JAW JAU 10:13 - Jinghpaw Common Language Bible 2009

¹³ Dai hpe chyoi pra ai shara langai mi hta sha mu; dai gaw dai Madu hpe nawng jau ai hkungga hta na nang hte na a shadang sha ni a matu rai nga ai. Dai gaw dai Madu ngai hpe hkang da ai lam rai nga ai.

Jinghpaw Hanson Version Bible

¹³ dai gaw chyoi pra htum ai rai nga ai: dai kumhpa gaw Yehowa hpe wan hte nawng ai kumhpa ni hta na nang hte na a shadang sha ni lu la ging ai kumhtaw rai malit dai majaw, chyoi pra ai shara e sha lu na rai myit dai: ning nga ngai hpe hkang da ni ai.

JAW JAU 10:13 ပူးပေါင်းရင်းမြစ်များ

EZEKELA 42:13

Dai masha wa gaw ngai hpe, “Ndai nta lahkawng gaw chyoi pra nga ai. Madu a man de sit sa ai hkinjawng ni gaw chyoi pra htum ai hkungga lusha hpe dai shara ni hta sha ma ai. Dai gawk ni chyoi pra nga ai majaw, hkinjawng ni dai shara ni hta chyoi pra htum ai hkungga ni, shadung hkungga ni, mara raw shagu hkungga ni hte htingrai htingrat hkungga ni hpe tawn da na mara ai.

JAW JAU 10:12

Mawshe gaw Arun hte naw ngam nga ai Arun a shadang sha Eleaza yan Ihtama hpe, “Dai Madu hpe nawng ya ai lusha hta na naw ngam ai shadung hkungga hpe la nhtawm matsi n rawng ai muk hte tawn hkungri a makau e sha lu na rai myit dai; hpa majaw nga yang dai hkungga gaw grai chyoi pra nga ai.

JAW JAU 10:14

Rai ti mung hkinjawng ni a matu ngu nna dai Madu hpe laksan kumhpa hku nawng jau ai sinda hte hpang lagaw hpe nang hte na a dinghku masha ni sha mai nga ai. Dai hkungga ni gaw Israela amyu masha ni jaw jau ai mahku hkungga ni hta na nang hte na a kashu kasha ni hpe jaw da sai kamhtaw rai nga ai.

JAW JAU 2:3

Ngam ai shadung hkungga gaw hkinjawng ni a matu rai nna dai Madu hpe lusha hkungga nawng ya ai hta na shaw la ai majaw dai gaw grai chyoi pra nga ai.

JAW JAU 6:16

Ngam ai hpe chyawm gaw hkinjawng ni sha na rai ma ai. Dai hpe matsi n bang ai sha muk kabaw nna dai Madu a hpung shingkang shanu nga ai Sum wang kata na Chyoi Pra ai Shara hta sha na rai ma ai. Dai Madu gaw hkinjawng ni hpe shanhte a lusha tai nga na matu dai hpe jaw da nu ai. Dai gaw htingrai hkungga hte mara raw hkungga ni zawn grai chyoi pra nga ai.

BU HKAWM 18:10

Nanhte gaw dai ni hpe chyoi pra ai shara hta sha lu na rai myit dai; dai ni hpe lasha ni chyu sha mai sha nga ai; dai ni hpe chyoi pra nga ai ngu na rai nga ai.

BU HKAWM 5:10

Shi hpe jaw ai hkungga kumhpa ni hpe hkinjawng shagu hkap mazing da na rai ma ai.