JAW JAU 1:3 - Jinghpaw Common Language Bible 2009

³ Dai wa gaw shi a dumsu hpe wan nat hkungga nawng jau ai rai yang, ra n rawng ai usu langai la sa na rai wu ai. Dai hpe dai Madu a hpung shingkang shanu nga ai Sum a shang wa chyinghka lam hta tawn da lu na rai nga ai. Dai Madu gaw dai wa hpe hkap la na ra ai.

Jinghpaw Hanson Version Bible

³ Jaw mayu ai kumhpa dai dumsu hte wan nat hkungga di na rai yang gaw, ra n rawng ai usu jaw lu na rai wu ai: Yehowa ra sharawng ya ai hkrum lu hkra, shawa sum chyinghka a man e sa jaw lu na rai wu ai.

JAW JAU 1:3 ပူးပေါင်းရင်းမြစ်များ

NINGPAWT NINGHPANG 22:13

Abraham mung grup yin de mada yu wu yang, sagu la langai mi sumwum hta shi a nrung chya nna dau nga ai hpe mu wu ai. Abraham sa nna dai hpe sa raw la nhtawm shi kasha a malai wan nat hkungga nawng ya wu ai.

NINGPAWT NINGHPANG 22:2

Karai Kasang gaw, “Nang grai tsaw ra ai na a shadang sha shingtai Isak hpe woi nna Moria ga de sa wa su. Ngai nang hpe madun na de ai bum ntsa e, shi hpe shagu hkungga shatai nna ngai hpe nawng jau e,” ngu nna tsun wu ai.

NINGPAWT NINGHPANG 22:8

Abraham chyawm gaw, “Karai Kasang shi nan lama ma lajang ya na ra ai,” ngu nna htan wu ai. Dai hpang shan lahkawng rau sha bai matut lung mat wa ma ai.

NINGPAWT NINGHPANG 8:20

Noa gaw dai Madu a matu tawn hkungri galaw nhtawm, san seng ai yam nga hte ntsa malen u amyu shagu hte hpe la nna tawn hkungri ntsa e, hkum dingnawng wan nat hkungga nawng jau wu ai.

2 HKAWHKAM LABAU 29:32

Shanhte gaw dai Madu hpe wan nat hkungga nawng ya na matu usu sanit shi, sagu latsa, sagu kasha lahkawng tsa la sa ma ai.

2 HKAWHKAM LABAU 35:12

Dai hpang shanhte gaw Mawshe a Tara hta tsun matsun da sai hte maren, dai ni hpe hkungga nawng ya lu hkra nga, wan nat hkungga a matu yam nga ni hpe amyu masha ni a lapran dinghku u hpung hku nna garan ma ai.

SHAKAWN KUNGDAWN 110:3

Na gumlau hpyen ni hpe nang htim gasat ai shani e, na a amyu masha ni gaw madu myit hte shang karum wa na mara ai. Jahpawt manap jau jau e, hkrat ai mari zawn, na a brang ram ni nang shanu nga ai chyoi pra ai bum ni de du sa wa na mara ai.

SHAKAWN KUNGDAWN 40:8

Nye a Karai Kasang e, na a myit ra ai hku galaw na, ngai kade wa tsaw nga a hka! Na a sharin shaga ai lam hpe nye a myit kraw lawang hta ngai mazing da nga nngai,” ngu nna ngai htan ni ai.

PRU MAT 12:5

Nanhte gaw sagu hpe rai ti mung, bainam hpe rai ti mung, lata san da lu na rai myit dai, rai ti mung dai gaw hpa mung ra n rawng ai hte laning mi ladu hkrum sai ala rai lu na myit dai.

PRU MAT 24:5

Dai hpang shabrang ni hpe shi shangun dat nna, shanhte gaw dai Madu hpe shagu hkungga ni nat nawng nhtawm mahku hkungga a matu dumsu nkau mi hpe mung nawng jau ma ai.

PRU MAT 29:18

Sagu la shan yawng hpe lusha hkungga nawng ya ai zawn tawn hkungri ntsa hta nat nawng na rai nga ai. De a nawng jau ai manam pyaw bat gaw ngai hpe awng sharawng shangun na ra ai.

PRU MAT 29:4

“Nye a hpung shingkang shanu nga ai Sum chyinghka de Arun hte shi a shadang sha ni hpe woi sa nna htung lai hte maren, hka shin na shanhte hpe tsun u.

PRU MAT 29:42

Ndai wan nat hkungga hpe nye a hpung shingkang shanu nga ai Sum a chyinghka lam, nye a man e prat dingsa nat nawng na hkungga rai malit dai. Nye a amyu masha ni hte ngai hkrum ai dai shara hta nang hpe ga shaga na we ai.

PRU MAT 32:6

Hpang jahpawt manap jau jau aten hta shagu hkungga nat nawng na nga, shanhte gaw yam nga nkau mi la sa nhtawm kaga nkau mi gaw mahku hkungga shan sha ma ai. Amyu masha ni mung lusha poi de shang dung nhtawm lu pyaw sha pyaw ai hte ngang kayut nga ma ai.

PRU MAT 35:21

dai Madu a hpung shingkang shanu nga ai Sum galaw na matu sharawng awng ai ni kadai mung dai Madu hpang de kumhpa la sa na rai ma ai. Shanhte gaw nawku daw jau na amu hta lang ra ai arai shagu hpe mung, hkinjawng bu hpun palawng ni hpe mung galaw na matu la sa shajang ma ai.

PRU MAT 35:29

Dai Madu Mawshe hpe hkang dat ai amu lam shagu a matu Israela amyu masha ni yawng hta kam jaw ai shawang myit rawng ai ni gaw shanhte a hkungga kumhpa ni la sa shajang nga ma ai.

PRU MAT 35:5

Dai Madu hpe hkungga nawng jau mu; kam jaw ai myit hte jaw ya mayu ai masha shagu gaw aja, gumhpraw, magri mang;

PRU MAT 36:3

Shanhte gaw dai Chyoi Pra ai Sum hpe gaw gap na matu Israela amyu masha ni la sa ai alu arai yawng hpe Mawshe a lata kaw na hkap la ma ai. Rai ti mung, dai hta kaga Israela amyu masha ni gaw shanhte a alu arai ni hpe Mawshe hpang de jahpawt shagu naw la sa nga ma ai.

PRU MAT 38:1

Shi gaw wan nat hkungga nawng ya na matu tawn hkungri langai hpe shaji hpun hte galaw wu ai. Dai gaw man mali maga maren rai nna, galu de pe 7 chyen, nda de pe 7 chyen, hte tsaw de pe 4 chyen rai nga ai.

ESAIA 1:11

Shi gaw, “Nang nye a matu nawng jau nga dingyang rai nga ai dai shagu hkungga mahkra hte hpe ngai ra sharawng nga ai ngu, nang myit nawn da wu ni? Shagu hkungga ni zawn nang wan nat nawng ai sagu la ni hte sau hpum ai na a ra n rawng ai yam nga ni hta jan hkra ngai lu ni ai. Ngai gaw usu ni, sagu ni hte bainam ni a asai n ra nngai.

EZEKELA 20:40

Israela amyu masha ni yawng gaw dai mungdan hta nga ai nye a chyoi pra ai bum ngu ai Israela a bum hta ngai hpe nawku daw jau na mara ai; ngai mung nanhte hta awng sharawng wa nna nye a matu ngu nna nawng jau na matu la sa wa ai nanhte a shagu hkungga ni, nanhte a kaja htum ai wan nat hkungga ni hte chyoi pra ai kumhpa ni hpe ngai myit mada nga na nngai.

EZEKELA 40:39

Ndai shawng du ai gawk hta kade nde ku lahkawng hkawng rai nga ai ku mali rawng ai gawk mung nga nga ai. Dai ku ntsa ni hta hkum ting nat nawng na shagu hkungga, mara raw hkungga hte htingrai htingrat hkungga ni a matu nawng jau na dusat ni hpe shanhte sat ma ai.

JAW JAU 1:10

Sagu hte bainam langai ngai nawng jau ai rai yang, dai hta lang ai hkungga gaw ra n rawng ai ala rai lu na rai nga ai.

JAW JAU 14:10

Matsat ya ngu na shani e, shi gaw ra n rawng ai sagu la lahkawng hte laning mi ladu hkrum sai sagu yi hte hpawn tsanlun sau hte kayau ai shadung pawng manga, tsanlun sau hpak mi la sa na rai wu ai.

JAW JAU 16:7

Dai hpang shi gaw dai Madu a hpung shingkang shanu nga ai Sum a shang wa chyinghka lam de bainam lahkawng la sa na rai wu ai.

JAW JAU 17:8

Israela masha kadai rai ti mung, shanhte kaw nga nang ai maigan masha kadai rai ti mung, Sum a shang wa chyinghka lam hta jan nna kaga shara hkan dai Madu hpe wan nat hkungga hte kaga shagu hkungga nawng ya ai wa kadai mung,

JAW JAU 17:9

Karai Kasang a amyu masha hta na sumri dan kau ai hkrum na rai ma ai.

JAW JAU 23:12

Dai nsi naisi hkungga sak jaw ai shani hta ra n rawng ai laning mi ladu hkrum sai sagu la kasha hpe wan nat hkungga shatai nna nawng jau na rai wu ai.

JAW JAU 23:18

Dai muk tawng hte rau ladu hkrum nna ra n rawng ai sagu kasha sanit, usu uram langai, hte sagu la lahkawng hpe shawa hpawng kaw na nawng ya na rai myit dai. Dai ni hpe wan nat hkungga shatai nna shadung hkungga hte sabyi hkungga hte hpawn dai Madu hpe nawng ya na rai myit dai. Dai hkungga a sangau hpe dai Madu awng sharawng nga ai.

JAW JAU 3:1

Nanhte hta na kadai rai ti mung, na a dumsu langai ngai hte mahku hkungga nawng ya ai shaloi dai gaw ra n rawng ai usu shing n rai uyi rai na rai nga ai.

JAW JAU 4:15

shaloi dai shawa hpung a ningbaw ni gaw de a baw hta shanhte a lata mara nhtawm dai yang e sat na rai ma ai.

JAW JAU 4:23

shi a hkungga shatai na matu ra n rawng ai bainam la langai mi la sa na rai wu ai.

JAW JAU 4:3

Hkinjawng Kaba wa nan yubak tawt lai nna amyu masha ni hpe mara kap hkra galaw ai rai yang, shi gaw ra n rawng ai usu hpe shi tawt lai kau ai yubak mara a matu dai Madu hpe shagu hkungga nawng jau na rai wu ai.

JAW JAU 4:32

Masha langai ngai htingrai hkungga nawng ya na matu sagu la sa ai rai yang, dai gaw ra n rawng ai ayi rai lu na rai nga ai.

JAW JAU 5:15

Kadai rai ti mung dai Madu a matu jaw shalai ra ai chyoi pra ai arai ni hpe n dum shami jaw dumhprut nna shut kau ai rai yang, dai Madu a matu htingrai hkungga shatai na ra n rawng ai sagu la shing n rai bainam la sa na rai nga ai. De a manu chyawm gaw tara shang lang ai joi jang hte maren daw dan sawn ya na rai nga ai.

JAW JAU 5:18

Shi gaw hkinjawng wa hpang de mara raw hkungga shatai na ra n rawng ai sagu la shing n rai bainam la langai mi la sa na rai wu ai. De a hkrat ang ai manu hpe chyawm gaw tara shang lang ai joi jang hte maren, manu sawn ya na rai nga ai. Hkinjawng wa gaw shi a n dum shami shut kau ai yubak mara a matu shagu hkungga nawng ya ai hte shi mung mara raw dat kau ya ai hkrum na ra ai.

JAW JAU 6:2

Marai langai ngai gaw Israela manang wa ap da ai arai nhtang ap ya na ningdang kau let, shi kaw na arai lama ma lagu la ai, mawp sha ai,

JAW JAU 6:8

Dai Madu gaw wan nat hkungga nawng jau yang hkan sa na tara a lam ni,

JAW JAU 7:16

Masha langai ngai mahtang ga shaka shatup na matu shing n rai shi a myit ra ai hku jaw mayu nna la sa ai mahku hkungga rai yang, dai shani e nawng jau ai hpe sha nna hpang jahpawt du hkra ngam da ai hpe sha mai nga ai.

JAW JAU 8:18

Dai hpang Mawshe gaw wan nat hkungga a matu sagu la dun la nna de a baw hta Arun hte shi a shadang sha ni a lata mara da nga ai.

JAW JAU 9:2

Arun hpe, “Ya nang htingrai hkungga a matu ra n rawng ai usu kasha langai mi hte wan nat hkungga a matu sagu la langai mi la nna dai Madu hpe nawng jau na rai ndai.

ZEHKARIA 13:7

Chyahtum Chyalai N-gun rawng ai dai Madu gaw, “Nhtu e, hprang u; nye a matu amu galaw ai sagu rem wa hpe htim anut u! Shi hpe sat kau u, shaloi sagu ni bra ayai mat na mara ai.

MALAHKI 1:14

Ngai hpe jaw ya na nga, ga sadi tawn da sai dai kaja ai dusat langai shi a yam nga hpung hta rawng nga ninglen, ngai hpe dai ra rawng ai dusat hpe masu hkalem nawng jau ya ai wa gaw dagam dala hkrum nga ai. Ngai gaw galu kaba ai hkawhkam rai nga nngai, masha amyu baw ni yawng a masha ni ngai hpe hkrit kamyin nga ma ai.”

BU HKAWM 15:3

Dai Madu a matu wan nat hkungga hpe mung, ga shaka tawn ai shagu hkungga hpe mung, jaw mayu ai hkungga hpe mung, nanhte galoi mung agalaw nga ai nawku htung hte seng ai poi na hkungga ni hpe dumsu usu langai, sagu la langai, sagu hte bainam langai hpra di nna sak jaw na mai nga ai. Dai Madu gaw ndai lusha hkungga ni a manam pyaw ai sangau bat hpe awng sharawng nga ai.

BU HKAWM 15:8

Wan nat hkungga shing n rai ga shaka tawn ai hkungga shing n rai mahku hkungga a matu dai Madu hpe usu nawng ya ai rai yang,

BU HKAWM 19:2

hkan sa na tara ni hpe tsun matsun na matu hkang da wu ai. Loi mi mung ra n rawng ai hte lit garai n gun yu ai dumsu upra ahkyeng langai Mawshe yan Arun hpang de la sa nhtawm,

BU HKAWM 23:19

Karai Kasang gaw masu chye ai masha ni zawn n rai; Shi gaw myit chye galai ai shinggyim masha langai mi n rai. Shi jaw da ai ga sadi amu hpe shi galaw ai; Shi tsun ai hte maren galaw shatup nga ai.

BU HKAWM 23:27

Balak gaw, “Ngai hte rau sa rit, nang hpe kaga shara de naw woi sa de ga. Dai yang e nye a matu shanhte hpe matsa ya na Karai Kasang mahkoi hkraw dam nhten!,” ngu nna tsun wu ai.

BU HKAWM 23:3

Balam gaw Balak hpe, “Dai Madu ngai hpe hkrum na, n hkrum na ngai sa yu ai laman, nang jaw ai wan nat hkungga makau e naw tsap nga u. Shi ngai hpe madun dan ai made ngai nang hpe bai wa tsun dan na de ai,” ngu nna tsun wu ai. Shing rai shi gaw kawng langai mi a pungding de shi chyu sha lung mat wa wu ai rai nna,

BU HKAWM 23:30

Balak mung shi tsun ai hte maren galaw nna tawn hkungri shagu hta usu langai, sagu la langai ngai nawng jau ya wu ai.

BU HKAWM 28:11

Shata shagu a praw shani e, dai Madu hpe wan nat hkungga shatai na ra n rawng ai usu uram lahkawng, sagu la langai, laning mi ladu hkrum sai sagu la kasha sanit ni hpe nawng jau na rai myit dai.

BU HKAWM 28:19

dai shani e amu bungli galaw lu na n rai. Dai Madu a matu lusha hkungga hpe mung, ra n rawng ai usu uram lahkawng, sagu la langai mi hte sagu la kasha sanit hte hpe wan nat hkungga shatai nna nawng ya na rai myit dai.

BU HKAWM 28:31

Dai rai nna shani shagu nawng ya ai wan nat hkungga hte shadung hkungga ni hta kaga, ndai sabyi hkungga hpe mung jat nna nawng jau na rai nga ndai.

BU HKAWM 29:13

Nnan shani hta dai Madu a matu manam pyaw ai sangau shatai na lusha hkungga a matu ra n rawng ai usu uram shi masum, sagu la lahkawng hte laning mi ladu hkrum sai sagu la kasha shi mali hte hpe nawng ya na rai myit dai.

BU HKAWM 29:2

Dai Madu a matu manam pyaw ai sangau shatai na, wan nat hkungga a matu ra n rawng ai usu uram langai, sagu la langai hte laning mi ladu hkrum sai sagu la kasha sanit hte hpe sak jaw na rai nga ai.

LUKA 1:35

Dai lamu kasa gaw, “Chyoi Pra ai Wenyi na a ntsa e du nna, Karai Kasang a atsam nang hpe shingnip ka-up na ra ai; dai re ai majaw, shangai wa na ra ai wa hpe Karai Kasang a Kasha ngu nna shamying ai hkam la na ra ai.

YAWHAN 1:36

Yesu lai sa wa ai hpe Yawhan mu wu yang, “Karai Kasang a Sagu Kasha hpe yu yu mu!,” ngu mu ai.

YAWHAN 10:7

Dai re ai majaw Yesu shanhte hpe bai tsun mu ai gaw, “Ngai nanhte hpe kaja wa teng teng tsun made ga, ngai gaw sagu ni shang ai chyinghka hku rai nga nngai.

YAWHAN 10:9

Ngai gaw chyinghka hku rai nga nngai; ngai hta shang ai wa gaw, hkye hkrang la ai hkrum na wu ai rai nna, shang wa pru wa rai lu ai hte, wudat shara mu na wu ai.

2 KORINHTU 8:12

Nanhte hta jaw ya mayu ai shawang myit rawng ai rai yang, Karai Kasang gaw nanhte a rai lu ai made jaw ya ai kumhpa hpe hkap la na ra ai. Nanhte n rai lu ai hpe Karai Kasang hpyi na n rai.

2 KORINHTU 9:7

Lahpawt ai myit hte mung n rai, jaw ra ai lit a majaw sha mung n re ai sha, langai hte langai gaw tinang a kraw lawang e myit da ai hte maren jaw u ga; hpa majaw nga yang, Karai Kasang gaw kabu gara ai myit hte jaw ya ai wa hpe tsaw ra nga ai.

EHPESU 2:18

Maigan masha ni hte Yuda masha ni rai nga ai anhte yawng gaw, Hkristu a marang e dai Wenyi langai sha hte Kawa a man de shang wa lu saga ai.

EHPESU 5:27

dai hpung gaw shi hkum nan a matu ap nawng kau ai shaloi e shi a nga manga hta agang chyalang hte kapum kapam re ai hpa mung n lawm ai sha, chyoi pra ai mara n rawng nna hpung shingkang rawng ai hte tsawm htap na matu rai nga ai.

TARA JAHPRANG 12:27

Dai Madu a tawn hkungri ntsa e tsep kawp nat kau na shagu hkungga ni hpe nawng jau na rai myit dai. Bai nawng jau ya ai shagu hkungga ni hta na ashan hpe nanhte sha nhtawm, dai asai hpe chyawm gaw tawn hkungri ntsa e ru hkaw kau na rai myit dai.

TARA JAHPRANG 15:21

Rai ti mung dai sagu dumsu ni hta lagaw hten ai, myi kyaw ai, grai sawng ai lama ma a majaw hkrang n hkum mat ai yam nga rai yang, dai ni hte dai Madu nanhte a Karai Kasang hpe shagu hkungga nawng ya lu na n rai.

TARA JAHPRANG 17:1

“Dai Madu nanhte a Karai Kasang hpe ra rawng ai dumsu shing n rai sagu nawng ya lu na n rai; shing re ai hpe dai Madu n ra sharawng nga ai.

HEBRE 7:26

Dai rai nna Yesu gaw anhte hta byin nga ai ra kadawn ai lam ni hpe karum kapa ya ai, anhte a matu hkrak ai Hkinjawng Agyi Kaba wa rai nga ai. Shi gaw chyoi pra san seng nna shi hta shut ai lam shing n rai yubak mara hpa mung n rawng nga ai; shi gaw yubak lu ai ni hta n lawm ai sha ginhka la nna sumsing lamu du hkra shagrau shatsaw da hkrum ai wa rai nga ai.

HEBRE 9:14

Hkristu a sai gaw dai hta grau nna shachyoi shapra ya lu ai n rai ni? Hkristu gaw dai htani htana Wenyi hte tinang a hkum hpe ra n rawng ai hkungga hku nna Karai Kasang kaw nawng ya kau sai. Hkrung nga ai Karai Kasang hpe anhte nawku daw jau lu hkra Hkristu a asai gaw anhte a myit masin hpe akyu n rawng ai nawku htung lai chyasi ni hta hkan nang ai kaw na shachyoi shapra la na ra ai.