JAW JAU 1:4 - Jinghpaw Common Language Bible 20094 Dai wa gaw de a baw ntsa e shi a lata mara da na rai wu ai; dai gaw na a yubak mara ni la kau ya na matu nawng ya ai hkungga tai na ra ai. အခန်းကိုကြည့်ပါ။Jinghpaw Hanson Version Bible4 Shi jaw ai wan nat hkungga a baw hta shi a lata mara lu na rai nna, dai gaw shi a mara htingrai na matu hkap la ya na wu ai. အခန်းကိုကြည့်ပါ။ |
JAW JAU 1:4
44 ပူးပေါင်းရင်းမြစ်များ
“Ngai gaw nang hpe nye a chyoi pra ai kawng ngu ai Ziun de woi sa nna, nye a akyu hpyi nta hta nang hpe kabu gara lam jaw na nngai, nye a tawn hkungri ntsa nang nawng jau ya ai shagu hkungga ni hpe hkap la na nngai. Nye a Nawku Htingnu gaw masha amyu baw ni yawng a amyu masha ni a matu akyu hpyi ai nta langai ngu shamying hkrum na ra ai.”
“Sanit shi sanit lang ngu ai gaw yubak hte n hkru ai amu kaw nna na a amyu masha ni hte na a chyoi pra ai mare lawt wa na matu Karai Kasang masat da ya ai aten galu rai nga ai. Yubak dat kau ai hkrum nna prat dingsa teng man rap ra ai tara grin ngang nga na ra ai; shaloi shingran hte myihtoi ga teng teng byin wa ai hte chyoi pra ai Nawku Htingnu hpe bai ap nawng da na ra ai.
Shi a lata lahkawng gaw dai bainam baw hta mara da nhtawm Israela amyu masha ni a n hkru n hkra ai yubak mara hte gumle gumlau ai lam yawng a matu hpyi nem tawngban ya nna bainam baw de dai ni hpe galai ap kau dat wu ai. Dai hpang lata san da hkrum ai wa gaw dai bainam hpe nam mali de gawt kau dat wu ai.
Dai hpang tawn hkungri ntsa hta de a asau ni yawng mara nhtawm mahku hkungga a matu sat nawng ai yam nga sau nat nawng ai zawn nat na rai wu ai. Ndai hku nna hkinjawng wa gaw up hkang du wa a shut hpyit yubak mara a matu shagu hkungga nawng ya ai hte shi a yubak mara mung raw dat ai hkrum na rai wu ai.
Dai hpang mahku hkungga a matu sat ai yam nga a sau la ai zawn de a sau yawng la nna tawn hkungri ntsa e nat na rai wu ai. Dai Madu gaw de a manam pyaw ai sangau hta awng sharawng nga na wu ai. Dai re ai majaw hkinjawng wa gaw ndai hku nna dai masha wa a matu shagu hkungga nawng ya ai hte shi mung yubak mara raw dat kau ya ai hkrum na rai wu ai.
Dai hpang shi gaw mahku hkungga a matu sat ai sagu a sau yawng hpe la nna, dai Madu a matu wan nat hkungga hpe lusha hkungga hte hpawn tawn hkungri hta nat na rai wu ai. Ndai lam hku nna hkinjawng wa gaw dai masha wa a shut hpyit yubak mara a matu shagu hkungga nawng ya ai hte shi mung mara raw dat kau ya ai hkrum na rai wu ai.
Dai hpang shi gaw Arun hpe, “Tawn hkungri de sit sa nhtawm nang hte amyu masha ni a yubak mara ni la kau ya na matu, htingrai hkungga hte wan nat hkungga ni nawng ya na rai ndai. Dai Madu hkang da sai hte maren amyu masha ni a yubak mara hpe la kau ya na matu, dai hkungga nawng jau na rai ndai,” ngu nna tsun wu ai.
Dai re ai majaw hpu nau ni e, Karai Kasang gaw anhte a ntsa e tsaw ra matsan dum ai myit kaba rawng nga ai majaw shi a amu gun hpai na hte shi sharawng awng ai ahkrung nga ai hkungga tai na matu nanhte a hkum hkrang nawng ya na ngai nanhte hpe shadut jahkat dat made ai. Dai gaw nanhte nawng ya ang ai myit masin a teng man ai daw jau ai lam rai nga ai.
Hkristu si hkam ai a marang e masha ni gaw yubak mara kaw na raw dat kau hkrum na matu Karai Kasang gaw dai Madu hpe gawng malai hkungga tai na san ya sai. Masha ni gaw shi hpe kam sham ai a marang e yubak mara kaw na raw dat hkrum ma ai, Karai Kasang gaw Hkristu hpe shagu hkungga hku masat ya ai lam gaw shinggyim masha ni hpe ding hpring ai ni ngu nna gara hku hkap la ai lam madun shadan dan na matu rai nga ai. Lai wa sai prat hta Karai Kasang gaw hkam sharang nna yubak mara ni hpe yu shalai kau ya sai.
Nanhte shagun jaw dat ai arung arai alu yawng lu la sai lam hte jahpan ya nang e madun dan nngai. Dai gaw ra ai hta pyi jan hkra rai sai. Dai alu arung arai ni hpe Epahprodi la sa ya ai majaw ngai ra ai hta pyi jan hkra lu ni ai. Dai arai ni gaw Karai Kasang kaw nawng ya ai manam pyaw ai bat zawn mung, Karai Kasang ra sharawng ai hte hkap la ging ai shagu hkungga zawn mung rai nga ai.
ကြော်ငြာတွေ