JAW JAU 1:5 - Jinghpaw Common Language Bible 2009

⁵ Dai wa gaw dai yang e usu sat nna, Arun a shadang sha hkinjawng ni mahtang de a asai hpe dai Madu hpang de la nawng nhtawm Sum a shang wa chyinghka lam e nga ai tawn hkungri a man mali grup grup yawng de dai hpe ru hkaw bun na rai nga ai.

Jinghpaw Hanson Version Bible

⁵ Dai usu hpe Yehowa a man e shi sat na rai nna, Arun a shadang sha hkinjawng ni gaw, de a sai la nawng nhtawm shawa sum chyinghka a man na tawn hkungri ntsa grup e lapri na rai mu ai.

JAW JAU 1:5 ပူးပေါင်းရင်းမြစ်များ

2 HKAWHKAM LABAU 35:11

Sagu kasha ni hte bainam ni hpe sat ngut ai hpang, Lewi masha ni gaw dai ahpyi gaw nhtawm, hkinjawng ni mung tawn hkungri ntsa e sai lapri bun ma ai.

PRU MAT 29:11

Nye a chyoi pra ai hpung shingkang shanu nga ai Sum chyinghka lam e dai usu hpe sat na rai ndai.

PRU MAT 29:16

Dai hpe sat nhtawm de a asai la nhtawm tawn hkungri a man mali grup grup de ru hkaw na rai ndai.

PRU MAT 40:6

Wan nat hkungga nawng jau na tawn hkungri hpe mung Sum a man ang ang e tawn da na rai ndai.

ESAIA 52:15

Rai ti mung, ya chyawm gaw masha amyu baw law law ni shi hpe yu mau na mara ai, hkawhkam ni gaw ga n shaga ai sha mau mat na mara ai. Shanhte gaw shanhte galoi mung n chye na yu ai arai lama mi hpe mu lu nna chye na wa na mara ai,” ngu nna tsun ai.

EZEKELA 36:25

Ngai gaw nanhte a ntsa e, san seng ai ntsin lapri bun nna, nanhte a hpara sumla ni yawng hta na mung, nanhte hpe awu asin di kau shangun ai arai shagu hta na mung, nanhte hpe jasan jaseng la na nngai.

EZEKELA 43:18

Tsaw Htum ai dai Madu gaw ngai hpe, “Si chye ai masha wa e, ngai nang hpe tsun ai ga madat u. Tawn hkungri gaw da ngut ai shaloi, de a ntsa e wan nat hkungga nawng jau nna yam nga hkungga asai hpe de a ntsa e lapri bun nna ap nawng ra nga ndai.

JAW JAU 1:11

Dai wa gaw dai hpe tawn hkungri a dingdung maga e sat na rai wu ai. Hkinjawng ni gaw de a asai hpe tawn hkungri ntsa man mali shagu de lapri na rai ma ai.

JAW JAU 1:15

Hkinjawng wa gaw dai hpe tawn hkungri de la sa nna du manai di nhtawm de a baw hpe tawn hkungri ntsa e nat na rai wu ai. Dai asai hpe chyawm gaw tawn hkungri makau e hkyen kau na rai wu ai.

JAW JAU 16:15

Dai hpang amyu masha ni a matu htingrai hkungga shatai na bainam hpe mung shi sat nna, de a asai hpe Chyoi Pra Htum ai Shara de la sa nhtawm magap a ntsa e mung, Ga Shaka Sumpu a man e mung, usu sai hpe galaw ai zawn dai hpe lapri bun na rai wu ai.

JAW JAU 17:11

Hkrung mahkrung shagu a asak gaw asai hta rawng nga ai rai nna dai Madu hkang da sai hte maren amyu masha ni a yubak hpe htingrai na matu tawn hkungri ntsa e asai yawng ru hkaw na rai wu ai. Asak rawng ai asai chyu sha yubak mara ni hpe la kau ya lu nga ai.

JAW JAU 3:13

de a baw ntsa hta shi a lata mara nhtawm dai hpe Sum a man e sat na rai wu ai. Hkinjawng ni gaw de a asai hpe tawn hkungri a man mali grup grup de lapri ai hte,

JAW JAU 3:2

Dai wa gaw hkungga shatai na yam nga a baw hta shi a lata mara nna dai Madu a hpung shingkang shanu nga ai Sum a shang wa chyinghka lam e dai hpe sat na rai wu ai. Arun a shadang sha hkinjawng ni gaw de a asai hpe tawn hkungri a man mali grup grup de lapri ai hte,

JAW JAU 3:8

de a baw hta shi a lata mara nhtawm, dai hpe Sum a man e sat na rai wu ai. Hkinjawng ni gaw de a asai hte tawn hkungri a man mali grup grup de ru hkaw ai hte dai Madu a man e,

JAW JAU 4:29

Shi a lata gaw dai yam nga a baw ntsa hta mara nna wan nat hkungga nawng ya na matu tawn hkungri a dingdung maga na yam nga sat ai shara hta dai hpe sat na rai wu ai.

JAW JAU 4:33

Shi gaw de a baw ntsa hta lata mara da nhtawm tawn hkungri a dingdung maga na wan nat hkungga a matu yam nga sat ai shara hta dai hpe sat na rai wu ai.

JAW JAU 4:7

Dai hpang shi gaw Sum kata na manam pyaw ai baw nat nawng tawn ai hkungri jut na nrung ni hta asai loi mi hkan chya na rai wu ai. Naw ngam ai asai yawng hpe chyawm gaw Sum a shang wa chyinghka ang na wan nat hkungri lagaw nhpang e ru hkaw na rai wu ai.

MIHKA 6:6

Ngai gaw shi hpe nawku na matu sit sa wa ai shaloi, sumsing lamu a Madu Karai Kasang hpang de hpa baw kumhpa la sa na rai ta? Shi hpe wan nat hkungga nawng jau na matu kaja htum ai dumsu kasha ni hpe woi sa wa ra na kun?

BU HKAWM 18:17

Rai ti mung, sagu, bainam alat ni hpe chyawm gaw mari shaw la lu na myit dai n rai; dai ni gaw ngai hte tsep kawp seng nga ai rai nna ngai hpe shagu hkungga hku nawng ya na rai myit dai. Dai ni a asai hpe tawn hkungri hta lapri bun nhtawm sau man hpe mung nye a matu manam pyaw ai sangau shatai na lusha hkungga hku nat nawng na rai myit dai.

HEBRE 10:11

Yuda hkinjawng shagu gaw shi a daw jau ai amu ni hpe shani shagu galaw nga let, hkungga nawng jau ai lam amyu mi hpe sha law law lang galaw nga ai; rai ti mung ndai nawng jau ai hkungga ni gaw yubak mara ni hpe galoi mung yeng seng kau ya lu ai n rai.

HEBRE 12:24

Nanhte gaw, Ga Shaka Ningnan hpe gaw lajang da ya ai Yesu hpang de mung, Abela a sai hta grau kaja ai ga sadi ni ngu ai lapri bun ai asai hpang de mung, du nga manit dai.

1 PETRU 1:2

Shi a Wenyi hta chyoi pra ai amyu masha shatai la nna, Yesu Hkristu a ga madat mara na hte shi a sai hte shachyoi shapra la na matu Kawa Karai Kasang a moi kaw nna shatawng shada da sai hte maren nanhte hpe lata la manit dai. Chyeju hte ngwi pyaw ai gaw nanhte hta hpring tsup nga malit ga law.

1 SAMUELA 1:25

Dumsu usu sat ngut ai hpang, dai ma hpe Eli hpang de woi sa wu ai.