JAW JAU 1:2 - Jinghpaw Common Language Bible 2009

² kaning rai hkan sa galaw na tara ni tsun matsun wu ai. Kadai rai ti mung yam nga hkungga nawng jau ai shaloi, dumsu langai ngai, shing n rai sagu langai ngai, shing n rai bainam langai ngai nawng ya na rai myit dai.

Jinghpaw Hanson Version Bible

² Israela kashu kasha ni hpe nang ning ngu tsun na rai ndai: Nanhte hta na kadai rai timung Yehowa hpe kumhpa jaw mayu myit yang gaw, dumsu, shing nrai, sagu bainam yamnga hpung hta na la sa nna, nawng jau lu na rai myit dai.

JAW JAU 1:2 ပူးပေါင်းရင်းမြစ်များ

NINGPAWT NINGHPANG 4:3

Aten ram ram na ai hpang, Ka-in gaw dai Madu hpe hkungga nawng jau na matu shi a nsi naisi nkau mi la sa nna dai hpe jaw wu ai.

NINGPAWT NINGHPANG 4:5

rai ti mung shi gaw Ka-in hte shi a hkungga hpe hpa n sawn ya wu ai. Ka-in masin ja ja kahtet ai hte pawt sindawng nga lu ai.

1 HKAWHKAM LABAU 16:29

Dai Madu a hpung shingkang hte seng ai mying ningsang hpe shakawn mu; hkungga lara let shi a Nawku Htingnu kata de shang sa mu. Shi dan pru ai shaloi, Chyoi Pra Ai Wa a man e, gum dagup nga mu.

EZRA 3:5

dai hta kaga, tut nawng nawng ya ai shagu hkungga ni hpe hkum ting nat na matu mung, Shata Praw e galaw ai Poi hta nawng ya na matu mung, dai Madu hpe nawku ai shara hta tut e sa zup hpawng nna dai Madu hpe tinang myit ra ai hku jaw ya ai hkungga ni yawng hpe nat nawng ya ma ai.

PRU MAT 20:24

Nye a matu chyawm gaw hkungri langai galaw nhtawm, de a ntsa e na a sagu dumsu ni hpe mahku hkungga ngu nna hkum dingnawng nat nawng ai shagu hkungga hpe nawng ya e. Ngai hpe nawku lu na matu mung, shara shagu hkan na a matu shara ni hpe ngai san da ya na de ai. Ngai nang kaw sa nna shaman ya na de ai.

BU HKAWM 15:3

Dai Madu a matu wan nat hkungga hpe mung, ga shaka tawn ai shagu hkungga hpe mung, jaw mayu ai hkungga hpe mung, nanhte galoi mung agalaw nga ai nawku htung hte seng ai poi na hkungga ni hpe dumsu usu langai, sagu la langai, sagu hte bainam langai hpra di nna sak jaw na mai nga ai. Dai Madu gaw ndai lusha hkungga ni a manam pyaw ai sangau bat hpe awng sharawng nga ai.

BU HKAWM 5:15

Hpa amu mi rai rai, madu wa gaw madu jan hpe hkinjawng wa hpang de woi sa na rai wu ai. Shi gaw muk-yaw mam shadung pawng lahkawng hpe ra ai hkungga a matu la sa na rai wu ai; rai ti mung de a ntsa e tsanlun sau hpe ru bun lu na n rai; manam pyaw ai baw lawban hpe mara da lu na n rai; hpa majaw nga yang, dai gaw n tsen nga ai madu wa kaw na hkungga rai nga ai hte maren, teng man ai hpe shapraw na lam rai nga ai.

MARKU 7:11

Rai ti mung nanhte gaw, masha langai mi kanu shing n rai kawa hpe karum na matu jai lang lu ai arai lama ma lu ai rai ti mung, ‘Ndai arai gaw Korban rai nga ai,’ (de a lachyum, Karai Kasang kaw sak nawng kau sai Karai Kasang hte seng ai arai she re) nga nna tsun ai wa kadai mung,

ROMA 12:1

Dai re ai majaw hpu nau ni e, Karai Kasang gaw anhte a ntsa e tsaw ra matsan dum ai myit kaba rawng nga ai majaw shi a amu gun hpai na hte shi sharawng awng ai ahkrung nga ai hkungga tai na matu nanhte a hkum hkrang nawng ya na ngai nanhte hpe shadut jahkat dat made ai. Dai gaw nanhte nawng ya ang ai myit masin a teng man ai daw jau ai lam rai nga ai.

ROMA 12:6

Shing rai anhte gaw anhte hpe karan jaw ai chyeju kumhpa kaga ga lu ga ai hte maren, dai kaga ga lu ai chyeju kumhpa ni hpe jai lang ra ga ai. Anhte lu ai chyeju kumhpa gaw Karai Kasang a mungga hkaw dan chye ai atsam rai yang gaw anhte lu ai makam masham chyeju kumhpa hte maren hkaw tsun ga,

EHPESU 5:2

Hkristu gaw anhte hpe tsaw ra ai hte anhte a matu shi a hkum hpe Karai Kasang sharawng awng ai manam pyaw ai shagu hkungga shatai nna nawng kau nu ai zawn, nanhte mung tsaw ra myit e hkang ai kata hta ahkawm nga mu.