JAW JAU 1:13 - Jinghpaw Common Language Bible 2009

¹³ Dai wa gaw kata na pu sin hte hpang lagaw ni kashin nhtawm, hkinjawng wa gaw dai Madu hpang de shagu hkungga di na nawng jau ai hte dai ni yawng hpe tawn hkungri ntsa e mara nna nat na rai wu ai. Dai lusha a manam pyaw ai sangau hpe dai Madu awng sharawng nga ai.

Jinghpaw Hanson Version Bible

¹³ pu sin ni hte lagaw ni hpe shi naw kashin kau nhtawm, hkinjawng wa gaw hkum ting hpe hkungri hta wan hte nawng na rai wu ai; dai gaw, Yehowa a matu manam pyaw sangau tai na, wan hte nawng ai wan nat hkungga rai nga ai.

JAW JAU 1:13 ပူးပေါင်းရင်းမြစ်များ

NINGPAWT NINGHPANG 8:21

Dai hkungga a manam pyaw ai sangau gaw dai Madu hpe awng sharawng shangun nga ai rai nna dai Madu gaw, “Shinggyim masha e galaw ai amu a majaw, ginding aga hpe ngai galoi mung dagam kau na ni ai n rai; shi a myit mang ai lam ni gaw shi naw kaji nga ai aten kaw nna n shawp nga ai hpe ngai chye nngai. Ndai lang ngai galaw kau ni ai zawn asak rawng ai hkrung mahkrung ni yawng hpe ngai galoi mung bai jahten na ni ai n rai.

2 HKAWHKAM LABAU 4:6

Shanhte gaw angdung 10 galaw nna 5 hpe Nawku Htingnu a dingda maga de, kaga 5 hpe dingdung maga de tawn da nga ai. Dai ni hpe wan nat hkungga nawng ya ai dusat hkum daw shan ni hpe kashin kau ai shaloi lang ma ai. Hka lawng kaba na hka chyawm gaw hkinjawng ni shin na matu rai nga ai.

EZEKELA 40:38

Shinggan wang, dingdung maga na kata chyinghka lam hte matut nna gap jat da ai nta langai mi nga nga ai. Dai gaw wang kata de man yawng nga ai shawng du ai gawk maga de hpaw da nga ai; dai shara hta hkum ting wan nat hkungga nat nawng na matu si ai dusat hkum ni hpe kashin ma ai.

JAW JAU 1:9

Dai wa gaw pu sin hte hpang lagaw ni hpe kashin nhtawm san da hkrum ai hkinjawng ni mahtang tawn hkungri ntsa e hkum ting nat nawng na rai ma ai. Dai lusha a manam pyaw ai shangau hpe dai Madu awng sharawng nga ai.

JAW JAU 2:11

Dai Madu hpe nanhte sak jaw ai shadung hkungga ni hpe matsi hte galaw lu na myit dai n rai; Dai Madu hpe nanhte lusha nawng jau myit dai shaloi matsi hte lagat ntsin galoi mung lang lu na n rai.

JAW JAU 2:2

Arun a shadang sha hkinjawng ni hpang de la sa na rai wu ai. San da hkrum ai hkinjawng wa gaw mani ai shadung, namman hte lawban hta na latup mi magra la nhtawm dai Madu hpe dai ni yawng nawng jau sai masat kumla langai zawn tawn hkungri ntsa e nat nawng na rai wu ai. Dai lusha a manam pyaw ai sangau hpe dai Madu awng sharawng nga ai.

JAW JAU 3:5

Dai hkinjawng ni gaw dai yawng hpe tawn hkungri ntsa nat da ai wan nat hkungga ni hte hpawn nat shalawm na rai ma ai. Dai lusha a manam pyaw ai sangau hpe dai Madu awng sharawng nga ai.

JAW JAU 4:31

Dai hpang mahku hkungga a matu sat ai yam nga a sau la ai zawn de a sau yawng la nna tawn hkungri ntsa e nat na rai wu ai. Dai Madu gaw de a manam pyaw ai sangau hta awng sharawng nga na wu ai. Dai re ai majaw hkinjawng wa gaw ndai hku nna dai masha wa a matu shagu hkungga nawng ya ai hte shi mung yubak mara raw dat kau ya ai hkrum na rai wu ai.

JAW JAU 6:14

Ndai gaw shadung hkungga ni nawng ya na matu hkan sa na tara ni rai nga ai. Arun a shadang sha hkinjawng wa gaw dai shadung hkungga hpe tawn hkungri a man e dai Madu hpe nawng ya na rai wu ai.

BU HKAWM 15:3

Dai Madu a matu wan nat hkungga hpe mung, ga shaka tawn ai shagu hkungga hpe mung, jaw mayu ai hkungga hpe mung, nanhte galoi mung agalaw nga ai nawku htung hte seng ai poi na hkungga ni hpe dumsu usu langai, sagu la langai, sagu hte bainam langai hpra di nna sak jaw na mai nga ai. Dai Madu gaw ndai lusha hkungga ni a manam pyaw ai sangau bat hpe awng sharawng nga ai.

BU HKAWM 15:4

Dai Madu a matu wan nat hkungga shatai na sagu bainam hte jaw jau ai wa kadai mung dai hkungga yam nga shagu hte hpawn shadung hkungga ngu na tsanlun sau joi mi hte kayau ai mani ai shadung pawng lahkawng, sabyi ntsin palin lahkawng chyen hte hpawn la sa na rai ma ai.

BU HKAWM 28:11

Shata shagu a praw shani e, dai Madu hpe wan nat hkungga shatai na ra n rawng ai usu uram lahkawng, sagu la langai, laning mi ladu hkrum sai sagu la kasha sanit ni hpe nawng jau na rai myit dai.

BU HKAWM 28:8

Shana de nawng ya na sagu la kasha hpe mung jahpawt na hta sabyi hkungga hte hpawn nawng ya ai zawn nawng ya na rai ndai. Dai mung lusha hkungga rai nga ai majaw dai manam pyaw ai sangau hpe dai Madu awng sharawng nga ai.

TARA JAHPRANG 12:27

Dai Madu a tawn hkungri ntsa e tsep kawp nat kau na shagu hkungga ni hpe nawng jau na rai myit dai. Bai nawng jau ya ai shagu hkungga ni hta na ashan hpe nanhte sha nhtawm, dai asai hpe chyawm gaw tawn hkungri ntsa e ru hkaw kau na rai myit dai.