JAW JAU 1:9 - Jinghpaw Common Language Bible 2009

⁹ Dai wa gaw pu sin hte hpang lagaw ni hpe kashin nhtawm san da hkrum ai hkinjawng ni mahtang tawn hkungri ntsa e hkum ting nat nawng na rai ma ai. Dai lusha a manam pyaw ai shangau hpe dai Madu awng sharawng nga ai.

Jinghpaw Hanson Version Bible

⁹ pu sin ni hte lagaw ni hpe mung shawng kashin kau nhtawm, Yehowa a matu manam pyaw sangau shatai na wan hte nawng ai wan nat hkungga di nna, dai hkum ting hpe tawn hkungri ntsa e hkinjawng wa nat nawng na rai wu ai.

JAW JAU 1:9 ပူးပေါင်းရင်းမြစ်များ

NINGPAWT NINGHPANG 8:21

Dai hkungga a manam pyaw ai sangau gaw dai Madu hpe awng sharawng shangun nga ai rai nna dai Madu gaw, “Shinggyim masha e galaw ai amu a majaw, ginding aga hpe ngai galoi mung dagam kau na ni ai n rai; shi a myit mang ai lam ni gaw shi naw kaji nga ai aten kaw nna n shawp nga ai hpe ngai chye nngai. Ndai lang ngai galaw kau ni ai zawn asak rawng ai hkrung mahkrung ni yawng hpe ngai galoi mung bai jahten na ni ai n rai.

1 HKAWHKAM LABAU 6:34

Elkana, Yeroham, Eliela, Toa,

2 HKAWHKAM LABAU 4:6

Shanhte gaw angdung 10 galaw nna 5 hpe Nawku Htingnu a dingda maga de, kaga 5 hpe dingdung maga de tawn da nga ai. Dai ni hpe wan nat hkungga nawng ya ai dusat hkum daw shan ni hpe kashin kau ai shaloi lang ma ai. Hka lawng kaba na hka chyawm gaw hkinjawng ni shin na matu rai nga ai.

SHAKAWN KUNGDAWN 51:6

Nang gaw myit malang ai hte teng man ai lam hpe hpyi nga ndai majaw; nye a kraw lawang hta na a hpaji hte jahpring ya e.

SHAKAWN KUNGDAWN 66:15

Ngai gaw tawn hkungri ntsa e nat nawng na matu, sagu ni hpe nawng jau na nngai; usu ni hte bainam ni hpe mung, nawng jau na nngai; shing rai, hkungga wan hkut gaw lamu de mawng lung wa na ra ai.

PRU MAT 12:9

Shan katsing hpe mung, shadu shapyaw ai hpe mung sha lu na n rai; rai ti mung, abaw, lagaw ni hte kata na pu kan ni rawng ai hkum nawng kakang ai hpe chyawm gaw sha lu na rai myit dai.

PRU MAT 29:18

Sagu la shan yawng hpe lusha hkungga nawng ya ai zawn tawn hkungri ntsa hta nat nawng na rai nga ai. De a nawng jau ai manam pyaw bat gaw ngai hpe awng sharawng shangun na ra ai.

PRU MAT 29:25

Dai hpe shanhte a lata na la nhtawm ngai hpe malu masha hkungga nawng jau ai zawn, tawn hkungri na wan nat hkungga a ntsa e nat na rai nga ai. Dai manam pyaw ai hkungga sangau gaw ngai hpe awng sharawng shangun na ra ai.

YEREMIA 4:14

Yerusalem e, na a myit masin kaw na n hkru ai hpe kashin kau u, shaloi hkye hkrang la hkrum na ndai. Nang gaw kade na hkra yubak hte seng ai myit mang lam ni hpe matut myit na ngu wu ni?

EZEKELA 20:28

Shanhte hpe jaw na ngu nna ngai ga sadi dagam da ai mungdan de shanhte hpe ngai woi wa ni ai. Shanhte gaw tsaw ai kawng ni hte tsit lali ai hpun ni hpe mu mada ma ai shaloi, dai shara ni yawng hta shagu hkungga nawng ya ma ai. Shanhte gaw dai hkan e manam pyaw ai baw wan nat hkungga hte sabyi hkungga ru jaw ai lai hte ngai hpe pawt bu shangun ma ai.

EZEKELA 20:41

Ngai gaw nanhte hpe shabra kau dat ai mungdan ni kaw nna woi wa nhtawm nanhte hpe shinggyin la ai hte jahpawng da ai hpang, nanhte nat nawng ai shagu hkungga ni hpe hkap la na nngai. Ngai nan chyoi pra nga nngai hpe amyu masha ni mu lu na mara ai.

EZEKELA 40:38

Shinggan wang, dingdung maga na kata chyinghka lam hte matut nna gap jat da ai nta langai mi nga nga ai. Dai gaw wang kata de man yawng nga ai shawng du ai gawk maga de hpaw da nga ai; dai shara hta hkum ting wan nat hkungga nat nawng na matu si ai dusat hkum ni hpe kashin ma ai.

JAW JAU 1:13

Dai wa gaw kata na pu sin hte hpang lagaw ni kashin nhtawm, hkinjawng wa gaw dai Madu hpang de shagu hkungga di na nawng jau ai hte dai ni yawng hpe tawn hkungri ntsa e mara nna nat na rai wu ai. Dai lusha a manam pyaw ai sangau hpe dai Madu awng sharawng nga ai.

JAW JAU 1:17

Shi gaw u singkaw jum da nna, n gang je kau ai sha, singkaw hte nawng hkum hpe ga kahpyan nna tawn hkungri hta hkum ting nat na rai wu ai. Dai lusha a manam pyaw ai sangau hpe dai Madu awng sharawng nga ai.

JAW JAU 2:16

Hkinjawng wa gaw dai lusha hte sau nkau mi, lawban mahkra hte hpe daw jau na matu masat dingsat langai zawn dai Madu hpe lusha hkungga nawng ya na rai wu ai.

JAW JAU 2:2

Arun a shadang sha hkinjawng ni hpang de la sa na rai wu ai. San da hkrum ai hkinjawng wa gaw mani ai shadung, namman hte lawban hta na latup mi magra la nhtawm dai Madu hpe dai ni yawng nawng jau sai masat kumla langai zawn tawn hkungri ntsa e nat nawng na rai wu ai. Dai lusha a manam pyaw ai sangau hpe dai Madu awng sharawng nga ai.

JAW JAU 2:9

Hkinjawng wa gaw dai hta na daw chyen mi magra la nhtawm dai Madu hpe dai ni yawng nawng jau sai masat kumla zawn tawn hkungri ntsa e shi nat na rai wu ai. Dai lusha a manam pyaw ai sangau hpe dai Madu awng sharawng nga ai.

JAW JAU 3:11

San da hkrum ai hkinjawng wa gaw dai yawng hpe tawn hkungri ntsa mara nhtawm dai Madu hpe lusha hkungga hku nawng na rai nga ai.

JAW JAU 3:5

Dai hkinjawng ni gaw dai yawng hpe tawn hkungri ntsa nat da ai wan nat hkungga ni hte hpawn nat shalawm na rai ma ai. Dai lusha a manam pyaw ai sangau hpe dai Madu awng sharawng nga ai.

JAW JAU 4:31

Dai hpang mahku hkungga a matu sat ai yam nga a sau la ai zawn de a sau yawng la nna tawn hkungri ntsa e nat na rai wu ai. Dai Madu gaw de a manam pyaw ai sangau hta awng sharawng nga na wu ai. Dai re ai majaw hkinjawng wa gaw ndai hku nna dai masha wa a matu shagu hkungga nawng ya ai hte shi mung yubak mara raw dat kau ya ai hkrum na rai wu ai.

JAW JAU 6:14

Ndai gaw shadung hkungga ni nawng ya na matu hkan sa na tara ni rai nga ai. Arun a shadang sha hkinjawng wa gaw dai shadung hkungga hpe tawn hkungri a man e dai Madu hpe nawng ya na rai wu ai.

JAW JAU 8:28

Dai hpang Mawshe gaw shanhte kaw na dai lusha la nhtawm aya dang ya ai hkungga zawn shatai nna wan nat hkungga ntsa tawn hkungri hta dai hpe nat wu ai. Dai gaw lusha hkungga rai nga ai majaw de a sangau gaw dai Madu hpe awng sharawng shangun nga ai.

JAW JAU 9:14

Dai hpang pu sin ni hte hpang lagaw ni hpe shi kashin nna tawn hkungri hta naw ngam ai wan nat hkungga hte hpawn nat wu ai.

ZEHKARIA 13:7

Chyahtum Chyalai N-gun rawng ai dai Madu gaw, “Nhtu e, hprang u; nye a matu amu galaw ai sagu rem wa hpe htim anut u! Shi hpe sat kau u, shaloi sagu ni bra ayai mat na mara ai.

BU HKAWM 15:3

Dai Madu a matu wan nat hkungga hpe mung, ga shaka tawn ai shagu hkungga hpe mung, jaw mayu ai hkungga hpe mung, nanhte galoi mung agalaw nga ai nawku htung hte seng ai poi na hkungga ni hpe dumsu usu langai, sagu la langai, sagu hte bainam langai hpra di nna sak jaw na mai nga ai. Dai Madu gaw ndai lusha hkungga ni a manam pyaw ai sangau bat hpe awng sharawng nga ai.

BU HKAWM 28:11

Shata shagu a praw shani e, dai Madu hpe wan nat hkungga shatai na ra n rawng ai usu uram lahkawng, sagu la langai, laning mi ladu hkrum sai sagu la kasha sanit ni hpe nawng jau na rai myit dai.

BU HKAWM 28:7

Shawng nawng ya ai sagu la kasha hte hpawn sabyi hkungga a matu tawn hkungri e palin 2 ru hkaw na rai wu ai.

BU HKAWM 28:8

Shana de nawng ya na sagu la kasha hpe mung jahpawt na hta sabyi hkungga hte hpawn nawng ya ai zawn nawng ya na rai ndai. Dai mung lusha hkungga rai nga ai majaw dai manam pyaw ai sangau hpe dai Madu awng sharawng nga ai.

2 KORINHTU 2:15

Hpa majaw nga yang, anhte gaw Karai Kasang kaw Hkristu nawng jau ai manam pyaw ai bat hte bung nga ga ai. Dai manam pyaw ai bat gaw hkye hkrang la hkrum ai ni hta mung, sum mat hkrum ai ni hta mung chyam bra mat wa sai.

EHPESU 5:2

Hkristu gaw anhte hpe tsaw ra ai hte anhte a matu shi a hkum hpe Karai Kasang sharawng awng ai manam pyaw ai shagu hkungga shatai nna nawng kau nu ai zawn, nanhte mung tsaw ra myit e hkang ai kata hta ahkawm nga mu.

TARA JAHPRANG 12:27

Dai Madu a tawn hkungri ntsa e tsep kawp nat kau na shagu hkungga ni hpe nawng jau na rai myit dai. Bai nawng jau ya ai shagu hkungga ni hta na ashan hpe nanhte sha nhtawm, dai asai hpe chyawm gaw tawn hkungri ntsa e ru hkaw kau na rai myit dai.

HPILIPI 4:18

Nanhte shagun jaw dat ai arung arai alu yawng lu la sai lam hte jahpan ya nang e madun dan nngai. Dai gaw ra ai hta pyi jan hkra rai sai. Dai alu arung arai ni hpe Epahprodi la sa ya ai majaw ngai ra ai hta pyi jan hkra lu ni ai. Dai arai ni gaw Karai Kasang kaw nawng ya ai manam pyaw ai bat zawn mung, Karai Kasang ra sharawng ai hte hkap la ging ai shagu hkungga zawn mung rai nga ai.