JAW JAU 1:17 - Jinghpaw Common Language Bible 2009

¹⁷ Shi gaw u singkaw jum da nna, n gang je kau ai sha, singkaw hte nawng hkum hpe ga kahpyan nna tawn hkungri hta hkum ting nat na rai wu ai. Dai lusha a manam pyaw ai sangau hpe dai Madu awng sharawng nga ai.

Jinghpaw Hanson Version Bible

¹⁷ dai hpe singkaw hte nawng, n dut ai sha, ga kahpyen nna, hkinjawng wa gaw dai hpe tawn hkungri na wan a hpun hta nat na rai wu ai: dai gaw, Yehowa a matu manam pyaw sangau tai na, wan hte nawng ai wan nat hkungga rai nga ai.

JAW JAU 1:17 ပူးပေါင်းရင်းမြစ်များ

NINGPAWT NINGHPANG 15:10

Abram gaw dai yam nga ni hpe Karai Kasang hpang de la sa nhtawm hkum shagu hpe ka-ang brang brang di ga let, maga mi de chyen chyen di da wu ai; rai ti mung u ni hpe chyawm gaw n ga wu ai.

NINGPAWT NINGHPANG 8:21

Dai hkungga a manam pyaw ai sangau gaw dai Madu hpe awng sharawng shangun nga ai rai nna dai Madu gaw, “Shinggyim masha e galaw ai amu a majaw, ginding aga hpe ngai galoi mung dagam kau na ni ai n rai; shi a myit mang ai lam ni gaw shi naw kaji nga ai aten kaw nna n shawp nga ai hpe ngai chye nngai. Ndai lang ngai galaw kau ni ai zawn asak rawng ai hkrung mahkrung ni yawng hpe ngai galoi mung bai jahten na ni ai n rai.

JAW JAU 1:13

Dai wa gaw kata na pu sin hte hpang lagaw ni kashin nhtawm, hkinjawng wa gaw dai Madu hpang de shagu hkungga di na nawng jau ai hte dai ni yawng hpe tawn hkungri ntsa e mara nna nat na rai wu ai. Dai lusha a manam pyaw ai sangau hpe dai Madu awng sharawng nga ai.

JAW JAU 2:2

Arun a shadang sha hkinjawng ni hpang de la sa na rai wu ai. San da hkrum ai hkinjawng wa gaw mani ai shadung, namman hte lawban hta na latup mi magra la nhtawm dai Madu hpe dai ni yawng nawng jau sai masat kumla langai zawn tawn hkungri ntsa e nat nawng na rai wu ai. Dai lusha a manam pyaw ai sangau hpe dai Madu awng sharawng nga ai.

JAW JAU 3:5

Dai hkinjawng ni gaw dai yawng hpe tawn hkungri ntsa nat da ai wan nat hkungga ni hte hpawn nat shalawm na rai ma ai. Dai lusha a manam pyaw ai sangau hpe dai Madu awng sharawng nga ai.

JAW JAU 5:8

Shi gaw dai hpe hkinjawng wa hpang de la sa nna hkinjawng wa mung htingrai hkungga a matu u shawng nawng jau na rai wu ai. Shi gaw u baw hpe n gang di ai sha de a du mahti daw na rai wu ai;

JAW JAU 6:14

Ndai gaw shadung hkungga ni nawng ya na matu hkan sa na tara ni rai nga ai. Arun a shadang sha hkinjawng wa gaw dai shadung hkungga hpe tawn hkungri a man e dai Madu hpe nawng ya na rai wu ai.

JAW JAU 9:13

Shanhte gaw abaw hte kaga shan tau ni la wa ya nhtawm dai ni hpe shi gaw tawn hkungri ntsa hta nat wu ai.

BU HKAWM 15:3

Dai Madu a matu wan nat hkungga hpe mung, ga shaka tawn ai shagu hkungga hpe mung, jaw mayu ai hkungga hpe mung, nanhte galoi mung agalaw nga ai nawku htung hte seng ai poi na hkungga ni hpe dumsu usu langai, sagu la langai, sagu hte bainam langai hpra di nna sak jaw na mai nga ai. Dai Madu gaw ndai lusha hkungga ni a manam pyaw ai sangau bat hpe awng sharawng nga ai.

BU HKAWM 28:8

Shana de nawng ya na sagu la kasha hpe mung jahpawt na hta sabyi hkungga hte hpawn nawng ya ai zawn nawng ya na rai ndai. Dai mung lusha hkungga rai nga ai majaw dai manam pyaw ai sangau hpe dai Madu awng sharawng nga ai.

MAHTE 27:50

Bai Yesu gaw nsen kaba hte jahtau let shi a nsa hti mat lu ai.

YAWHAN 19:30

Yesu gaw dai ntsin hkri hkap la lu ngut jang, “Ngut ma sali ai!,” nga nhtawm, baw nga di nna nsa hti mat wa ai.

ROMA 4:25

Hpa majaw nga yang ding hpring ai ngu nna Karai Kasang e hkap la lu na matu Madu Yesu gaw, anhte a shut hpyit ai yubak mara ni a majaw si hkam na matu ap kau hkrum nna shi hpe bai sharawt la ai hkrum nu ai.

1 PETRU 3:18

Hpa majaw nga yang, Hkristu gaw anhte a yubak mara ni a majaw kalang mi hte yawng a matu ngut hkra si hkam sai. Shi gaw kaja ai masha langai mi rai nga da nna yubak lu ai ni a malai si hkam nu ai. Shing rai galaw ai lam gaw nanhte hpe Karai Kasang hpang de woi wa na matu rai nga ai. Shi gaw hkum shan hku nna sat kau ai hkrum timung, wenyi hta Karai Kasang jahkrung la sai.