HPILIPI 4:8 - Jinghpaw Common Language Bible 2009

⁸ Hpu nau ni e, hpungdim hku nna tsun ga nga yang, nanhte gaw hpa teng man ai lam rai ti mung, hpa ding hpring ai lam rai ti mung, hpa san seng ai lam rai ti mung, hpa sharawng awng hpa lam rai ti mung, hpa sha-a ram ai lam rai ti mung, a rawng re ai lam lama ma, shakawn kungdawn re ai lam lama ma rai nga yang gaw dai lam hte hpe myit sumru yu nga mu.

Jinghpaw Hanson Version Bible

⁸ Dai hta kaga, hpunau ni e, hpa tengman ai lam rai timung, hpa htuk htap re ai lam rai timung, hpa dinghpring ai lam rai timung, hpa san seng ai lam rai timung, hpa sharawng awng ai lam rai timung, hpa sha-a ram ai lam rai timung, arawng re ai lam lama ma, shakawn kungdawn re ai lam lama rai nga yang gaw, dai lam hte hpe myit ada yu nga mu.

HPILIPI 4:8 ပူးပေါင်းရင်းမြစ်များ

NINGPAWT NINGHPANG 18:19

Abraham gaw shi a shadang sha ni hte shi a matu mara ni nye a ga hpe madat mara nna ding hpring teng man ai amu hpe galaw ai lam hta shi hkang lu na matu ngai shi hpe lata la ni ai. Shanhte hkan shatup ai rai yang, nye a ga sadi hte maren, shi a matu lam shagu hpe ngai shadik ya na nngai,” ngu nna shi kraw e tsun wu ai.

2 SAMUELA 1:23

“Shawlu hte Yonahtan grai mau na zawn hkrung nga dingsa tsaw ra nja; si wa ai mung ndaw nhka, galang ni hta grau laram, hkanghkyi ni hta grau ningtsam rawng nga ai.

2 SAMUELA 23:3

Israela a Karai Kasang ga tsun nu ai; Israela hpe makawp maga ai wa gaw ngai hpe ning nga nna tsun ai: “Teng man ai hku up hkang nna Karai Kasang a ga madat let up hkang ai hkawhkam gaw,

SHAKAWN KUNGDAWN 82:2

“N tara ai hku tara jeyang ai lam hpe nanhte jahkring da lu na myit dai; tara n lang ai ni hpe myi man tau ai lam nanhte kachyi mi mung n rai lu na myit dai.

GA SHAGAWP 11:1

Dai Madu gaw n teng n man ai joi jang lang ai ni hpe n ju n dawng nga ai. Shi gaw teng man ai joi si ni hta kabu gara nga ai.

GA SHAGAWP 12:4

Kaja ai num gaw shi madu wa a gumrawng shara hte kabu hpa rai nga ai; madu wa a ntsa e, kaya jahkrum ai num gaw nrut nra hpe shatsam kau ya ai mawng ana zawn rai nga ai.

GA SHAGAWP 16:11

Dut rai shagu hpe rap ra ai amu hte dut ya lu na matu, teng man ai joi jang lang na hpe dai Madu ra sharawng nga ai.

GA SHAGAWP 20:7

Myit malang nna jaw ai amu hpe galaw ai kawa hpe lu la ai kasha ni gaw a nga ai.

GA SHAGAWP 31:10

Atsam marai rawng ai dinghku num hpe mu lu na, gade wa yak nga a hka! Shi gaw lung seng ni hta grau hpu nga ai!

GA SHAGAWP 31:29

Shi gaw, “Num law law ni gaw kaja ai nta madu jan ni hkrai rai nga ma ti mung, dai ni yawng hta nang gaw kaja htum rai nga ndai,” nga nna tsun wu ai.

GA SHAGAWP 31:31

Shi galaw ai amu yawng mayawng a manu jahpu hpe matsing ya u; masha shagu shi hpe hkungga lara na mai kaja nga ai.

Shawlumon A Mahkawn Ga 5:16

Shi a n-gup gaw pup yang dwi nga ai, shi hte seng ai lam magup gaw ngai hpe shalen la nga ai. Yerusalem numsha ni e, dai lam ni gaw nye a tsaw ra hte bung nga ai.

ESAIA 26:7

Madu e, nang gaw mai kaja ai amyu masha ni a matu lam shatsawm ya nga ndai; shanhte hkawm sa ai lam gaw ra nga ai.

MAHTE 22:16

Dai hpang shanhte a sape ni nkau mi hte Herod a hpung kaw na masha nkau mi hpe Yesu hpang de shangun dat mu ai. Shanhte gaw, “Sara e, nang gaw teng man ai lam hpe sha tsun nga ndai hpe anhte chye ga ai. Nang gaw masha a myi man n tau ai sha, masha a matu Karai Kasang a myit ra ai lam hpe teng man ai hku sharin shaga ndai.

MARKU 6:20

Yawhan gaw, ding hpring ai hte chyoi pra ai wa rai nga ai hpe Herod chye wu ai majaw, shi hpe hkrit kamyin ai hte makawp maga nga ai. Herod gaw Yawhan a sharin shaga ai ga na lu ai ten shagu shi a myit hta grai ung ang shangun ai rai tim, shi a ga na la na grai ra nga ai.

LUKA 16:15

Yesu gaw, “Nanhte gaw masha ni a man e, tinang a hkum hpe teng man ai masha ni re ngu ai hku mu shangun nga myit dai; rai ti mung, Karai Kasang gaw myit masin ni hpe chye ya nga ai. Hpa majaw nga yang, masha e jahpu shareng nna shagrau ai arai ni gaw Karai Kasang a man e manu n rawng nga ai.

LUKA 2:25

Dai ten hta Simun mying ai masha langai mi Yerusalem mare e nga ai, dai wa gaw ding hpring ai hte Karai Kasang hpe hkrit hkungga nna, Israela hpe hkye hkrang la na lam myit mada ala nga ai wa rai nga ai.

LUKA 23:50

Yuda mung na Aramahti ngu ai mare kaw na, Yuda mung bawng salang hpung hta lawm ai Yosep mying ai wa langai mi nga ai. Dai wa gaw mai kaja ai hte hkungga ging ai masha langai mi rai nna Karai Kasang a Mungdan du sa wa na ra ai lam hpe myit mada nga ai wa mung rai nga ai.

YAWHAN 7:18

Tinang myit hte tsun ai wa gaw, tinang a arawng sadang tam ai wa rai nga ai. Rai ti mung shi hpe shangun dat ai wa a arawng sadang hpe tam ai wa chyawm gaw, teng man nga ai rai nna, shi hta n ding n man ai n rawng lu ai.

KASA 10:22

Shanhte gaw, “Anhte hpe hpyen latsa up ai du wa Korneli shangun dat mi ai. Shi gaw kaja ai masha langai mi rai nna Karai Kasang hpe hkrit hkungga ai hte Yuda amyu ting a man e grai myi man pa ai, hkungga lara hkrum ai wa rai nga ai. Karai Kasang a Lamu Kasa langai mi gaw, nang hpe Korneli shi a nta de shaga bang nna nang tsun ai ga madat la na lam hkang da nu ai,” ngu nna tsun mu ai.

KASA 22:12

“Dai mare hta tara hkungga nna anhte a jep ai Tara hpe madat mara hkan sa ai hte dai yang e nga ai Yuda masha ni yawng a man e myi man pa nna hkungga tawn ai Anani ngu ai masha langai mi nga ai.

KASA 6:3

Dai majaw hpu nau ni e, nanhte hta na Chyoi Pra ai Wenyi hte hpaji machye machyang hpring ai marai sanit lata tawn mu. Anhte dai ni hpe dai amu galaw hpajang na matu san da na ga ai.

ROMA 13:13

Anhte gaw tang pyaw lam hkan ai hte chyaru nang ai, shawa num gaswi ai, hte ngang kayut ai, ga law ga la ai hte manawn masham ai hpe n hkan ai sha, shani chyingtung a nhtoi hta hkawm sa ai ni zawn anhte ahkawm nga ga.

ROMA 13:3

Hpa majaw nga yang, kaja ai amu galaw ai ni gaw up hkang ai du ni hpe hkrit agam nga na lam n nga ai, rai ti mung n hkru ai amu galaw ai ni chyawm gaw hkrit ra na rai myit dai. Nang gaw ahkang aya lu ai ni hpe n hkrit ai sha nga mayu n ni? Mai kaja ai bungli galaw u, shing rai jang, shi nang hpe shakawn kungdawn na rin dai.

ROMA 14:18

Dai hku hkan nna Hkristu a bungli gun hpai ai wa gaw, Karai Kasang a man e sharawng awng nna, masha a man e mung awlaw ai hkrum nga ai.

ROMA 2:29

Yuda masha majing chyawm gaw, kraw kata e matu gadoi hking hkam la ai wa mahtang rai nga ai. Dai wa hpe Yuda masha byin shangun ai lam gaw ka da ai jep ai Tara a majaw n rai, Karai Kasang a Wenyi e masha a kraw lawang kata hta amu galaw ai hte shabyin ai lam rai nga ai. Dai zawn re ai masha wa gaw masha kaw na shakawn kungdawn ai hpe hkam la ai n rai, Karai Kasang kaw na she hkam la ai wa rai nga ai.

1 KORINHTU 4:5

Dai re ai majaw, aten hkrak garai n du yang, kadai hpe mung hkum jeyang myit. Hpang jahtum na jeyang daw dan ai lam hpe, dai Madu bai du sa ai nhtoi shani du hkra la nga lu na rai nga ai; Shi gaw nsin hta makoi magap da ai nga manga hte hpe mung, masha a myit kraw lawang kata hta makoi magap da ai myit mang yaw shada ai lam ni hpe mung, shapraw shadan dan na ra ai. Dai shaloi e langai hte langai gaw tinang hte ging dan ai hte maren Karai Kasang kaw na shakawn shagrau ai hpe hkam la na ra ai.

2 KORINHTU 13:7

Nanhte gaw shut ai lam hpe n galaw myit ga, ngu nna anhte Karai Kasang kaw akyu hpyi ga ai. Dai gaw, anhte chyam dinglik ai hpe awng dang ai lam madun dan na matu n rai, anhte ni gaw hkrat sum mat ai ni zawn san ti mung, nanhte teng man ai hpe galaw lu myit ga she hpyi ya nga ga ai.

2 KORINHTU 6:8

Anhte gaw shagrau sha-a ai mung, jahpoi asawng ai mung, shakawn kungdawn ai mung hkrum ga ai. Anhte hpe masu hkalem sha ai masha ni rai ma ai ngu nna shadu ma ai, rai ti mung, anhte gaw teng man ai ga tsun ga ai.

2 KORINHTU 8:18

Dai kabu gara shiga hkaw tsun ai amu gun hpai ai lam hta hpung ni yawng e kam kaba da ai hpu nau wa langai mi hpe mung, anhte shi hte rau shangun dat ga ai.

2 KORINHTU 8:21

Dai Madu a man e sha n rai, masha a man e mung, teng man htap htuk ai amu galaw na gaw anhte a yaw shada ai lam nan rai nga mali ai.

GALATI 5:22

Rai ti mung dai Wenyi a asi chyawm gaw, tsaw ra ai, kabu gara ai, ngwi pyaw ai, myit galu kaba ai, matsan dum ai, mai kaja ai,

EHPESU 4:25

Dai majaw masu ai ga hkum tsun mu; langai hte langai gaw tinang a kam sham ai hpu nau wa hpe teng man ai ga sha tsun u ga, hpa majaw nga yang, anhte yawng gaw Hkristu ngu ai hkum hkrang a daw chyen ni rai nga ga ai.

EHPESU 5:9

Hpa majaw nga yang dai nhtoi gaw mai kaja ai lam amyu myu, ding hpring ai hte teng man ai lam ni hpe shabyin ya nga ai.

EHPESU 6:14

Dai rai nna nanhte a nshang hpe teng man ai hte shingkyit zawn kyit da nna, ding hpring ai hpe sinda magap zawn dagap nhtawm,

TARA JAHPRANG 16:20

Dai Madu nanhte a Karai Kasang nanhte hpe jaw ai mungdan madu la nna, dai mung e matut asak hkrung nga lu myit ga gaw, rap ra ai hte teng man ai tara hku tut nawng jeyang lu na rai myit dai.

HPILIPI 3:1

Hpu nau ni e, jahtum hku tsun ga nga yang, dai Madu hta langai sha tai lu ai lam hpe kabu gara nga mu. Shawng de nanhte hpang de ngai ka dat yu sai lam ni hpe bai kahtap ka na matu ngai hta lit n li nga ai sha n-ga nanhte hpe shim lam lu la shangun nga ai.

KOLOSE 4:5

Nanhte lu ai ahkaw ahkang shagu hpe ga n hkrat hkra atsawm sha jai lang let garai n kam n sham ai ni a man e hpaji byeng-ya hte hkawm nga mu.

1 HTESALONI 4:12

Ndai lam hku nna, nanhte gaw kam sham ai hpung masha n re ai ni a hkungga lara ai hpe hkam la lu na rai myit dai; dai hta n ga, nanhte a ra ai lam hte seng nna kadai wa hpe mung n shamyet shanat ra na myit dai.

1 TIMOHTI 2:2

Anhte gaw Karai Kasang hpe hkrit hkungga ai lam ni yawng hta atsawm sha hkan sa nna htap htuk mai kaja ai arawn asam rawng let ngwi pyaw sim sa ai hku asak hkrung nga lu u ga, Hkawhkam ni hte ahkang lu ai ni yawng a matu mara akyu hpyi nga mu.

1 TIMOHTI 3:11

Shanhte a madu jan ni mung arawn alai kaja ai ni rai nna shatan nhkan ga tsun n lem ai ni n re ai sha, sari sadang hte hpring nna lam shagu hta myit matu ding ai ni rai lu na rai.

1 TIMOHTI 3:4

tinang a dinghku hpe atsawm sha up hkang lu ai hte tinang a kashu kasha ni e madat mara hkungga la ra ai lam hkam la lu hkra galaw lu ai wa rai ra ai.

1 TIMOHTI 4:12

Nang asak naw kaji ai brang ram rai nga ndai majaw, kadai mung nang hpe n yu kaji kau u ga, tsun ai ga hta mung, arawn alai hta mung, tsaw ra ai hta mung, makam masham hte myit san seng ai hta mung, kam sham ai ni a matu mara kasi kamang tai nga u.

1 TIMOHTI 5:10

Dai hta n ga, shi gaw arawn alai kaja ai lam hta mung gumhkawng ai jan, kashu kasha ni hpe atsawm sha woi lanu lahku shakung jahpan ai jan, tsasam manam ni hpe shi a nta kaw hkap la nna galaw daw ai jan, Hkristan hpu nau ni hte seng nna galaw ra ai lit ni hpe myit nem ai hte galaw gun hpai ai jan, ru yak jam jau hkrum nga ai ni hpe karum ai jan, mai kaja ai magam bungli hpe ap nawng gun hpai ai jan rai ra ai.

1 TIMOHTI 5:2

hpawmi ni hpe kanu ni hpe zawn, mahkawn ni hpe kajan kana ni hpe zawn tsep kawp san seng ai myit hte shadum shahprang nga u.

TITU 1:8

Shi gaw manam daw ra ai, mai kaja ai lam hpe tsaw ra chye ai wa, tinang hkum hpe hkang chye ai, si si re ai, ding hpring ai, chyoi pra ai, tara hkan ai wa rai ra ai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

TITU 2:2

Asak kaba sai dingla ni hpe chyaru n len ai sha sadi na matu, temsi rai nga na matu, mu mada chye na ya na matu hte tinang hkum hpe hkang lu na matu mung, teng man ai makam masham rawng nga na hte, tsaw ra nna shakut sharang ai lam hta hpring tsup kunghpan nga mu ga mung sharin shaga u.

TITU 2:7

Lam shagu hpe galaw gun hpai ai lam hta, nang hkum nan kaja ai kasi ningli tai nga u. Myit malang ai hte grai laja lana ahkyak shatai ai hku shadum sharin u.

TITU 3:14

Sha na, bu hpun na, nga na lam a matu kaja wa ra kadawn nga ai hpe jaw lu hkra, anhte a masha ni kaja ai kan bau bungli galaw ai hta shanhte a aten hpe jai lang chye mu ga hte, shanhte gaw akyu n rawng ai baw asak n hkrung mu ga sharin ya u.

HEBRE 11:2

Moi shawng de na masha ni gaw, shanhte a makam masham a majaw Karai Kasang a sharawng awng ai lam hpe lu la ma ai.

HEBRE 13:18

Anhte a matu mara n sim n sa akyu hpyi nga mu, anhte ni gaw tinang ni a htauli htaula myit asan apra rai nga ai lam kam lu ga ai, hpa majaw nga yang, anhte gaw ten shagu teng man ai lam galaw mayu ai myit rawng nga ga ai.

YAKU 1:27

Kawa Karai Kasang a man e san seng ai hte jet ai nawku htung ngu ai gaw, ruyak kyindut hkrum nga ai jahkrai nmai ni hte gaida ni hpe lanu lahku gawn lajang nna tinang hkum hpe mung, mungkan ga a awu asin re ai hpe mung, koi kau ai lam rai nga ai.

YAKU 3:17

Rai ti mung ntsa de na du sa ai hpaji byeng-ya chyawm gaw shawng npawt e san seng ai, dai hpang ngwi pyaw sim sa ai, sumnung shingdi ai hte hku hkau ai lam hpe byin shangun nga ai hta n ga, tsaw ra matsan dum myit hte hpring nna kaja ai magam bungli ni ngu ai apu asi ni hpe shabyin shapraw nga ai. Dai gaw myi man lata ai lam hte hpyi hpun ai lam hta n lawm nga ai.

1 PETRU 1:22

Ya nanhte gaw dai teng man ai lam hpe madat mara nga let nanhte a hkum ni hpe jasan jaseng kau nhtawm, nanhte a kam sham ai manaw manang ni hpe kaja wa tsaw ra nga myit dai. Dai rai nna nanhte shada da myit masin mahkra hte tsaw ra nga mu.

1 PETRU 2:12

Tara maigan de na ni nanhte hpe n hkru n kaja ai lam galaw ai ni re ngu nna shadu myit yang, nanhte a kaja ai amu mu lu nna dai Madu bai du sa ai Nhtoi hta Karai Kasang hpe shakawn shagrau mu ga, nanhte gaw shanhte a man e nanhte a arawn alai lam hta tsawm htap kup tsup nga myit ga law.

1 PETRU 4:8

Lam yawng mayawng hta grau nna nanhte shada tsaw ra ai hta makyit sumri ngang ngang rai nga mu; hpa majaw nga yang, tsaw ra ai myit gaw yubak mara law law hpe magap kau ya nga ai.

2 PETRU 3:1

Nye a tsaw ra ai manang ni e, ndai gaw ngai nanhte hpang de lahkawng lang ngu na ka dat ai laika rai li ai. Ndai laika lahkawng yan hta nanhte a san seng ai myit ni hte chye na na matu lawu na lam ni hte seng nna shadum dat made ai.

1 YAWHAN 3:18

Nye a shu sha ni e, anhte hpe tsaw ra ai lam gaw ga hte, n-gup shinglet hte sha n rai, amu bungli hta madun dan ai teng man tsaw ra myit rai ra nga ai.

1 YAWHAN 3:3

Hkristu hta dai myit mada shara lu ai masha shagu gaw, Hkristu nan chyoi pra nga ai hte maren tinang hkum hpe mung shachyoi shapra da nga ai.

1 YAWHAN 4:1

Tsaw ra ai ni e, Wenyi hkam la lu ga ai nga nna tsun ai ni yawng hpe hkum kam nga myit; shanhte hkam la ai ngu ai wenyi gaw Karai Kasang kaw na yu wa ai wenyi rai nga ai kun? jep yu mu; hpa majaw nga yang, masu ai myihtoi ni law law wa shara shagu hkan du taw nga masai.

RUHTA 3:11

Ruhta e, ya nang hpa mung hkum tsang et. Nang sari sadang hte hpring nga ai num rai nga ai gaw, mare masha shagu chye nga ma ai zawn, nang hpyi mahpyi lam shagu hpe ngai galaw na nngai.