chyawm gaw dai Madu hpe n chyoi n pra ai wan nawng ya mu ai shaloi si mat masai.

KASA 5:10

Shaloi jang shi mung kasa wa a lagaw nhpang e kadawng si mat ai. Shabrang ni mung shang wa yu yang, dai numsha si taw nga ai hpe mu nna hpai sa nhtawm, madu wa a makau e lup kau mu ai.

KASA 5:5

Anani gaw, dai ga hpe na ai shaloi jang kadawng si mat ai. Dai na ai ni yawng mung nachying hkrit kahpra nga ma ai.

1 KORINHTU 10:11

Ndai lam ni mahkra shanhte hta byin wa ai gaw, kaga masha ni a matu shari tai na matu rai nna, anhte hpe shadum shahprang sadi jaw na matu ka da nga ai. Hpa majaw nga yang, anhte gaw mungkan aprat htum na ni wa ai ten hta sa pra ang ai ni rai nga ga ai.

1 SAMUELA 6:19

Bet Sheme masha ni dai Ga Shaka Sumpu kata de yu yu ma ai majaw dai Madu gaw masha sanit shi hpe sat kau nga ai. Shanhte a lapran hta ndai zawn si ru ai amu kaba dai Madu shabyin dat wu ai majaw masha ni sharung shayawt nga ma ai.