JAW JAU 10:12 - Jinghpaw Common Language Bible 2009

¹² Mawshe gaw Arun hte naw ngam nga ai Arun a shadang sha Eleaza yan Ihtama hpe, “Dai Madu hpe nawng ya ai lusha hta na naw ngam ai shadung hkungga hpe la nhtawm matsi n rawng ai muk hte tawn hkungri a makau e sha lu na rai myit dai; hpa majaw nga yang dai hkungga gaw grai chyoi pra nga ai.

Jinghpaw Hanson Version Bible

¹² Bai Mawshe gaw Arun hte shi hta ngam ai kasha Eleaza yan Ihtama hte hpe, Yehowa e nawng ya ai wan nat kumhpa ni hta na naw ngam ai shadung kumhpa hpe sa la nna, matsi hte n re ai sha dai tawn hkungri makau e sha mu:

JAW JAU 10:12 ပူးပေါင်းရင်းမြစ်များ

2 HKAWHKAM LABAU 31:14

Nawku Htingnu a Sinpraw Chyinghka sin ai du Lewi masha Imna a kasha Kore gaw dai Madu a matu sak jaw ai kumhpa ni hkap la nna bai garan jaw ya ai hpareng wa rai nga ai.

EZRA 7:5

Buki gaw Abishua a kasha, Abishua gaw Hpineha a kasha, Hpineha gaw Eleaza a kasha, Eleaza gaw Arun a kasha rai nga ai.

PRU MAT 29:2

Kaja htum ai hkaulan mam shadung lang nna matsi n bang ai hte tsanlun sau hte kayau ai muk nkau mi, sau hte n kayau ai nkau mi, sau hte kayau gumchya nna galaw ai muk pa nkau mi rai na rai nga ai.

PRU MAT 29:33

Shanhte hpe aya dang ya ai aten hta mara raw htingrai htingrat ai hkungga sha lu na rai ma ai. Dai gaw chyoi pra nga ai majaw lusha dai hpe hkinjawng ni chyu sha sha mai nga ai.

PRU MAT 6:23

Arun gaw Aminadab a shayi sha, Nashon a kajan Elishaba hpe la wu ai rai nna Arun a matu Nadab, Abihu, Eleaza hte Ihtama hte hpe shangai wu ai.

EZEKELA 44:29

Shadung hkungga, mara raw hkungga hte hka bai wa ai hkungga ashan ni mung hkinjawng ni a lusha rai nna, nye a matu ngu nna san da ai yawng mayawng mung shanhte lu la na mara ai.

JAW JAU 10:13

Dai hpe chyoi pra ai shara langai mi hta sha mu; dai gaw dai Madu hpe nawng jau ai hkungga hta na nang hte na a shadang sha ni a matu rai nga ai. Dai gaw dai Madu ngai hpe hkang da ai lam rai nga ai.

JAW JAU 21:22

Dai zawn re ai wa gaw ngai hpe nawng ya ai dai chyoi pra ai hkungga hte chyoi pra htum ai lusha hkungga yan hpe sha mai nga ai.

JAW JAU 24:9

Dai gaw hkinjawng ni a matu dai Madu hpe nawng ya ai chyoi pra htum ai lusha rai nga ai majaw Arun hte shi a lakung lama ni la lu nna chyoi pra ai shara hta sha lu na rai ma ai.

JAW JAU 7:9

Wan htung hta kabaw ai shadung hkungga hpe mung, di jang, di dam re ai ni hta kakang ai hpe mung Karai Kasang hpe nawng ya ai hkinjawng wa la na rai nga ai.

BU HKAWM 3:2

Arun gaw kasha alat Nadab, dai hpang Abihu, Eleaza hte Ihtama ngu ai shadang sha mali lu wu ai.