HPILIPI 4:4 - Jinghpaw Common Language Bible 2009

⁴ Dai Madu hta nanhte tut nawng e kabu gara nga myit ga, bai ngai tsun nngai, kabu gara nga mu.

Jinghpaw Hanson Version Bible

⁴ Dai Madu hta tutnawng e kabu gara nga mu; bai ngai tsun nngai, kabu gara nga mu.

HPILIPI 4:4 ပူးပေါင်းရင်းမြစ်များ

SHAKAWN KUNGDAWN 146:2

Ngai asak hkrung nga ai hte yang, shi hpe ngai shakawn nga na nngai; nye a asak prat tup, nye a Karai Kasang hpe mahkawn nga na nngai.

SHAKAWN KUNGDAWN 33:1

Ding hpring ai ni yawng hte e, Madu galaw dan sai amu a majaw, kabu gara marawn jahtau nga mu; shi a ga madat mara ai ni yawng hte e, shi hpe shakawn mu.

HABAKU 3:18

ngai gaw naw kabu gara ai hte kabu sharawng nga na nngai, hpa majaw nga yang Madu Karai Kasang gaw nye a hkye la madu rai nga ai.

MAHTE 5:12

“Kabu nna pyaw pyaw rai nga mu, hpa majaw nga yang, sumsing lamu hta e nanhte a matu shabrai kaba langai mi tawn da ya sai! Nanhte a shawng na myihtoi ni hpe mung shanhte dai hte maren zingri zingrat di kau manu ai!

KASA 16:25

Ya shana yuptung hpawa e Pawlu yan Sila gaw akyu hpyi ai hte, Karai Kasang hpe mahkawn shakawn nga ma ai rai nna, bawng dung ai ni shan a ga madat nga ma ai.

KASA 5:41

Kasa ni gaw shanhte hpe Madu Yesu a majaw kaya kahpa hkrum ging ai re ngu nna Karai Kasang e sawn ya hkrum ai majaw kabu gara ai hte Yuda kongsi hpawng kaw na pru mat wa ma ai.

ROMA 12:12

Myit mada let kabu gara nga mu. Nanhte hkrum hkra na ru yak jam jau lam ni hta hkam sharang nga mu; akyu hpyi ai hta tut e htep lahti rai nga mu.

2 KORINHTU 6:10

Yawn hkyen hkrum ga ai rai ti mung, anhte tut nawng e akabu nga ga ai, matsan mayan re ai ni zawn rai ga ti mung, masha law law hpe shalu jasu saga ai. Hpa n lu ai ni zawn rai ga ti mung, anhte kaja wa yawng mayawng hpe madu ai ni rai nga ga ai.

GALATI 1:8

Rai ti mung, nanhte hpe anhte hkaw tsun dan sai Kabu Gara Shiga hte shai ai kaga Kabu Gara Shiga hpe anhte shing n rai, Sumsing lamu na lamu kasa langai mi nanhte hpe hkaw tsun dan a yang gaw, shi gaw ngarai hte ging dan ai dagam dala hkrum u ga.

HPILIPI 2:18

Dai hte maren nanhte mung kabu nga mu; ngai hpe mung nanhte hte rau kabu shangun mi.

HPILIPI 3:1

Hpu nau ni e, jahtum hku tsun ga nga yang, dai Madu hta langai sha tai lu ai lam hpe kabu gara nga mu. Shawng de nanhte hpang de ngai ka dat yu sai lam ni hpe bai kahtap ka na matu ngai hta lit n li nga ai sha n-ga nanhte hpe shim lam lu la shangun nga ai.

1 PETRU 4:13

Mau nga na malai, nanhte gaw Hkristu a nni nkri hpe Hkristu hte rau shang lawm hkam la nga myit dai majaw kabu gara nga mu. Shing rai yang she shi a hpung shingkang hte dan pru ai shaloi nanhte nachying kabu gara ai hte hpring tsup wa lu na marin dai.