JAW JAU 10:1 - Jinghpaw Common Language Bible 2009

¹ Arun a shadang sha yan rai nga ai Nadab hte Abihu yan gaw tinang hte seng ai wan ban pa la nna chyi nga ai wan n-ga bang la let dai hta lawban jat bang nhtawm dai Madu hpe nawng jau ya ma ai. Rai ti mung dai wan mahtang n chyoi n pra nga ai; dai hpe nawng jau na matu mung dai Madu gaw shan hpe hkang da nga ai n rai.

Jinghpaw Hanson Version Bible

¹ Ya Arun a shadang sha Nadab yan Abihu gaw tinang hte seng ai wan ban pa la nna, wan bang nhtawm, lawban mara ngut jang, Yehowa a man e Yehowa hkang da ai wan n re ai, wan shaje hte nat jau mu ai.

JAW JAU 10:1 ပူးပေါင်းရင်းမြစ်များ

1 HKAWHKAM 18:38

Dai Madu gaw wan hpe jahkrat dat nhtawm shagu hkungga mung, hpun mung, nlung ni mung hkru kau ai hte aga hpe kahtet kang shangun nna hka lawng kata na hka hpe mung jahkyet kau wu ai.

SHAKAWN KUNGDAWN 141:2

Nye a akyu hpyi ai ga hpe manam pyaw ai baw lawban zawn; nye a lata sharawt ai gaw shana de na hkungga hpe zawn, hkap la ya e.

PRU MAT 24:1

Dai Madu gaw Mawshe hpe, “Nang hte Arun, Nadab, Abihu hte hte Israela ningbaw marai sanit shi, ngai nga ai bum de lung wa marit. Nanhte gaw tsan tsan e dingnyawm nawku nga mu.

PRU MAT 24:9

Mawshe, Arun, Nadab, Abihu hte Israela ningbaw sanit shi hte gaw bum de lung wa ma ai rai nna

PRU MAT 27:3

Dap hte kau na matu ban ni, shingban ni, jarung ni, chyinghkyi ni hte wan ban pa ni hpe galaw na rai nga ai; dai arung arai ni yawng hpe magri mang hte hkrai galaw lu na rai nga ai.

PRU MAT 28:1

“Na a nhpu Arun hte shi a shadang Nadab, Abihu, Eleaza hte Ihtama ni hpe shaga la nna shanhte hpe Israela amyu masha ni kaw na garan jahka tawn na lam tsun u; shanhte gaw hkinjawng amu gun hpai let ngai hpe daw jau na rai ma ai.

PRU MAT 31:11

aya dang ya ai namman sau hte Chyoi Pra ai Shara hta lang na manam pyaw ai baw ni hpe galaw lu na rai ma ai. Ngai nang hpe hkang da sai hte maren, shanhte gaw ndai amu ni yawng hpe tup hkrak galaw na rai ma ai,” ngu nna tsun wu ai.

PRU MAT 37:29

Shi gaw chyoi pra ai namman sau hte jet ai manam pyaw ai baw hpe manam pyaw wa hkra mung kayau da nga ai.

PRU MAT 38:3

Shi gaw tawn hkungri hte seng ai di ni, shingban ni, jarung ni, shan chyinghkyi ni, wan ban pa ni mahkra hpe magri mang hte kayawp wu ai.

PRU MAT 40:27

dai Madu hkang da sai hte maren, manam pyaw ai baw hpe dai hkungri ntsa e nat wu ai.

PRU MAT 6:23

Arun gaw Aminadab a shayi sha, Nashon a kajan Elishaba hpe la wu ai rai nna Arun a matu Nadab, Abihu, Eleaza hte Ihtama hte hpe shangai wu ai.

PRU MAT 8:27

Shi anhte hpe hkang da sai hte maren, dai Madu anhte a Karai Kasang hpe hkungga nawng ya na matu, masum ya sat sa ai nam mali de mahtang anhte sa ra na ga ai,” ngu nna htan wu ai.

YEREMIA 19:5

shanhte a kashu kasha ni hpe shagu hkungga shatai nna wan nat nawng na nga, Bala hpara a matu tawn hkungri ni hpe gaw da manu ai. Shing re ai amu galaw na matu shanhte hpe ngai galoi mung n hkang da nngai; dai lam nye a myit hta galoi mung rawng nga li ai n rai.

YEREMIA 32:35

Shanhte gaw shanhte a shayi shadang sha ni hpe Molek hpara a matu shagu hkungga nawng jau na nga, Hinom Kadit hta Bala hpara tawn hkungri ni hpe gap da nga ma ai. Dai amu galaw na matu, ngai shanhte hpe hkang da ni ai n rai; shanhte gaw dai zawn re ai amu galaw na hte Yuda amyu masha ni yubak hkrum na matu ngai n myit nngai,” ngu nna tsun nngai.

YEREMIA 44:15

Dai hpang, kaga hpara ni hpe shagu hkungga nat nawng ai shanhte a madu jan ni hpe chye nga ai lasha ni yawng hte dai shara hta sa tsap nga ai numsha ni yawng hte wunawng wuwa kaba ngu ai Egutu mung a dingda daw de shanu nga ai Israela amyu masha ni mung lawm hkra rai nna ngai hpe,

YEREMIA 44:8

Nanhte sa du shanu nga ai ndai Egutu mung hta, hpara sumla ni hpe nawku ai lai hte kaga hpara ni hpe nawng jau ai lai galaw let, ngai hpe hpa majaw pawt sindawng shangun nga myit ta? Nanhte hkum hpe shaza na matu mung, mungkan ga na masha amyu baw shagu gaw nanhte hpe asawng asang shatan nhkan ga tsun kau na matu mung, na a mying gaw dagam dala, matsa mawa ga tsun ai zawn lang na matu mung, nanhte gaw ndai n hkru ai amu hpe galaw nga myit ni?

YEREMIA 7:31

Shanhte gaw Hinom Kadit e Tohpet ngu shamying ai tawn hkungri langai mi hpe gaw ma ai, shanhte gaw shanhte a shadang sha ni hte shayi sha ni hpe wan hta nat nawng lu ma ai. Dai amu galaw na matu, shanhte hpe ngai hkang da ni ai n rai; Dai amu gaw nye a myit masin hta pyi myit ai n rai.

JAW JAU 16:1

Arun a shadang sha yan gaw dai Madu hpe n chyoi n pra ai wan nawng ya ai majaw sat kau hkrum ai hte si mat ma ai hpang, dai Madu gaw Mawshe hpe ning ngu tsun wu ai.

JAW JAU 16:12

tawn hkungri na grung nga ai wan n-ga hpring hkra rawng ai wan ban la nhtawm mani ai lawban latup lahkawng lang let Chyoi Pra Htum ai Sum de la shang wa na rai wu ai.

JAW JAU 22:9

“Hkinjawng ni yawng mung ngai jaw da sai tara ni hta hkan sa lu na rai ma ai. Shing n rai dai chyoi pra ai tara ni hpe shanhte n madat kau mu ai majaw mara shagun hkrum ai hte si mat na rai ma ai. Ngai gaw shanhte hpe shachyoi shapra ai dai Madu rai nga nngai.

JAW JAU 9:24

Dai Madu gaw wan hpe akajawng sha dat dat nna tawn hkungri na wan nat hkungga hte sau man ni hpe hkru kau nga ai. Dai lam hpe amyu masha ni mu ma yang, shanhte yawng marawn jahtau ai hte ga de myi man gum dagup let dingnyawm nga ma ai.

BU HKAWM 16:46

Mawshe gaw Arun hpe, “Na a wan ban la nna tawn hkungri na grung nga ai wan n-ga dai hta la bang nhtawm, dai wan n-ga ntsa e manam pyaw ai baw loi mi mara tawn na rai ndai. Dai hpang amyu masha ni hpang de tin tin kagat sa nhtawm shanhte a matu jasan jaseng ai amu galaw ya na rai ndai. Tin tin rawt sa wa su! Dai Madu a pawt sindawng ai gaw pru wa nu ai; ana zinli mung du rau ra ai,” ngu nna tsun wu ai.

BU HKAWM 26:61

Nadab yan Abihu chyawm gaw dai Madu hpe n chyoi n pra ai wan nawng ya mu ai shaloi si mat masai.

TARA JAHPRANG 12:32

“Ngai nanhte hpe hkang da made ai hte maren, lam magup hte hpe hkan galaw nga mu; dai tara hta kaga hpa mung jat la lu na myit dai n rai; shayawm mung shayawm kau lu na myit dai n rai.

TARA JAHPRANG 17:3

dai Madu a hkang da ai ga hte nhtan shai nna kaga karai ni hte jan, shata hte shagan ni hpe nawku let daw jau ai rai yang,

TARA JAHPRANG 4:2

Ngai nanhte hpe hkang da ai lam hta hpa mung jat bang lu na n rai; dai hta na hpa mung shaw kau lu na n rai. Ngai nanhte hpe jaw da sai dai Madu nanhte a Karai Kasang a hkang da ai ga matsun ni hpe madat mara na rai myit dai.

HEBRE 9:4

Dai hta e manam pyaw ai baw nat ai aja hkungri hte hkum ting ja hte sup tawn ai Ga Shaka Sumpu rawng nga ai. Dai Sumpu kata e manna muk rawng ai ja dibu mung, alap hkalung ni prut pru wa ai Arun a dawhkrawng mung, jep ai Tara hpe ka tawn ai lungpa 2 mung, rawng nga ai.